2 PETRUS 2:13 - Susula Malalaok Hehelu Palak Ma Hehelu Beuk

¹³ Neukose ala sipo sila tatao-nono'i mangalaun ndia buna-boan, fo nde doidosok ma to'a-taa ka. Tatao-nono'ik fo, nandaa no hataholi sila dale na nde, ala tao su'di bee ka nai fai lele'do na, sa'di ala tao latetu sila dale hihii na. Metema langatuuk lakabubua lo emi nai feta-dote soona, hataholi la malua heheo-hihilu nala, nana nasa melu mata-mata kala, tao lalas da'di mana mafu kala.

2 PETRUS 2:13 ပူးပေါင်းရင်းမြစ်များ

KIDUNG AGUNG 4:7

O mana'ahiik manseli au susueng-ngo, ta hapu bu'u-ba'ek nai o fa.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

EFESUS 5:27

No enok ndia, Kristus tao na hataholi kamahehelek sila, lapadeik no matua-mademan ma matetu-mandaak nai mata na, fo ta hapu bu'u-ba'ek do bu'u-ba'e esa boen.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

2 TIMOTIUS 4:14

Nana Aleksander fo tuka liti ndia, ana tao mangalauk ba'u ka la'eneu au so. De neukose Lamatua ka, Ana balas ana, nandaa no tatao-nono'in.

YAKOBIS 5:5

Emi ta to'a ta hata esa boen, ma emi maso'da nai namahoko-setelee ka dalek, nai daebafak ia. Emi hani maao emi ao paa ma, nono'ka bai de, emi mahani fai dodo'do na.

1 PETRUS 4:4

Besak ia, hataholi fo ta lalelak Lamatua ka, dodoo doa kana de bekola lae, emi ta tunga sila so'da na, fo tao sala-singok ta pake too-lane so'on. Hu ndia de, ala tao lalutu emi na'de ma.

2 PETRUS 2:15

Hu ka nde ala ta nau tunga eno ndo sa fa de, ala la'ok sala. Ala la'ok tunga enok fo makahulu na, Bileam fo Beor ana na, eno-dalan. Bileam ia, nahiik nanseli, ana hapu doik neme tatao-nono'i mangalau na mai.

NINITAK 18:6

Taon sama na leo ana tao basan neu emi a; balas ana la'i dua soaneu basa hata fo ana tao-no'i basa ka. Isi mango na ninik nininuk fo nanala lenaheni neme nininuk fo nanasadiak soaneu emi.