2 PETRUS 1:21 - Susula Malalaok Hehelu Palak Ma Hehelu Beuk

²¹ Nana beita la'iesa fo Manetualain hala hehelu na, nanatui-bengak tunga ka'da hataholi daebafa ka hihii-nanaun fa. Te hu ka nde, Manetualain Dula Dale na koasa na basa nabi la, de besa ka ala tui-benga hala heheluk fo maneme Manetualai na mai.

2 PETRUS 1:21 ပူးပေါင်းရင်းမြစ်များ

2 SEMUEL 23:2

Manetualain Duladalen-na nafa'da basa tunga au; hala hehelun ma paletan-na nai au difadoong-nga.

1RAJA-RAJA 13:1

Nai lelek ndia, hapu nabi esa nai Yehuda. Manetualain nadenun fo neu leo Betel neu. Nabi ndia losa naa, nai lelek Yerobeam bei napadeik nai mei tunu-hotuk-ka matan soaneu fe tutunu-hohotuk.

1RAJA-RAJA 17:18

Boema inafalu ndia nafa'da Elia nae, “Manetualain Atan-na nei, taole'e de Ama tao leo iak soaneu au? Ade Ama mai fo tao ma Manetualain nafandele au sala-singong, nalosa au anang-nga muse maten do?”

1RAJA-RAJA 17:24

Inafalu ndia nataa nae, “Besak ia au bubuluk, Ama nde been-na Manetualain atan, ma Ama hala-kokolan memak tete'e ka neme Manetualain mai!”

2RAJA-RAJA 4:22

de neu naloo saon-na. Nafa'dan nae, “Madenu ata esa, ana mai no keledei esa. Te au muse u lai-lai leo nabi Elisa u, fo au fali ma'ing-nga no lai-laik.”

2RAJA-RAJA 4:7

Basa boema, Inak ndia neu seluk leo Nabi Elisa neu, de Elisa nafa'dan nae, “Mase'o mina ndia, fo bae Ina huta-bu'un lala'en-na; ma lenan-na, dai soaneu Ina ma Ina anan-nala maso'dan-na.”

2RAJA-RAJA 4:9

Basa boema, inak ndia nafa'da saon-na nae, “Au amahele, Ama fo nasi'a, ana tuli ia ndia, te'e-te'e Manetualain atan ndia.

2RAJA-RAJA 6:10

Da'di, mane Israel-la, fe nasanene'dak neu hataholi manaleo deka loo mamanak ndia, fo ela laheheleaon-nala. Elisa fe nasanene'dak la'i de'u bee, neu manek-ka.

2RAJA-RAJA 6:15

Balahaa fafaik, fo nai lelek, Elisa atan-na fo'a, de ana leo deak neu boema, nita solda'du Siria-la lakahapi-la kota ndia, no ndala ma kaleta musun-nala lamatetu. Da'di, ana fali leo Elisa neu, de nafa'dan na, “Ita soe, