2 PETRUS 2:20 - Susula Malalaok Hehelu Palak Ma Hehelu Beuk

²⁰ Hataholi mana malelak Amak Manetualain, ma ita Mana Soi-Tefan, Yesus Kristus soona, hataholi ndia natapo'i neme basa koasa daebafak fo mana tao nanggenggeo hataholi daebafa ka. Tehu metema neu fai makabuin fo lakahihi'ik la selu kana soona, neu mate'e na te, hataholi ndia ha'da-tataon mangalau na, lenaheni ha'da-tatao makasososa na.

2 PETRUS 2:20 ပူးပေါင်းရင်းမြစ်များ

YESKIAL 33:13

Bole da'di, Au aheluk basa, Au sanga fe hataholi malole-a naso'da, tehu metema ana mulai tao sala-singok, nana namahena neukose ana hapu so'dak, nanahu makahulun-na, ana tao tatao-nono'i malole soona, ana dudu'a sala ndia. Au ta afandele ndia tatao-nono'i malole makahulun sila-la fa, de neukose maten, nanahu sala-singon-nala

IMAMAT 13:20

fo ana palisak-kana. Metema, kokoto fulak ndia, nono'kabai, ana kiki'da leo dalek neu, ma buluk manai mamanak ndia boeo, ana da'di fulak soona, imam-ma muse nafa'da nae, hataholi ndia, manggenggeok. Bisunggumak ndia, sanga da'di he'di lou mangalauk.

IMAMAT 13:55

Boema, imam-ma muse palisak seluk-kana. Metema, pulu po'ok ndia ta sii dapa-dapa fa, tehu dulan-na bei mana-manan soona, buas ndia bei manggenggeok, de muse hotu henin, leomae pulu po'ok ndia ka'da nai buas ndia uluk, do nai dean-na.

IMAMAT 14:43

Metema, nggati basa uma ndia batun-nala, ma lose basa papala nanadaman-na, boema pelestel seluk-kana so, tehu ta'du-tana ndia da'di seluk,

BILANGAN 24:20

Basa boema, nai ninitak ndia dalek, Bileam nita hataholi Amalek-kala. Boema, ana kokolak hala nafa'da elak ia, “Neme basa leoina manai daebafak-ka lala'en-na, Amalek nde manakoasa matuaina. Tehu neu mate'en-na te, leoina ndia, neukose mopok-kana losa dodoon-na boe.”

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

2 TIMOTIUS 2:4

Solda'du esa, nakalala'ok bela ba'un soona, neukose ana ta paluu ndia tatao-nono'in so'on, nana ana nau ndia tatao-nono'in, nandaa no ndia malanga na dale na.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

2 PETRUS 1:11

No enok ndia, neukose emi hapu hak matetuk soaneu masok leo Lamatuak fo ita Mane Mana Fe So'dan, Yesus Kristus nusa mana ketu basa ta na dalek meu.

2 PETRUS 1:2

Ela leo bee na Manetualain fe baba'e-papalan ma mole-dame na, ana sasi kao-kao neu emi, nanahu emi malelak Manetualain ma Yesus, fo ita Lamatua na.

2 PETRUS 1:3

Manetualain pake koasa na, de Ana fe ita, basa hata fo ita paluun soaneu maso'da ndo sa. Ana tao dede'ak ndia, nanahu ita talelak Yesus fo nalo basa ita, soaneu ita tame'da tita matua-mademan ma dale malole na.

2 PETRUS 1:4

Hu no enok ndia de, Manetualain ba'e-bati fe ita baba'e-papalak matua ina ma mabelik fo, Ana helu basa ka so. No baba'e-papalak sila la de, emi matapo'i neme hihii-nanau mangalauk fo mana tao makalulutuk nai daebafak ia, boema no enok ndia fo emi sipo Manetualain ha'da-tatao mana ketu basa ta na.

2 PETRUS 1:8

Basa sila la nde bee na, ha'da-tataok fo paluu emi tao tungan nai emi so'da ma dalek. Metema emi manuu la'iesak ha'da-tataok sila la soona, neukose emi boetai manggate ma emi hapu buna-boan, boema emi malelak ita Lamatuan Yesus Kristus no malole seluk bai.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus