2 PETRUS 2:12 - Susula Malalaok Hehelu Palak Ma Hehelu Beuk

¹² Tehu mesen masapepekok sila la su'di selin! Sila sama leo bana fo bongi naan soona, ho'u nan fo do'don henin. Ala tao hata esa soona, ala ta dodoo fa, te ala tao tunga ka'da sila dale hihii nala, nalosa ala laban dede'ak fo ta lalela kana, ninik dede'a nakamumulu-nakamamaek. Hu ndia de, mopo-mates sama leo bana makaa-makisu ka, nana tatao-nono'i mangalaun sila la.

2 PETRUS 2:12 ပူးပေါင်းရင်းမြစ်များ

MAZMUR 49:10

fo ela nala mamates-sa deak, fo ana hapu naso'da losa dodoon-na.

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

MAZMUR 94:8

Hai au leoinang-ngala lemin, boso mamanggoa ba'u basa ndia, manoli pake emi dudu'a-aafim.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

YEREMIA 10:21

Boema au ata ae, “Ita mauli-malangan sila-la nggoak-kala. Ala ta loke natutu'duk neme Manetualain mai fa, hu ndia de ala ta hapu hata esa boen, ma ita tapasasala su'di leo bee neu.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YEREMIA 12:3

Ou Manetualain, tehu O malelak au. O mita beek-ka fo au tao-no'ik-ka, ma o bubuluk au dale maedaenga tao leo beek soaneu O. Tipa-soli hataholi-hataholi mangalauk sila la leo deak neu, menis sama leo bi'i lopo-a leo mamana dodo'dok-ka neu. Maneas losa fain-na losa soaneu sila nana do'dok.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 5:4

Au dudu'a-dodoo ae, “Ah, sila ka'da laun matasi'da-matasaek, fo ala ta bubuluk hata-hata fa. Ala tao tunga sila nggoan-na, nanahu ala ta bubuluk hata fo, Amak Manetualain nahiik-kana, ma noken neme sila mai.

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

MARKUS 7:22

hohonge, ke'dindiu, nakasasa'ek dede'ak, boema ana tao-no'i basa hata mangalauk lala'ena, ma ana da'di hataholi mana dale-he'di hata, ta nanuu ha'da-holomata, nape'da dalek, koao-ndaeaok, ma nanoli doa kana.

YOHANIS 8:21

Boema Yesus nafa'da selu kasa nae, “Metema Au la'o soona, neukose emi sanga Au, tehu neukose emi mate nai emi sala-singo ma dalek. Nanahu Au u leo mamana ka, emi ta hapu losa fan.”

GALATIA 6:8

Metema hataholi sele-nggali tunga ha'da-tatao daebafa ka soona, neukose ana ketu-kolu mamate sa. Tehu metema ana sele-nggali tunga Manetualain Dula Dale na hehela-nonolen soona, neukose ana ketu-kolu so'da matetu ka ma mana ketu basa ta ka, neme Manetualain Dula Dale na mai.

KOLOSE 2:22

Basa nakanenetek sila, ka'da la'eneu dede'a-dede'ak fo pake basan soona, sosoa-ndandaan ta so'ok. Basa sila la, ka'da nakanenetek ma nanolik fo hataholi daebafa ka nde tao nana.

2 PETRUS 1:4

Hu no enok ndia de, Manetualain ba'e-bati fe ita baba'e-papalak matua ina ma mabelik fo, Ana helu basa ka so. No baba'e-papalak sila la de, emi matapo'i neme hihii-nanau mangalauk fo mana tao makalulutuk nai daebafak ia, boema no enok ndia fo emi sipo Manetualain ha'da-tatao mana ketu basa ta na.

2 PETRUS 2:19

Mese masapepekok sila la helus lae, ala soi po'i hataholi sila la, te se'ko na sila bei da'di ata neu ha'da-tataok fo mana tao nalutu hataholi a. Nana metema hataholi esa, ana sengi hataholi fe'ek soona, hataholi ndia da'di ata neu hataholi mana sengin ndia.

YUDAS 1:10

Tehu no dede'a-kokola nakamumulu-nakamamae ka, de hataholi sila la fe salak neu hata fo ta lalela kana fa. Hataholi sila sama leo bana aafi ta ka, fo ala tao tunga ka'da dale hihii mesa nala, nalosa sila nde tao lakalulutuk seluk ao ina nala.