2 PETRUS 2:2 - Susula Malalaok Hehelu Palak Ma Hehelu Beuk

² Leomae leondiak boeo, hataholi ba'u ka tunga mese masapepekok sila la maso'dan fo henuk no nasa melu mata-matak sila la. Boema, neme mese pepekok sila la tatao-nono'i nala mai de, neukose hataholi ba'u ka lafa'da sala la'eneu Eno Ndoos fo mana leo Manetualai na neu a.

2 PETRUS 2:2 ပူးပေါင်းရင်းမြစ်များ

KEJADIAN 19:5

Ala laloo bou-bou neu Lot, de latane lae, “Hataholi manamaik, fo ala sungu nai o umam-ma, lai bee? Fes mai, fo ela ami sungu moos!”

MAZMUR 18:21

Manetualain balas au tatao-nono'ing fo ndoos-sa; Ana ba'e-pala au, nana au salang ta.

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

MATEOS 22:16

Boema ladenu sila ana mana tunga nala lo hataholi de'u bee leme Herodes nakabubua na fo leu leo Yesus leu. Boema hataholi sila la lafa'da Yesus lae, “Ama Mesen, ami bubuluk Ama mana tao ndoos. Ama nanoli no mangale'dok la'eneu Manetualain hihii-nanaun neu hataholi daebafa ka, ma Ama tunga hataholi daebafa ka hahapu na fa. Nanahu Ama ta mete matak fa.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 7:14

Mafandendelek te, lelesu fo menini hataholi a leo nusa so'da ka neu a, makabi'a anak ma toto'a-sosotan ba'u na seli. Hu ndia de, ka'da hataholi lumanak nde tunga enok ndia.”

MARKUS 12:14

Ala mai boema lafa'da Yesus lae, “Ama Mesen, ami bubuluk Ama manatao ndoos, ma Ama ta paluu pake hataholi hahapun fa. Ama manoli no mangale'dok la'eneu Manetualain hihii-nanaun neu hataholi daebafa ka, nana Ama ta mete matak fa. Naa, so'ba Ama mafa'da su'dik fe ami, ‘Tunga ita agama na nakanenete na soona, ade bole bae bea leo Kese la neu do ta? Ita muse bae bea do ta?’ ”

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

HATAHOLI 13:10

boema nafa'dan nae, “Hei hataholi mana tipu-daik ma nanasoo-supa ko nei! O musu mo basa hata malole lala'ena. Tao le'e de o ta hahae tao malutu Manetualain dale tutu'un soaneu Ana soi-tefa hataholi daebafa ka fa?

HATAHOLI 14:2

Tehu hataholi Yahudi kamahehele ta kala dudungu-papau hataholi ta Yahudi la, de nalosa lakamuu-lakadau hataholi fo lamahele neu Yesu sa.

HATAHOLI 16:17

Inak ndia ka'da tunga nahele ami mo Paulus. Ana eki ma nae, “Hataholi ia la Manetualain Fo Matua-Madema ndia atan sila! Ala mai fo lafa'da tolanoo kala, eno na tao leo beek fo tolanoo kala hapu so'dak!”

HATAHOLI 18:26

No napalanik, Apolos mulai kokolak nai uma mamaso kala dalek de Priskila no Akwila lamanene nanoli na boema, lon leo uma neu. Ala losa uma boema, lafa'da mangalele'don no matetuk, la'eneu Manetualain dale tutu'u na soaneu Ana fe so'dak neu hataholi daebafa ka, tunga Yesus.

HATAHOLI 19:9

Tehu hataholi sila la, de'ubee ala langa batu de ala ta nau lamahele fa. Nai basa hataholi mana makabubuak sila la matan, lakamu-lakadau nanolik la'eneu Manetualain dale tutu'un soaneu Ana soi-tefa na hataholi daebafa ka tunga Yesus. Hu ndia de Paulus la'oelas de no hataholi mana tunga Yesu sala leu leo Tiranus kama nanolin dale leu. Leu ndia boema, tunga faik Paulus natukaaafik no hataholi la.

HATAHOLI 22:4

Au tuni-ndeni hataholi mana tunga nanoli beuk ndia de nalosa mates. Basa-basas lala'ena, nau touk do inak boe, au ho'u alas fo au taos leo bui dale leu.

