2 PETRUS 2:4 - Susula Malalaok Hehelu Palak Ma Hehelu Beuk

⁴ Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

2 PETRUS 2:4 ပူးပေါင်းရင်းမြစ်များ

AYUB 21:30

Lafa'da lae, “Nai faik fo Manetualain fe huhukuk-ka, basa hataholi manatao tatao-nono'i mangalauk-kala, neukose nanasoi-tefak.”

AYUB 4:18

Nakalenak, Manetualain ata-atan manai nusa so'dak-ka, Ana ta hapu namahele fas. Nakalenak, nai ata nusa so'dan-nala dalek boeo, Ana hapu masalak ma mabu'u-ba'ek.

MAZMUR 78:50

Ana ta nakatatakak nasan-na fa, do Ana sue-lai so'dan-nala tehu Ana tao namopo-namates nenik he'di sarampa.

YESAYA 14:12

Hai manek Babel-la nei, makahulun-na o nduu lolebalahaak fo nasa'a, tehu besak ia, o tu'da meme lalai mai so! Makahulun-na o sengi leoina-la, tehu besak ia, nanatu'u henik leo dae lain neu.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 8:29

Duas kalua leme lea-luak manai lates sila la dalek mai, de ala nggasi lae, “Manetualain Anan O, de O sanga tao ami le'e ia? Ade O sanga tao doidoso ami, leomae fai na beita losa fa do?”

MARKUS 5:7

Ana nggasi napane'e nae, “Yesus, Fo Manetualain Mademaina Ana na! O sanga tao au le'e ia? No Manetualain na'de na, au dokodoe fo boso tao doidoso au!”

LUKAS 10:18

Boema Yesus nafa'das nae, “Au ita Nitu a tu'da neme lalai sama leo ndela sa.

LUKAS 8:31

Dula dale mangalauk sila la loke lanseli fo daenga Yesus boso usiheni sila leo Fela Mamatesa dalek leu.

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

ROMA 11:21

Nana metema Manetualain ta nanuu susue-lalaik soaneu tu'u tapaheni hataholi Yahudi la sama na leo ai ndana matetuk sila la, soona, boso maedaenga neukose Ana ta nanuu susue-lalaik soaneu tu'u tapaheni emi fa!

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

2 PETRUS 2:11

Te se'kona ata nusa so'da kala, nde be'i-balakain ma koasa nala ba'u lena heni mese masapepekok sila la, boeo ala ta lapalani lakamumulu-lakamamaek hata maso'da mandela-masa'ak sila la, nai Amak Manetualain matan fa.

2 PETRUS 2:5

Leondiak boe, no daebafa ka, nai lelek makahulu na. Manetualain ta po'ilota kasa latapo'i leme huhuku ka mai fa. Lelek ndia, Manetualain fe faa tua ka luu na daebafa hataholi masala-masingo ka de, ka'da Noh no hataholi hitu laso'da. Nana Noh tui-benga halak la'eneu maso'dak fo nandaa no Manetualain dale na.

2 PETRUS 2:9

Da'di Amak Manetualain bubuluk tao tao leo beek fo, Ana soi-tefa na hataholi fo mana tao tunga hihii-nanaun, metema lasasale matak lo soso'ba-susu'di ka. Ma Amak Manetualain bubuluk eno na tao leo beek fo Ana po'ilotak hataholi mangalau kala laso'da, fo losa fai na Ana hukus nai Fai Naketu-nala'di ka,

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.