2 SEMUEL 1:23 - Susula Malalaok Hehelu Palak Ma Hehelu Beuk

²³ Saul ma Yonatan hala-kokola mangana'uk, ma nanasue-laik; dalek esa-teik esa tataas esa, nai maso'dak ma mamates-sa dalek; sila nasafelon-na, lena heni manupui kaka'ka, be'i-balakain lena heni singa molisoluk.

2 SEMUEL 1:23 ပူးပေါင်းရင်းမြစ်များ

2 SEMUEL 1:24

Hai, ina Israel-la lemin, kii-makaleleu mane Saul-la leona! Fo manapake-nggao emi nenik bua-lo'a pilas mabelik malole-mana'a, ma ana balias emi nenik lilopila poemata mana'ahiik.

2 SEMUEL 2:18

Zeruya ana ka telun fo nde, Yoab, Abisai ma Asael, lai ndia. Asael nggafan-na seli, sama leo nusa nalaik,

2 SEMUEL 23:20

Malanga solda'du matuaina palani tatibatu fe'ek esa nde Benaya, fo Yoyada hataholi Kabzeel ndia, anan-na. Napalani nanseli. Ana taonisa hataholi palani tatibatu dua, leme Moab mai. Nai faik esa, fo la'e fai mako'dendenuk boema, neu leo bolok esa dalek neu, de ana taonisa hai singa esa nai bolok ndia dalek.

1 TAWARIKH 12:8

Nai lelek Dauk nai mamana leleon-na nai moo solokaek-ka, palani ta'ti batu nananita-nalelak ma malelak makadotok, leme leo Gad-ta mai, de lakabubua loon. Hataholi sila-la nde been-na, palani ta'ti batu malelaina-la nai pake babaafanak-ka ma tee; hataholi sila-la metes soona, palani mesa-mesan, sama leo singa ma lakabale lai-lain-nala sama leo nusa.

AYUB 9:26

Sama leo ofa baluk-ka nalaik, leondiak boe au so'dang-nga mopo-kana no lai-laik, sama leo balupua la'u manuana.

AMSAL 30:30

Singa, bana esa, balakain-na lena heni basa bana lala'en-na, ma ana ta bii namata'u neu su'di beek-ka boen;

KIDUNG AGUNG 5:16

Hala-kokolan makeek nanseli aoinan-na lala'en-na nadoe dale, au touana susueng, ma au tia-laing-nga leondiak, hai anafe'oana Yerusalem-mala lemin!

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

RATAPAN 4:19

Manausi ami-la, lalaik lai-lai nanseli lai lena heni manupui kaka'ka. Ala usi ami nai letek-ka ma lapadei-la ami nai moo solokaek-ka.

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.

HAKIM-HAKIM 14:18

Da'di, neu fai ka hitun-na, le'do beita tenak fa te, hataholi manai kota ndia, lafa'da Simson lae, “Beek kande, makeen-na lena heni fanioe-a? Ma boeo, beek kande, balakain-na lena heni singa?” Simson nataa nae, “Metema, au saoinang-nga, ta nafa'da emi fa soona, neukose emi ta hapu neuk-ma, neneuk ndia fa!”

SEMUEL SUSULAK-KA ESAN-NA 18:1

Saul no Dauk beekola basa boema, Saul so'u Dauk da'di ndia hataholi mana'a ngga'din, de mulai faik ndia boema, ana ta po'in fali leo ina-aman uman neu fa. Yonatan, fo Saul anamanen-na, namanene hala-kokolak sila-la. Dalen-na nahiik no Dauk boe, de ana sue-lain, sama leo ana sue-lai aoinan-na.

SEMUEL SUSULAK-KA ESAN-NA 20:2

Boema Yonatan nataa nae, “Boso kokolak mae leondia! No Manetualain, na'den-na, neukose ana ta taonisa o fa. Au amang nafa'da dale tutu'un lala'en-na neu au tataas esa, nau dede'a matuaina, do dede'a ana boe. Da'di, au amang ta bisa nafuni dale tutu'un ndia neu au fa. Hu ndia de, o hala kokolam ndia ta la'e fan!”