2 PETRUS 1:7 - Susula Malalaok Hehelu Palak Ma Hehelu Beuk

⁷ Nai emi maso'dam fo tunga Manetualain hihii-nanau na dalek, muse tama selu kana no, emi susue-lalaim neu emi tolanoom fo, namahehelek esa boe. Basa soona, emi susue-lalaim neu emi tolanoom fo namahehelek esa, ela leo bee na, emi tama selu kana ninik, sue-lai basa hataholi lala'e na.

2 PETRUS 1:7 ပူးပေါင်းရင်းမြစ်များ

ROMA 12:10

Ela leo bee na emi masue-malai ao no dale katema-tuak sama na leo tolanook esa nai bobongik esa dalek, ma ela leo bee na esa fe ha'da-holomata neu esa.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

KOLOSE 3:14

Tehu nanapaluuk nanseli a, nde: Emi muse masue-malai ao, nana susue-lalaik ndia nde pa'a nakabubua emi basa-basa mala, nalosa emi da'di matetu-mandaak.

1 TESALONIKA 3:12

Ela leo been-na Lamatua ka, tao na emi, boetai masue-malai ao, ma boetai sue-lai basa hataholi lala'ena, nalosa emi susue-lalaim ndia boetai tama nakandoo, sama leo ami susue-lalaim neu emi a.

1 TESALONIKA 5:15

Manea matalolole, fo boso nalosak nggelok balas mangalauk neu nggelok. Sanga enok, fo daenga esa tao malole neu esa nakandoo, ma neu basa hataholi lala'ena.

IBRANI 13:1

Ela leo bee na emi masue-malai ao mahele, da'dileo tolano-tolanook fo namahehelek esa.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

1 PETRUS 2:17

Fe ha'dak neu basa hataholi lala'ena, ma sue-lai emi tolanoo salani mala. Bii Manetualain, ma fe ha'da-holomata neu Kese la.

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

1 YOHANIS 3:14

Ita bubuluk basan, ita kalua teme mamates dale mai de ita lali leo maso'dak dale teu so. Ita bubuluk dede'ak ndia, nana ita sue-lai ita tolano nala. Metema see dale susue-lalain ta soona, hataholi ndia bei nai mamate sa koasan dale.

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.

1 YOHANIS 4:21

Hu ndia de, Kristus fe ita paleta nae leo ia, Ba'eneu see fo ana sue-lai Manetualain soona, ana muse sue-lai tolano nala boe.