2 SEMUEL 10:6 - Susula Malalaok Hehelu Palak Ma Hehelu Beuk

⁶ Basa boema, hataholi Amon-nala, lame'da lae sila tatao-nono'in ndia, tao-na Dauk musu no sila. Hu ndia de, ala se'ba solda'du Siria fo manaleo nai Bet-Rehob ma Zoba, lifun duahulu, ma solda'du Tob lifun sanahulu dua boe, boema nusa Maakha manen-na, no solda'dun lifun esa.

2 SEMUEL 10:6 ပူးပေါင်းရင်းမြစ်များ

KEJADIAN 34:30

Yakob nafa'da Simeon ma Lewi nae, “Emi tao susa au. Besak ia, hataholi Kanaan-nala ma hataholi Feris-sala, ma basa nusak ia laun-nala, neukose lakamuu-lakadau au. Ita hataholin-nala ta ba'uk-ka fa; de metema basa laun-na teik esa-dalek esa, fo ala la'ban ma sapu-la au soona, basa ita teidalen-nala lala'en-na, neukose nanatao namate-namopok.”

2 SEMUEL 10:5

Tehu ala mae, fali le'us leo sila nusan-na leu. Lelek hataholi nafa'da manada'dik ndia neu Dauk boema, ana haitua hala heheluk, fo daenga nadenu hataholi sila-la, fo ala leo leme Yerikho, losa nggolomein-nala moli seluk.

2 SEMUEL 10:7

Lelek fo Dauk namanene dede'ak ndia boema, nadenu Yoab no basa solda'dun-nala lala'en-na, fo leu la'ban musu-a.

2 SEMUEL 16:21

Boema, Ahitofel nataa nae, “Muu leo Tuan aman sao makahatun fo ana la'oelas lanea uma manek-ka muu, fo sungu moos. Basa laun Israel-la lala'en-na, neukose ala bubuluk, lae no Tuan tatao-nono'in ndia de, Tuan aman tao Tuan da'di musu so. Soona, basa hataholi manatunga Tuan-na, neukose boetai lapalani.”

2 SEMUEL 8:3

Basa boema, Dauk sengi Mane Hadadezer, fo Rehob anan-na, ana paleta nai Zoba, fo nusak esa deka no Damsyik. Nai lelek ndia, Hadadezer bei nai leleo-lala'on dale, fo sanga neu tao matalolole koasan-na neu nusak manadeka no Lee Efrat-ta, langan-na.

2 SEMUEL 8:5

Hataholi Siria-la leme Damsyik mai, ala haitua solda'du-la leu, fo ala tulu-fali Mane Hadadezer-ra. Tehu Dauk sengis, de ana taonisa sila solda'dun lifun duahulu dua.

1RAJA-RAJA 11:24

Mane Dauk ka sengi hai Hadadezer ia so, ma ana taonisa Hadadezer nono nala leme Siria mai. Nai lelek ndia, Rezon nalai neme Hadadezer mai de naloo nakabubua hataholi-la boema ana da'di malangan-nakabua makahatuk. No nonon-nala leu leo Damsyik leu boema ala leo leme kota ndia. Nai naa, nonon-nala so'un da'di manek nai Siria.

2RAJA-RAJA 7:6

Nana, Manetualain tao-na hataholi Siria-la, lamanene maliik-ka, sama leo solda'du manasa'e ndala, ma manasa'e kaleta bubuaina esa, ala mai sapu. Hataholi Siria sila-la, laedaenga, mane Israel-la, se'ba basa mane Het-ta, ma mane Masir-ra loo solda'dun-nala, fo ala mai sapu-la sila.

MAZMUR 48:4

Manetualain leo nai kota musun-nala, se'kona Ndia mesak-kana nde manamasulu-manamahapan-na.

KELUARAN 5:21

Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”

AMSAL 25:8

Boso makalupu kalaak dede'ak leo manakee-manafulu neu; nana, metema neu fai makabuin, fo hapu buti nae, o masalak soona, o bisa tao beek bai?

YEREMIA 40:8

Boema Ismael fo etanya anan-na, Yohanan fo Kareah anan-na, Seraya fo Tanhumet anan-na, ma Efai neme Netofa anan-nala, boema Yezanya neme Maakha de basa-basas lo sila hataholin-nala leu lo Gedalya nai Mizpa.

YEREMIA 46:21

Nakalenak seluk bai sila soloda'du nanase'ba-baen-nala ta bisa so'uk sama leo sapi ana fo aon mota-mota nan seli-a fa. Ala ta hapu lakatatakak fa. Basa-basas fali deak de lalai beno'u fo ela laso'da. Fai huhukuk ba'eneu sila ana losa ndia so; fain-na losa soaneu susa-soe-a tuni-na sila.

ULANGAN 3:14

Yair, fo neme leo Manasye mai, ana ho'in-na nusa Argob-pa lala'en-na fo nde: neme Basan losa Gesur no Maakha dae toon-na. Ana foi nggolok sila-la na'den-na tunga ndia na'den-na, de losa besak ia, hataholi-la loken soona, lae nggolok Yair.)

HAKIM-HAKIM 11:3

Hu ndia de, Yefta nasi'da-naba'e neme tolanoon-nala mai, boema ana la'o, de ana leo nai nusa Tob-pa. Hataholi mangalauk bubuak esa nai naa, lakabubua lon, de leu lamanako.

HAKIM-HAKIM 11:5

Lelek, dede'ak ndia ana da'di, basa Israel lasi nggolon manai Gilead-tala leu, de ala leleko Yefta, fo ana la'oela nusa Tob-pa.

SEMUEL SUSULAK-KA ESAN-NA 13:4

Basa leoina Israel-la lala'en-na hapu halak, lae Saul taonisa Filistin malanga solda'du matuainan ndia, ma lae hataholi Filistin-nala ta hii hataholi Israel-la lanseli fa. Hu ndia de, laun-na tunga hala nalolook-ka, de lakabubua loo Saul nai Gilgal.

SEMUEL SUSULAK-KA ESAN-NA 27:12

Tehu Akhis namahele Dauk, de ana dudu'a-dodoo nai dalen dale nae, “Leoinan, ta lahiik loon makadondook fa, nalosa no nakasetik, ana da'di au atang, nai fai maso'dan-na dalek.”