2 PETRUS 2:5 - Susula Malalaok Hehelu Palak Ma Hehelu Beuk

⁵ Leondiak boe, no daebafa ka, nai lelek makahulu na. Manetualain ta po'ilota kasa latapo'i leme huhuku ka mai fa. Lelek ndia, Manetualain fe faa tua ka luu na daebafa hataholi masala-masingo ka de, ka'da Noh no hataholi hitu laso'da. Nana Noh tui-benga halak la'eneu maso'dak fo nandaa no Manetualain dale na.

2 PETRUS 2:5 ပူးပေါင်းရင်းမြစ်များ

KEJADIAN 6:17

Te neukose, Au fe faa tuak-ka mai, fo ana tao namopo-namate basa mahahae maso'dak, fo laso'da nai daebafak-ka. Basa hata lala'en, fo manai daebafak-ka, neukose mate la'iesak-kasa,

KEJADIAN 6:9

Noh tutuin-na nde ia. Ana toun telu, fo nde Sem, Ham ma Yafet. Noh ta tao salak fa, ma ndia ka'da hataholi esa mesa-mesak-kana, malole nai tepo-lelen-na. Naso'da teik esa-dalek esa no Manetualain.

YESKIAL 26:20

Boema Au haitua o leo, hataholi manamatek-kala mamananna neu, fo makabubua moo hataholi makahulun eli-la. Au po'ilotak o, mahele meme hataholi manamatek sila-la mamanan-na, fo nai ai-batu manatapasasalak manaketu-basa taak-ka, tala'daheon, ma sama-sama moo hataholi manamatek-kala Soona neukose hataholi ta leo o daem-ma so'on, ma neukose, o ta nanalekek nai hataholi maso'dak-kala dalek so'on.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

2 PETRUS 3:6

ma ninik oe boe fo nde, neme faa tuak matua ina mai de daebafak makahulun eli, Manetualain tao namopon.