2 PETRUS 3:7 - Susula Malalaok Hehelu Palak Ma Hehelu Beuk

⁷ Tehu no Manetualain hala-kokolan ndia boe de, lalai no daebafak besak ia nananakaboboik, soaneu fai makabui na, nanahotu henik ninik ha'i nai Fai Naketu-nala'di ka sama-sama no hataholi mangalau kala.

2 PETRUS 3:7 ပူးပေါင်းရင်းမြစ်များ

MAZMUR 102:26

makahulun-na, O makadada'dik daebafak-ka; O lima tataam, lalai boe.

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

YESAYA 51:6

Mete lalai ma mete daebafak-ka; neukose lalai mopok-kana, sama leo ha'imasuk-ka, ma daebafak-ka, neukose ana palaa, sama leo ba'du palaak dooinak-ka, neukose mate basa laun-na, sama leo ninik-ka. Tehu Au fe so'da-molek-ka, nahele losa dodoon-na, ma Au sesenging-nga, neukose ta nate'e fa.

YESAYA 66:15

Tete'ek-ka, neukose Manetualain mai no ha'i; Neukose Ana sa'e kaletan-na, sama leo ani-sangu, fo ana kalua nasa-melun, ma nasapala napane'e.

DANIAL 7:9

Lelek au bei mete akandoo te, lapadedeik kandela manek de'ubee. Boema Ndia fo so'dan-na manaketu basa taak-ka, nangatuuk nai kandela manek sila-la esa lain. Bua papaken-na ma langadoon-na fula balisi sama leo a'bas-sa. Kandela manen-na no kandelan-na ein-na pila lo'a-lo'a, nanahu ha'i pilak-ka,

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 10:15

Mafandendelek leon te! Neu Le'do Fai Mate'e ka te, hataholi manai kota Sodo ma Gomora, neukose mu'dak la'iesa kana, Manetualain fe do'o do ampon neu sala-singo nala, neme hataholi fo manai kota sila la!”

MATEOS 11:22

Mafandendelek leona te, neu Fai Mate'e ka te, neukose mudak la'i esa kana, hataholi Tirus ala ma hataholi Sidon ala Manetualain fe do'o do ampon neu sala-singo nala, neme emi mai!

MATEOS 11:24

Mafandendelek te, neu Fai Mate'e ka te, neukose mudak la'iesa kana, Manetualain fe do'o do ampon neus, neme emi mai!”

MATEOS 12:36

Da'di, mafandendelek te: neu Fai Mate'e ka, hataholi a esa-esak nataa, ndia hala-kokola mangalau nala.

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MARKUS 6:11

Tehu makanaema emi losa mamanak esa fo hataholi sila la ta nau sipok emi do ala ta nau lamanene emi fa soona, la'oela mamanak ndia. Soona ngganggafuheni afu manai emi ei dale ma, fo ana da'di neu nasanene'dak esa soaneu hataholi sila la!”

YOHANIS 12:48

Hataholi manatipa Au, ma ta nau lamanene Au dede'a-kokolang fa, hapu mana maketu-mala'di na so. Dede'a-kokolak fo Au afa'da kala, neukose neu fai mate'e ka te, dede'a-kokolak sila la nde laketu-lala'di sala.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

1 KORINTUS 3:13

Hataholi a esa-esak ue osan neukose nananitak nai faik fo Kristus fafali ma'i na. Nana neu faik ndia te, neukose ha'i nde tao na hataholi a esa-esak ue osan nananitak. Neukose ha'i nde fola ma naketu ue osak sila matea-mahelen.

FILIPI 1:28

Ela leo bee na, emi mapalani tataas esa, boso bii emi musu noo mala. No enok ndia, emi hapu matu'dus mae, neukose sila kala ma emi sengi, nana sesengik ndia, ana mai neme Manetualain mai.

2 TESALONIKA 2:3

Leomae leo beek boeo, boso nau hataholi ke'di ndiu emi. Nana faik ndia beita losa fa te, hapu dede'ak de'u bee, ala da'di lakahuluk: Soona neukose hataholi ba'u ka fali deak fo, lalelesi Kristus; Boema Hataholi Mangalauk fo nananafa'da basak, tao leo bee o ana masok leo tasi ha'ik dale neu a, neukose ana to'da mai.

1 TIMOTIUS 6:9

Tehu metema hataholi a nau namasu'i soona, ana tu'da leo sosoba-susu'dik dale neu, ana tu'da leo hihi'ik dale neu ma ana tu'da leo hihii-nanau nggoak mata-matak fo mana tao makalulutu ka, dalek neu.

IBRANI 12:29

Nana ita Manetualain ndia, sama leo ha'i fo manahotu naputu ka.

2 PETRUS 2:9

Da'di Amak Manetualain bubuluk tao tao leo beek fo, Ana soi-tefa na hataholi fo mana tao tunga hihii-nanaun, metema lasasale matak lo soso'ba-susu'di ka. Ma Amak Manetualain bubuluk eno na tao leo beek fo Ana po'ilotak hataholi mangalau kala laso'da, fo losa fai na Ana hukus nai Fai Naketu-nala'di ka,

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

2 PETRUS 3:12

nai lelek fo emi mahani ma emi mahiik manseli, Manetualain Fai na ana losa. Neu faik ndia te, neukose lalai a nanahotu henik, ma hu ka nde ha'i ndia haa na, de basa hata manai lalai a lala'ena, neukose noe henis.

1 YOHANIS 4:17

Soona Ana tao na susue-lalaik manai ita dalen dale a, ana da'di natetu-nandaa, fo daenga Fai Naketu-Nala'di ka losa soona, ita tapalani. Ita tapalani nana ita maso'dan nai daebafak ia, sama leo Kristus maso'da na.

YUDAS 1:7

Tao leo bee o, emi boeo bubuluk la'eneu kota Sodom no Gamora ma kota titia-tatai nala boe. Kota sila lau nala tatao-nono'in sama leo ata nusa so'dak sila la boe. Ala sosoa-piao, ma ala tao tatao-nono'i mangalauk, nalosa ala doidoso ninik ha'i mana ketu basa ta ka, fo ela ana da'di nasanene'dak neu basa hataholi a.

NINITAK 17:11

Ma bana fo makahulu na naso'da hai tehu besak ia ta naso'da so'o ka nde bee na, nde mane kafalu a. Ndia nde manek esa neme mane kahituk sila la mai boe, fo besak ia ana la'ok nasale leo mamana momopo-mamate ka neu.

NINITAK 17:8

Bana ndia makahulu na naso'da hai so, tehu besak ia ta naso'da so'on. Ba'ihanak seluk faa bai te, neukose ana kalua neme faka mamates dale mai, fo nasasale matak no momopo-mamate sa. Hataholi fo laso'da nai daebafa ka, fo na'de nala ta nanasulak nai Susula Hataholi Maso'da ka dalek te daebafak ia beita nananakadada'dik fa, neukose ala dodoo doa kana, metema lita bana ndia. Nana bana ndia makahulu na naso'da hai so. Besak ia ta naso'da so'ok, tehu neukose ana to'da mai seluk.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 21:1

Boema au ita lalai beuk ma daebafa beu ka. Lalai makasososa ka ma daebafa makasososa ka mopos ma tasi mopo kana.