2 PETRUS 2:14 - Susula Malalaok Hehelu Palak Ma Hehelu Beuk

¹⁴ Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!

2 PETRUS 2:14 ပူးပေါင်းရင်းမြစ်များ

AYUB 31:7

Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

AYUB 31:9

Metema, au daleng-nga nahiik hai, au uma titia-tataing saoinan-na, fo no nafufunik, au titinon neme lelesu-a dean-na mai,

AMSAL 5:6

Ana ta nahele nai enok fo, ana leo maso'dak-ka neu fa; ana ta bubuluk fa te, ana singo neme enok ndia mai so.

AMSAL 6:25

O dalem-ma boso tu'da neu sila mata maketuan-na, boso makadita neu sila matan fo manafufu'di-oo'dok-ka.

YESAYA 1:16

Safe emi aoinam-ma, losa balisi. Hahae basa tatao-nono'i mangalauk fo emi tao-no'ik sila-la. Hei, boso boe tao tatao-nono'i mangalauk seluk bai,

YESAYA 34:5

Manetualain sadia basa tafainan-na, nai nusa so'dak-ka so, de besak ia, neukose tafaina ndia na'a leoina Edom fo, huhukun-na nananaketu basak so, de neukose nanatao namate-namopok.

YESAYA 65:20

Anan-nala ta mate, nai lelek bei anan-nala, ma neukose, touinak-kala, laso'da losa lamalasi. Hataholi fo, teun natun esa, neukose lafa'da lae, bei muli-soluk, ma manamate makahuluk sila-la, lafa'da lae, Au huhukung-nga la'es.

YEREMIA 13:23

Hapu hataholi lou nggeok-ka tao nasafali loon-na dulan-na do meoasu namopo molin-na? Tao leo beeo ta! Leondiak boe, emi fo manatao mangalauk-ka tao leo beeo ta tao malole fa.

YESKIAL 13:18

ma mafa'das hata fo Au, Manetualain Fo Mademaina, afa'da neus: ‘Soe ba'eneu emi! Emi tao aidook neu suek-kala, fo emi fe basa hataholi-la pake suek sila-la, ma emi fes ala pake tema popoti langak fo, nanuu be'i-balakai matuaina, fo ela hataholi manapakek-ka, ana hapu koasa hataholi fe'ek maso'dan-na. Emi mahiik koasa-ma Au anang-ngala masodan ma mamaten-nala, ma emi pake koasa ndia, fo neni fe emi nanalak.

MATEOS 12:34

Emi hataholi mangalauk, na tao leo bee fo emi hapu kokolak dede'a malole, metema emi hataholi mangalauk? Hata fo bafa ka kokola kana, ndia nde kalua neme dale ka mai!

MATEOS 23:14

Soe ba'eneu emi, fo basa mese agama la ma hataholi Farisi la lemin! Emi ia hataholi mana dea-dale kala. Emi ke'dindiu ina falu la, ma emi loso ma uma nala. Ma soaneu tatao-nono'i mangalau ka nananafunik, de emi huhule-haladoim nalu na seli. Hu ndia de neukose emi huhuku ma, bela na seli!]

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

YOHANIS 5:44

Emi hapu mamahele tao leo beek, metema emi nau emi nonoo hataholi ma, koa-kio emi, te emi ta nau sanga enok fo sanga kokoa-kikiok neme Manetualain fo kisak ndia mai fa?

ROMA 16:18

Nana hataholi manatao leondia ka, ta naue-nale'di soaneu ita Lamatuan Kristus fa, te soaneu ala tao latetu sila dale hihii na. No fufu'di-oo'dok ma dede'a-kokola makee-mamina nala, ala ke'dindiu hataholi fo ala ta bubuluk hata-hata esa boen.

1 KORINTUS 11:19

Memak nandaa, nasi'da-naba'e ka moli-da'di nai emi dalek, fo ela nananitak, see ka nde hataholi kamahehelek isi matetuk.

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

EFESUS 4:14

Soona ita ta da'di ni'i ana manggonga-po'ak, hu ka nde hataholi mana po'de-pai kala, nanoli lupa-lupa nala so'on. Nana no sila puta-pain ndia de, hataholi ba'u ka latofa-latalak.

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

2 PETRUS 3:16

Nai basa Paulus susula nala dalek lala'ena, ana sulak tataas esa la'eneu dede'ak sila la. Memak nai Paulus susulan sila la dalek, hapu baba'ek de'u bee, ita ta talela kasa fa. Boema hataholi fo ta lalelak hata esa boen, ma namahehele nala beita latea-lahele fa, ala popo'de-papai baba'ek sila la, sosoa-ndandaan leona. Boso dodoo doak dede'ak ndia, nana hapu baba'ek nggelok nai Susula Malalaok dale boeo, hataholi sila la, ala popo'de-papais, tao leondiak boe. Tehu hataholi sila tatao-nono'in, nde nini fes momopo-mamates ndia.

1 YOHANIS 2:16

Basa daebafak ia oe isin lala'ena fo hataholi daebafa masala-masingo ka nitan, fo nahii kana boema namaututua-namadedeman soona, basa dede'ak sila la, ala ta da'di leme Ama ka mai fa, te ala da'di leme daebafa ka mai.

YUDAS 1:11

Soe ba'eneu sila. Ala tunga Kaen eno na so. Hu doi ka, de ala la'ok tunga eno masala ka, sama leo Bileam. Ma sila boeo, nanatao nakalulutuk, nanahu ala sanga musu sama leo Korah.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.