2 PETRUS 2:9 - Susula Malalaok Hehelu Palak Ma Hehelu Beuk

⁹ Da'di Amak Manetualain bubuluk tao tao leo beek fo, Ana soi-tefa na hataholi fo mana tao tunga hihii-nanaun, metema lasasale matak lo soso'ba-susu'di ka. Ma Amak Manetualain bubuluk eno na tao leo beek fo Ana po'ilotak hataholi mangalau kala laso'da, fo losa fai na Ana hukus nai Fai Naketu-nala'di ka,

2 PETRUS 2:9 ပူးပေါင်းရင်းမြစ်များ

AYUB 21:30

Lafa'da lae, “Nai faik fo Manetualain fe huhukuk-ka, basa hataholi manatao tatao-nono'i mangalauk-kala, neukose nanasoi-tefak.”

AYUB 5:19

Metema, soe-a mai soona, o nanasoi-tefak tataas esa.

MAZMUR 12:1

Soaneu mauli-malanga nakameek-ka. Tunga nakamee ka falu Dauk kokoa-kikion-na.

MAZMUR 32:6

Hu ndia de, basa hataholi kamahehelek-kala muse hule-haladoi nai lelek ala la'ola'di to'a-taak-ka, nalosa metema faa susa-soe-a ana mai soona, ta la'e fan.

MAZMUR 37:33

Tehu Manetualain ta po'ilotak-kana tu'da leo musu-a liman dale neu fa, do nanahukuk, nai lelek dede'an-na nanapalisak.

MAZMUR 4:3

Hai hataholi-la lemin, bei doo bee seluk bai, fo emi makadadaek au Manetualaing-nga? Emi sue-lai hata mana da'di tak-ka ma usi hata fo, ta ndoos-sa fa, losa fai hi'da?

AMSAL 12:13

Hataholi mangalauk-ka nala hihi'ik dale, hu kande dede'a-kokola manggenggeok fo ana kokolak-kana; tehu hataholi malole-a, nala toto'a-tataak-ka deak.

AMSAL 16:4

Manetualain tao basa hata lala'en-na, nanuu tetee-tutu'dan; fo tetee-tutu'dan ba'eneu hataholi mangalauk-ka nde been-na, momopo-mamatek-ka.

MATEOS 10:15

Mafandendelek leon te! Neu Le'do Fai Mate'e ka te, hataholi manai kota Sodo ma Gomora, neukose mu'dak la'iesa kana, Manetualain fe do'o do ampon neu sala-singo nala, neme hataholi fo manai kota sila la!”

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

1 KORINTUS 10:13

Emi la'ola'di soso'ba-susu'di kala nde bee na, soso'ba-susu'di mandoo fai sila. Tehu Manetualain ta nafandele heni hala hehelu na fa. Neukose Ana ta po'ilotak emi nanaso'ba-su'dik lena neme emi balakai ma mai fa. Hu ndia de, metema emi matongo mo soso'ba-susu'di ka soona, Ana fe emi enok fo daenga emi makatatakak mahele.

2 TIMOTIUS 3:12

Memak basa hataholi fo laso'da tunga ndo na, ma laso'da lo Kristu sa, neukose ala hapu fefepa-lili'uk,

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

2 PETRUS 3:7

Tehu no Manetualain hala-kokolan ndia boe de, lalai no daebafak besak ia nananakaboboik, soaneu fai makabui na, nanahotu henik ninik ha'i nai Fai Naketu-nala'di ka sama-sama no hataholi mangalau kala.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.

NINITAK 3:10

Emi matea-mahele sama leo Au paleta basan neu emi a. Da'di neukose Au asulu-ahapa emi nai lelek Au so'ba basa hataholi manai daebafa ka ninik toto'a-sosota matuaina.

SEMUEL SUSULAK-KA ESAN-NA 29:10

Hu ndia de Dauk, balahaa soona, basa emi fo manala'o ela Saul, de emi mai leo au mai, muse fo'a fafaianak, fo le'do-a tii soona, la'o no lai-laik leona.”