HATAHOLI 24:14

Memak au muse manaku nai Ama matan, tete'e ka au sene-do'ok neu ami bei ba'ikai mala Manetualai na tunga Yesus nanolin fo sila lafa'da lae salan ndia. Tehu au bei amahele neu basa hata fo nanasulak nai Musa no Nabi la susula nala dalek.

ROMA 2:24

Nai Susula Malalaok dale nanasulak nae leo ia, “Hu ka nde emi hataholi Yahudi, de Manetualain na'de na nanatao nanggenggeok nai leoina fe'e kala dalek.”

1 TIMOTIUS 5:14

Hu ndia de, au nau inafalu muli solu kala sao seluk fo ala hapu anak, ala ito-ato uma loon, fo ela ita musu noo na, boso hapu loak, tao langgenggeo ita na'de na.

TITUS 2:5

ma ala da'di hataholi manatee tenok, so'da nala malalao-malalafuk, ma ala da'di ina mana ito-ato uma lo malole, ala tunga saotou nala paleta na. No enok ndia, ta hapu hataholi nakadadaek halak fo maneme Manetualai na mai.

TITUS 2:8

Metema o kokolak soona, kokolak pake dede'a-kokolak manatee tenok, fo hataholi boso nakamuu-nakadau o hala-kokolam, fo daenga o musu noo mala ala mae, nana ta hapu o dede'a-kokola mangalaum esa boen fo, ala paken soaneu ala laban ita.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

2 PETRUS 2:12

Tehu mesen masapepekok sila la su'di selin! Sila sama leo bana fo bongi naan soona, ho'u nan fo do'don henin. Ala tao hata esa soona, ala ta dodoo fa, te ala tao tunga ka'da sila dale hihii nala, nalosa ala laban dede'ak fo ta lalela kana, ninik dede'a nakamumulu-nakamamaek. Hu ndia de, mopo-mates sama leo bana makaa-makisu ka, nana tatao-nono'i mangalaun sila la.

2 PETRUS 2:15

Hu ka nde ala ta nau tunga eno ndo sa fa de, ala la'ok sala. Ala la'ok tunga enok fo makahulu na, Bileam fo Beor ana na, eno-dalan. Bileam ia, nahiik nanseli, ana hapu doik neme tatao-nono'i mangalau na mai.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

2 PETRUS 2:21

Malole lenak hataholi matak leo sila kala, boso lalelak Manetualain eno ndo na, neme lalela kana, tehu neu fai makabuin te, ala ta nau tao tunga paleta fo Manetualain fen neus ala fa.

2 PETRUS 2:7

Tehu Lot naso'da, nana ana tunga Manetualain hihii-nanaun; ana doidoso nanseli, nana hataholi mangalauk sila la, ha'da-tatao ta kandaa nala fa.

YUDAS 1:10

Tehu no dede'a-kokola nakamumulu-nakamamae ka, de hataholi sila la fe salak neu hata fo ta lalela kana fa. Hataholi sila sama leo bana aafi ta ka, fo ala tao tunga ka'da dale hihii mesa nala, nalosa sila nde tao lakalulutuk seluk ao ina nala.

YUDAS 1:15

fo laketu-lala'di basa hataholi lala'e na. Ma neukose Amak Manetualain huku hataholi mangalau kala, nanahu tatao-nono'i nala, mangalauk. Boema neukose Ana huku hataholi masala-masingo kala, ma hataholi malena langa-masaba soo kala, nanahu hala-kokola nakamumulu-nakamamaek fo ala kokola kana.”

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.

YUDAS 1:7

Tao leo bee o, emi boeo bubuluk la'eneu kota Sodom no Gamora ma kota titia-tatai nala boe. Kota sila lau nala tatao-nono'in sama leo ata nusa so'dak sila la boe. Ala sosoa-piao, ma ala tao tatao-nono'i mangalauk, nalosa ala doidoso ninik ha'i mana ketu basa ta ka, fo ela ana da'di nasanene'dak neu basa hataholi a.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

NINITAK 13:14

Basa hataholi fo laso'da nai daebafa ka, bana ndia ke'dindiu nalas ninik manda'di beuk fo ana taon nai bana makasososak ndia mata na. Ma nadenu basa-basas fo lapadedeik la ai batu nanadokik esa neme bana nanatati nahinak ninik tafaina so, tehu naso'da nahele ndia.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.