2 PETRUS 1:5 - Susula Malalaok Hehelu Palak Ma Hehelu Beuk

⁵ Hu ndia de, sanga enok te'e-te'e, fo ela emi mamahele mahele Kristus, ma emi namahehelem ndia, tia-saka selu kana no so'da malolea. Fe'ek neme so'da malole ndia mai, emi muse da'di hataholi malelak,

2 PETRUS 1:5 ပူးပေါင်းရင်းမြစ်များ

MAZMUR 119:4

O fe ami, O hoholo-lalanem, ou Manetualain, fo ela ami makalala'ok-kana, no lilinekak.

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

ZAKHARIA 6:15

Neukose hataholi-la, ala mai leme mamana dook-ka mai, fo ala tulu-falin, fo lafofo'a falik Au Uma nga. Metema tao basa uma ndia soona, neukose ala bubuluk, lae Au Manetualain Fo Manakoasa, nde nadenu basa o, leo sila neu so. Neukose basa sila-la, ala da'di, metema te'e-te'e ala tao tunga Au, Manetualain fo sila Manetualain, paletan-nala.”

LUKAS 16:26

Fe'ek neme ndia mai, nai o ma ami tala'da, hapu fela matuaina esa, fo ela hataholi neme ia ta hapu leo naa neu fa, ma hataholi neme naa ta hapu leo ia mai fa!’

LUKAS 24:21

Te se'ko na ami mamahena mae, neukose Hataholi ndia nde soi-po'i leoina Israe la! Dede'ak ndia ana da'di basa faik katelu ia so.

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

EFESUS 5:17

Boso mamanggoa, fo palisak matalolole hata fo Lamatua ka nahii kana.

FILIPI 1:9

Au huhule-haladoi nga nde ia, soaneu emi: ela leo bee na, emi boetai sue-lai Manetualain, ma emi nonoo hataholi ma, ma emi malela ma tama nakandoo nai dede'a ndo sa, ma dudu'a-aafi manatee teno ka dalek.

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

KOLOSE 2:3

Kristus nde soi nabe'i Manetualain manatee tenon ma malelan lala'ena, fo makahulu na, nananafunik ndia.

IBRANI 11:6

Tehu ta no namahehele ka fa soona, ta hapu hataholi esa boen hapu tao namahoko Manetualain dale na. Nana hataholi fo manamai neu Manetualai na muse namahele nae, tete'e ka hapu Manetualain, ma nae Manetualain ana fe babalak neu hataholi fo mana sanga nana.

IBRANI 12:15

Manea leona, fo boso nalosak hapu hataholi esa boen, ana kalua neme Manetualain dale malole na mai, fo ela boso hapu nggelok da'di sama leo bubu'u-palusa malasok nai emi tala'da heom, nalosa nini toto'a-tatak ma ana tao nalutu hataholi ba'u ninik ndia laso na.

IBRANI 6:11

Ami hii manseli fo ela emi esa-esak manggate makandoo losa mate'e na, nalosa emi sipo hata fo emi mamahenak ndia.

YOSUA 7:3

ala fali ma'is, de lafa'da Yosua lae, “Ta paluu ita basatala teu sapu-ta, Ai fa. Fafa'kama haitua ka'da hataholi lifun dua do lifun telu leu. Boso haitua la'iesak solda'du-la leu latee-lata'ti nai naa, nanahu kota ndia anak-ka.”

1 PETRUS 3:7

Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.

2 PETRUS 1:10

Hu ndia, tolano-tolanoo ngala lemin! Boetai sanga enok seluk, fo ela Manetualain nalo ma Ana hele nahele emi ndia, boetai natea-nahele. Metema emi tao tungan leondiak soona, neukose emi ta fali deak so'on.

2 PETRUS 1:11

No enok ndia, neukose emi hapu hak matetuk soaneu masok leo Lamatuak fo ita Mane Mana Fe So'dan, Yesus Kristus nusa mana ketu basa ta na dalek meu.

2 PETRUS 3:14

Hu ndia, tolanoo susue-lalai ngala lemin! Nai lelek fo emi mahani Faik ndia, emi muse sanga enok te'e-te'e, fo emi so'da ma malalaok ma sala-singo tak nai Manetualain matan, Boema makaboboi emi tututi-nanatom no Manetualai na fo, malole nahele.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus