2 SEMUEL 12:11 - Susula Malalaok Hehelu Palak Ma Hehelu Beuk

¹¹ Au soo, neukose o teidalem-mala leni fe o, susa-soe. Neukose, nai o matam, Au ho'i-a o saom-mala, fo Au fes leo hataholi fe'ek neu, fo ala sungu los nai le'dohana nees.

2 SEMUEL 12:11 ပူးပေါင်းရင်းမြစ်များ

2 SEMUEL 15:10

Tehu beita neu fa te, nadenu hataholi neni hala heheluk fe basa leo Israel-la nae, “Metema emi mamanene pupuuk-ka liin-na soona, maloo bou-bou leon mae, ‘Absalom da'di manek nai Hebron so!’ ”

2 SEMUEL 15:14

Boema, Dauk nafa'da basa hataholi mana'a ngga'din-nala nae, “Mai fo talai leo mamana fe'ek teu. Ka'da no enok ndia mesak-kana, ita hapu taso'da teme Absalom mai. Ta dook-ka so'on te, neukose ana mai. Lai-lai leona, fo boso nalosak ana usi dai ita, fo ana sengi ita, nalosa ana taonisa basa laun manai kota lala'en-na!”

2 SEMUEL 15:6

Absalom tao leondiak neu basa hataholi Israel fo sanga neu kalaak dede'an-na leo manek-ka neu; no enok ndia, Absalom hapu ho'i hataholi Israel-la dalen-na.

2 SEMUEL 16:11

Boema, Dauk nafa'da seluk Abisai, ma basa atan-nala nae, “Au ana bonging-nga boeo, ana sanga enok fo sanga taonisa au; tao le'e de, emi mita Benyamin hataholin ia, ha'da-paliin boema, emi dodoo doak-kana? Manetualain nde nadenun fo ana soo-supa au-a; hu ndia de, boso taon le'e esa boen, nemen-na fo ana soo-supa nakandoo.

AYUB 31:10

soona nemen-na, fo au saoinang-nga, do'de-nasu fe hataholi fe'ek; nemen-na, fo ana sungu no tou fe'ek.

YESKIAL 14:9

Metema, nabi esa nanake'di-ndiu basak, nalosa ana fe natataa masalak soona, Au nde ke'di-ndiu nana. Au, Manetualain Fo Mademaina, neukose kalua henin neme hataholi Israel-la dalek mai.

ULANGAN 17:17

Manek-ka, saoinan boso ba'uk-ka, fo ela ana boso nasadea Manetualain. Manek-ka boeo, ana boso sanga enok fo, namasu'i lilofulak ma lilopilas fa.

ULANGAN 28:30

Metema, emi ta tunga emi Manetualaim-ma fa soona, manada'dik-kala nde ia, neukose ala tuni-ndeni-la emi: Neukose emi meu a'du-matane ina anafe'ok, tehu hataholi fe'ek nde sao ina anafe'ok fo, emi meu a'du-matanek ndia. Neukose, emi mafofo'a uma, tehu hataholi fe'ek nde leo uma ndia. Neukose, emi sele osi angol, tehu hataholi fe'ek nde na'a boan-nala.