2 PETRUS 3:11 - Susula Malalaok Hehelu Palak Ma Hehelu Beuk

¹¹ Hu ka nde basa sila lala'ena, nanatao nakalulutuk ninik enok matak leondia ka, soona emi maso'da tao leo beek bai? Emi muse maso'da no ndoos ma malalaok,

2 PETRUS 3:11 ပူးပေါင်းရင်းမြစ်များ

MAZMUR 37:14

Hataholi mangalauk-ka, ana fe'a tafainan-na, ma ana kou kou-kou isin-na, fo ana taonisa hataholi nuu ta-hata tak-ka, ma manadoi-dosok-ka, fo ana do'do-pau hataholi fo, so'dan-na malole.

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

MAZMUR 75:3

Manetualain nafa'da nae, “Nai faik fo Au aketu basan so, neukose Au aketu-ala'di, tunga ndoos ma matetuk.

YESAYA 14:31

Kii-makaleleu leona, ma nggasi moke tutulu-fafalik, hai kota-kota Filistin-nala lemin! Ela leo been-na, emi basa-basam bii-mamata'u! Ko'de ndenuk-ka, namasu neme kii mai, de ana fe ta'du nae, musu solda'dun-na, ala mai; nai sila dalek, ta hapu hataholi nakadedeak fa.

YESAYA 24:19

Daebafak-ka natandala, nakalulutuk ma nanggengo,

YESAYA 34:4

Le'do-a, bulak-ka, ma nduuk-kala, neukose lakalulutuk. Neukose nduuk-kala tu'da, sama leo akidook-kala tu'da bepoko leme ai lain mai.

MATEOS 8:27

Boema Yesus ana mana tunga nala dodoo doa kana. Ala bee kola lae, “Ade see hataholi ia, de nalosa ani na ma lii a boeo tunga paleta na!”

ROMA 13:11

Fe'ek neme ndia mai, emi bubuluk mae, faik ia nde bee na faik soaneu emi fo'a meme emi susungu ma dalek mai. Nana fai na losa soaneu ita nanasoi-tefa ka, besak ia ana deka neme lelek fo besa ka ita mulai tamahele a.

ROMA 13:12

Le'odae ka hihii nae seli ia so, de ba'ihanak seluk bai te, neukose mangale'do ia so. Da'di, malolelenak ata hahae tao tatao-nono'i makahatu ka leona. Ita muse tahehele ao tala ninik tee-tafa mangale'do ka.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

FILIPI 3:20

Tehu ita nde bee na, nusa so'da ka hataholin ita. Lamatuak Yesus Kristus fo ita Mane Mana Fe So'da na, Ana mai neme mamanak ndia mai boe. Ndia nde ita tahani ninga-ninga too nana.

1 TESALONIKA 1:5

Nana ami tui-benga Hala Malole neu emi, ta ninik ka'da hala-kokolak mesa kana fa, te ninik koasa, ma Manetualain Dula Dale na. Ma ami mamahele te'e-te'e neu Hala Malole ndia ndo na. Emi bubuluk, tao leo beek de, ami maso'da soaneu emi paluu ma, nai lelek fo ami bei makabubua mo emi a.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

1 TIMOTIUS 6:11

Tehu Manetualain nuun o de, o muse madook ao ma neme basa dede'ak sila la mai. Sanga enok fo daenga o da'di hataholi ndoos nai Manetualain matan, boema fe o so'da ma neu Manetualain, ma mamahele Kristus, sue-lai o nonoo hataholi ma, matea-mahele nai doidoso ka dalek, ma heo hilum mangana'uk.

1 TIMOTIUS 6:3

See nanoli fe'ek neme nanolik ia la ma sila nanolin ndia, ta nandaa no ita Lamatuan Yesus Kristus nanoli ndo na ma ita agama na nanoli na fa soona,

1 TIMOTIUS 6:6

Memang agama nini hahapu matua ina, metema nai hataholi ndia dale nameme'da na, ndia hahapu-dadain sila la, dai so.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YAKOBIS 1:24

Ana titino matalololen, fo basa soona ana la'o, tutika nafandele heni mata-panan lupa na leo beek.

YAKOBIS 3:13

Metema nai emi dalek, hapu hataholi manatee tenok ma hataholi malelak soona, ela leo bee na natu'dun ninik so'da malole na ninik, ana tao-no'i tatao-nono'i malole sama-sama no dale nakaloloe-nakadae ka, ma manatee teno ka.

1 PETRUS 1:15

Dede'a nasafali na, ela leo bee na emi malalaok nai basa hata fo, emi tao-no'i ka dalek, sama leo Manetualain fo mana malo emi a, malalaok.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

2 PETRUS 1:3

Manetualain pake koasa na, de Ana fe ita, basa hata fo ita paluun soaneu maso'da ndo sa. Ana tao dede'ak ndia, nanahu ita talelak Yesus fo nalo basa ita, soaneu ita tame'da tita matua-mademan ma dale malole na.

2 PETRUS 1:6

ma fe'ek neme malelak ndia mai, emi boeo, muse paleta ma emi ao ina ma. Fe'ek neme paleta ao ina ka mai, ela leo bee na emi boeo, makatatakak nai lelek fo, emi masasale matak mo basa hata lala'ena. Ma fe'ek neme nakatatakak nai lelek fo emi masasale matak mo basa hata lala'ena, emi boeo muse maso'da tunga Manetualain hihii-nanaun.

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

2 PETRUS 3:12

nai lelek fo emi mahani ma emi mahiik manseli, Manetualain Fai na ana losa. Neu faik ndia te, neukose lalai a nanahotu henik, ma hu ka nde ha'i ndia haa na, de basa hata manai lalai a lala'ena, neukose noe henis.