2 SEMUEL 11:1 - Susula Malalaok Hehelu Palak Ma Hehelu Beuk

¹ Nai faik fo manek-kala leu latee-lata'ti, Dauk nadenu Yoab no basa malanga solda'du matuaina-nala, ma solda'du Israel-la lala'en-na, leu latee-lata'ti; boema, ala sengi hataholi Amon-nala, ma lakahapi-la kota Raba. Tehu Dauk leo neme Yerusalem.

2 SEMUEL 11:1 ပူးပေါင်းရင်းမြစ်များ

2 SEMUEL 10:14

Lelek solda'du Amon-nala lita solda'du Siria-la lalai boema, sila boeo lalai leme Abisai mai, de lakadedeak leo kota dale leu. Yoab natee-nata'ti basa no hataholi Amon-nala boema, ana fali ne'un leo Yerusalem neu.

1RAJA-RAJA 20:22

Basa boema nabi ndia neu leo Ahab neu de nae, “Besak ia, malolelenak tuan fali fo tao matetea aoinam-ma boema tutu'u eno na no tasak, nanahu mane Siria neukose ana mai sapu seluk nai fai timu.”

1RAJA-RAJA 20:26

Nai fai timu manamaik ia boema, ana hoka basa solda'dun-nala de leu leo kota Afek-ka leu, fo sapu-la hataholi Israel-la.

1 TAWARIKH 20:1

Fai sele-nggali manamaik ka, fo mane-manek-kala biasa na leu latee-latati boema, Yoab nadenu solda'dun nala leu de ala loso la nusak Amon na. Nai lelek ndia, Manek Dauk ka nahele neme Yerusalem, de ana ta tunga fa. Yoab no solda'dun nala lakahapi la kota Raba, boema ala sapu lan de ala tao lakalulutuk kota ndia.

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

MAZMUR 60:9

Gilead ma Manasye nde been-na, Au nuung, Efraim nde Au ti'ilanga baing-nga, ma Yehuda nde au nusang-nga aitete'en-na.

PENGKHOTBAH 3:8

Manetualain naketu faik soaneu sue-lai, ma faik soaneu nape'da dalek, faik soaneu natee-nata'ti ma faik soaneu mole-dame.

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

YEREMIA 49:3

Hei hataholi Hesybon, kii leo nanahu nusa Ai-a nakalulutuk so! Hei anafe'o anak nusa Raba, kii leo! Pake si'di kalong da'di ta'du tana dale he'dik, malai kii-konak henuk no mapangamak. Neukose o lamatua Milkom-ma nanafoo nenik leo mamana ookak-ka sama-sama no basa manaho'u-paleta ma basa imam-mala!

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

ZAKHARIA 14:3

Boema neukose Manetualain tutulumatak, fo natee-nata'ti la'ban leoina sila-la, sama leo Ana taon nai tepo-lelek makahulun-na.

ULANGAN 3:11

Hataholi Refaim fo maso'dak-ka, ela ka'da Mane Og-ka mesak-kana. Kopan-na, nanataok neme batu-a mai, nanataok neme batu mai, nanalun-na metel haa, ma loloan-na hihii nae metel dua, uukuk ia, tunga uukuk fo nananaketu basak-ka so. Losa besak ia, kopak ndia bei titan nai Raba fo hataholi Amon-nala kotan-na.)

SEMUEL SUSULAK-KA ESAN-NA 18:30

Metema neu faik beek, fo solda'du Filistin-nala mai sapu soona, Dauk nde taonisa solda'du musu ba'uk-ka, nakalena neme basa Saul malanga solda'du matuaina fe'en-nala mai. Boema Dauk boetai nanakoa-nanakiok.