2 SEMUEL 1:20 - Susula Malalaok Hehelu Palak Ma Hehelu Beuk

²⁰ Sa'di leo been-na, hataholi Gat-tala, ta lamanene manada'dik ndia fa. Sa'di leo been-na, mangalolok Askelon-nala, ta hapu halak la'eneu dede'ak ndia fa. Boso nalosak ina Filistin-nala eeki-latadale boso nalosak, ina dinitiu-la lakalupu-lakasee.

2 SEMUEL 1:20 ပူးပေါင်းရင်းမြစ်များ

YESKIAL 16:27

Besak ia, Au ho'i nakeketuk soaneu huku o, fo Au ho'i falik Au fe o baba'e-papalak-kala. Au fe o leo hataholi Filistin fo, ta lahiik loo o fa, ma ala malua mete o ha'da-tatao manggenggeom ndia.

YESKIAL 16:57

ma nai lelek, o tatao-nono'i mangalaum-ma, beita nanabubuluk fa hetu? Besak ia, o sama leo ndia so boe; o da'di bua nanahika-humek neme hataholi Edom, hataholi Filistin ma uma titia-tataim fe'ek fo, ala ta lahiik loo o fa.

MIKHA 1:10

Boso mafa'da ita musun-nala lai Gat, la'eneu ita susa-soen; boso fes lita emi kii. Hai laun Bet-Le-Afra-la, lololi nai afu dale, fo da'dileo ta'du-tana ketu namahehenak!

HAKIM-HAKIM 11:34

Lelek, Yefta fali ne'un leo Mizpa neu boema, anafe'on-na mai soluk-kana nenik lolongek ma li'u meko-la'bu. Ana kisan-na nde ndia.

HAKIM-HAKIM 14:19

No kaiboik, Simson da'di mabe'i-balakaik, hu kande Manetualain koasan-na, boema neu leo Askelon neu. Nai naa, ana taonisa touk manapake bua-lo'as manahiik 30. Ana ho'i-na hataholi sila bua-lo'an-nala, de ana fen leo hataholi ka teluhulu fo mananeuk neneun-na. Basa ndia boema, ana fali ne'un leo uman neu, no nasasale dale.

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”

SEMUEL SUSULAK-KA ESAN-NA 17:26

Boema Dauk nae, “Hataholi Filistin dinitiu ndia, napalani nanseli nahee Manetualain fo maso'dak-ka solda'dun-nala!” Basa boema, natane solda'du esa nae, “Ala fe hataholi fo ana bisa taonisa hataholi Filistin ndia beek, fo lose heni nakamumulu-nakamamaek-ka neme Israel mai?”

SEMUEL SUSULAK-KA ESAN-NA 17:36

Atam-ma taonisa, nau singa do meoasu boe, de hataholi Filistin dinitiu ndia boeo, neukose sama-na leo bana sila-la, nanahu napalani nakamumulu-nakamamaek Manetualain fo maso'dak-ka, solda'dun-nala.

SEMUEL SUSULAK-KA ESAN-NA 18:6

Lelek Dauk sengi basa Goliat fo hataholi Filistin ndia, de ana fali boema, basa solda'du-la la'ok lakadadalak masok leo kota dale leu, boema basa inak manai kota Israel-la kalua, fo ala soluk Manek Saul-la. Lakamee nakamee namahokok-kala, ma ala foti-longe no lakaminak rebana ma kecapi.

SEMUEL SUSULAK-KA ESAN-NA 31:4

Boema, Saul nafa'da ta'eanak manaho'u tafa-sisilon nae, “Fe'a-ma, o tafainam-ma, fo paun neu au, fo ela hataholi fo ta lalelak Manetualain sila-la, boso tao lakamiminak au, fo taolisa au.” Tehu ta'eanak ndia, ta nau pau fan, nanahu ana sue-na Saul ba'un-na seli. Hu ndia de, Saul ho'in-na tafainan-na, de ana bala aoinan-na neu tafaina ndia, tanen lain.

SEMUEL SUSULAK-KA ESAN-NA 6:17

No enok ndia, hataholi Filistin-nala haitua fe Manetualain tutunu-hohotuk sala-singok nanasoi-tefak soaneu Filistin manek-ka liman fo ala paleta kota ka limak-kala, laun-nala. Kota sila-la nde, Asdod, Gaza, Askelon, Gat ma Ekron. Nai kota sila-la, hapu nggelok lanuu kota musu, ma nggelok ta. Kota sila-la esan-na haitua peta-paek nanataok neme lilopilas esa ma lafo nanataok neme lilopilas esa. Manada'dik ndia buti-na nde batu matuaina, mamanak fo ala pe'da Manetualain Peti Hehelu-balataan. Losa faik ia, batu ndia bei nahele nai Yosua, fo hataholi Bet-Semes ndia, tinan-na.