2 PETRUS 2:21 - Susula Malalaok Hehelu Palak Ma Hehelu Beuk

²¹ Malole lenak hataholi matak leo sila kala, boso lalelak Manetualain eno ndo na, neme lalela kana, tehu neu fai makabuin te, ala ta nau tao tunga paleta fo Manetualain fen neus ala fa.

2 PETRUS 2:21 ပူးပေါင်းရင်းမြစ်များ

MAZMUR 125:5

Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

MAZMUR 85:8

Matu'du leon, mae O sue-lai mahele ami, ou Manetualain, fe ami so'da-molek, neme O mai.

AMSAL 12:28

Hataholi fo, ana tunga eno ndoos-sa, neukose so'dan-na naua-nanale; tehu hataholi fo, ana tunga eno mangalauk-ka, neu leo mamates-sa neu.

AMSAL 16:31

Hataholi manatao tunga ndoon-na, neukose ana hapu teu naluk; langadoo mofan-na, sama leo ti'ilanga mana'ahiik-ka.

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

YESKIAL 23:13

Au ita Oholiba ndia, ana tao nanggenggeo aoinan-na, sama leo ka'an-na boe.

YESKIAL 3:20

Metema hataholi malole esa, ana tao sala-singok, fo Au fen nasasalematak no soe-a, de neukose maten, te metema o beita fen nasanene'dak fa. Neukose ana mate, nanahu sala-singon, de naukose Au ta afandele tatao-nono'i malolen-nala fa. Tehu neukose Au oke natataak neme o mai, la'eneu hataholi ndia mamaten-na.

YESKIAL 33:13

Bole da'di, Au aheluk basa, Au sanga fe hataholi malole-a naso'da, tehu metema ana mulai tao sala-singok, nana namahena neukose ana hapu so'dak, nanahu makahulun-na, ana tao tatao-nono'i malole soona, ana dudu'a sala ndia. Au ta afandele ndia tatao-nono'i malole makahulun sila-la fa, de neukose maten, nanahu sala-singon-nala

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

MATEOS 21:32

Nanahu Yohanis Mana Salani ka ana mai, fo natu'du emi eno-dala maso'dak fo Lamatua ka nahii kana, te emi ta nau mamahele nanoli na fa; tehu mana susu bea la, ma ina mana sosoa-piao kala, lamahelen. Tehu leomae emi malelak basa dede'ak sila la so, tehu emi ta dudu'a masafali emi dudu'a-aafi mala nakalenak bai, emi ta nau mamahele Amak Manetualain fa.”

LUKAS 12:47

Malalau-maoono fo ana bubuluk tua na hihii-nanaun, tehu ta nahehele aon, ma ta tao-no'i tuan ndia hihii-nanaun fa soona, neukose nanafilu nahe'dik.

YOHANIS 15:22

Leo uni ka, Au ta mai fo Au afa'das basa sila la soona, ta lasala-lasingo fa. Tehu besak ia, ala ta hapu ne'ek seluk soaneu sala-singo nala so'on.

YOHANIS 9:41

Boema Yesus nae, “Leo uni ka emi pokek soona, emi ta tao sala-singok fa. Tehu hu ka nde emi mafa'da mae, ‘Ami mita,’ soona dede'ak ndia sosoa na nae, emi hataholi bei masala-masingo kala.”

ROMA 7:12

Agama hoholo-lalanen no basa paleta manai hoholo-lalanek ndia dale ka, neme Manetualain mai de matetuk ma malole.

GALATIA 6:2

Ela leo bee na, emi matulu-mafali ao nai hataholi toto'a-tataa na dalek, fo ela no enok ndia de, emi tao tunga Kristus paleta na.

1 TESALONIKA 4:2

Nana emi bubuluk basa natutu'duk-natutu'duk fo, ami fe basan neu emi, ninik Lamatuak Yesus koasa na so.

1 TIMOTIUS 6:14

Tunga basa paleta sila la no ndoos ma matetuk, losa faik fo ita Lamatuan Yesus Kristus fali ma'in.

IBRANI 10:26

Nana metema halak fo ndoos maneme Manetualain mai a, nanananduku-nalosa basak neu ita, tehu ta'ko ita ka'da tao sala-singok takandoo soona, ta hapu seluk tutunu-hohotuk soaneu loseheni ita sala-singon fa.

YAKOBIS 4:17

Hu ndia de, hataholi fo ana bubuluk basa, hata malole bee ka nde, muse ana tao-no'i nana, tehu ana ta tao-no'i fan, soona hataholi ndia nasala-nasingo.

2 PETRUS 3:2

Au oke, fo ela emi mafandendelek hala-kokolak fo, makahulu na Manetualain nabi nala kokola kasa, ma mafandendelek paleta neme Lamatuak fo Manek Mana Soi-Tefa ka, fo Lamatua ka hataholi nadedenu nala, tui-bengan neu emi a.

YUDAS 1:3

Tolano susue ngala lemin! Au ahiik alanseli, sulak fe emi susulak la'eneu so'da-molek fo, ita basa-basa tala la'ola'din so. Tehu besak ia, au dodoo ae, au muse anoli-afa'da emi tunga susulak ia, fo emi ho'u mahele namahehelek fo Manetualain fe basan neu hataholi kamahehele nala, ka'da la'i esa, losa dodoo na.