2 PETRUS 3:15 - Susula Malalaok Hehelu Palak Ma Hehelu Beuk

¹⁵ Bole tafa'da tae, Lamatua ka ta hae lai namanasa ita ndia nde bee na, Ana fe ita fai loak soaneu ita tuka tei-sale dale, fo daenga ita hapu so'da ka. Paulus, fo ita tolanoo susue na, ana sulak fe emi susulak nae leondia boe. Manetualain fen dudu'a-aafi manatee tenok, de ana sulak susulak ndia.

2 PETRUS 3:15 ပူးပေါင်းရင်းမြစ်များ

1RAJA-RAJA 3:12

de o nonokem ndia, neukose Au tao atetun. Neukose Au tao a o da'di manatee-tenok ma manatee-tenok lena neme su'di see mai boe, nau nai fai maneu kala do nai fai manamaik-kala.

1RAJA-RAJA 3:28

Lelek leoina Israel-la lamanene la'eneu Salomo nakeketun nai dede'ak ndia dalek, boema lasamanan ma ala fe ha'da-holomatak neun. Nana, nananitak nae Manetualain fe basan manatee-tenok soaneu tao ndoos ma matetuk.

1RAJA-RAJA 4:29

Manetualain fe Salomo manatee-tenok, ma malela matuaina boema dudu'a-aafi mademainan-nanseli.

EZRA 7:25

Tolanook Ezra, pake manatee-tenok fo, Manetualain fe basan neu Tolanook-ka so, fo so'u mauli-malangan, ma manakee-manafula-la, fo ala paleta basa hataholi manai propensi Efrat Muli, fo laso'da tunga Tolanook-ka Manetualain-na, Hoholo-lalanen. Ela leo ben-na, Tolanook-ka manoli Hoholo-lalanek ndia, neu basa hataholi fo, ala beita bubuluk-kana fa.

KELUARAN 31:3

de Au ba'e-bati fen Au koasang-nga. Au fen dudu'a-aafi maneu, malelak ma be'i-balakaik nai doki-dula mata-matak lala'en-na dalek:

KELUARAN 31:6

Boeo Au hele basa Oholiab, fo Ahisamakh neme leo Dan, anan-na fo ana tulu-falin. Au fe tuka malelak-kala malelak matuaina boe, fo ela ala hapu tao su'di beek fo Au paleta neus:

KELUARAN 35:31

de Ana ba'e-batin nenik koasan-na Manetualain fen dudu'a maneu, malelak ma be'i-balakaik nai tatao-nono'i doki-dulak mata-matak lala'en-na dalek,

KELUARAN 35:35

Manetualain fes malelak nai basa tatao-nono'i mata-matak-kala dalek, fo tatao-nono'ik ndia hataholi manadokik malelaina-la, manadudu'a-dodoo tatao-nono'ik-kala ma manatenu malelak tema abalutu, temak kabelik balau, pilabalanggeok ma pilas, ma temak fe'ek-kala tatao-nono'in ndia. Hataholi sila-la nde been-na, malelainan nai dudu'a-dodoo tatao-nono'ik-ka dalek, ma ala tao lalelak basa tatao-nono'i matak-matak-kala.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

HATAHOLI 15:25

Hu ndia de ami makokolaok, de basa-basas lakaheik boema, ami hele ma hataholi de'ubee fo ami madenus le'i. Sama-sama lo ita tolanoon Barnabas ma Paulus fo ami sue-lai ka.

HATAHOLI 7:10

de ana soi nan neme basa toto'a-tatan dalek mai. Manetualain ba'e fen dale malole, ma ndolu malelak nai lelek neu nataa mane Masi ra fo Firon, nalosa ana so'un da'di Gobelnol nai nusa Masi ra, ma ana paleta koasa mane Firo na uma mane na.

HATAHOLI 9:17

Boema Ananias neu leo uma ndia neu de ana lalaa lima na neu Saulus langan lain. Nafa'dan nae, “Tolanoo Saulus, Lamatuak Yesus fo tolanoo ka mitan neme eno tala'dak nai lelek fo tolano ka leo ia mai a, Ndia nde nadenu au mai fo daenga o mita falik, ma Manetualain Dula Dale na koasa na tolanoo ka.”

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

1 KORINTUS 12:8

Dula Dalek ndia fe be'ibalakaik neu hataholi esa fo ana kokolak ninik heohak. Neu fe'e kala soona, Dula Dalek fo sama ndia, ana fen be'ibalakaik fo lafa'da mangalele'do see Manetualain ndia.

1 KORINTUS 2:13

Hu ndia de, metema ami mafa'da mangalele'do basa hata lala'ena la'eneu Manetualain neu hataholi fo nanuu Manetualain Dula Dale na soona, ami ta mafa'dan tunga hataholi daebafa ka mantee teno na fa, te tunga Manetualain Dula Dale na nanoli na.

1 KORINTUS 3:10

No Manetualain fe au malela ka de, au da'dileo ndolu uma malelaina, de au tao basa uma ndia fanderen na so, boema hataholi fe'ek nde nafofo'a uma ndia neu fanderen ndia lai na. Hataholi a esa-esak, muse taoafik matalolole, tao leo beek fo nafofo'a uma ndia neu fanderen ndia lain.

EFESUS 3:3

Manetualain soi heni dale tutu'u nafuni na de nafa'dan neu au so. (La'eneu dede'ak ndia, au sulak basan nai lain no keke'uk de,

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

1 PETRUS 3:20

fo nde Noh tepo-lele na, hataholi fo ta mana tunga Manetualai na, samane nala. Nai lelek ndia, Manetualain nahani no ta haelai namanasa, losa Noh tao na ofa ka. Hataholi manai ofak lai na basa-basas ka'da hataholi falu laso'da leme faa tua ka mai.

2 PETRUS 3:2

Au oke, fo ela emi mafandendelek hala-kokolak fo, makahulu na Manetualain nabi nala kokola kasa, ma mafandendelek paleta neme Lamatuak fo Manek Mana Soi-Tefa ka, fo Lamatua ka hataholi nadedenu nala, tui-bengan neu emi a.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.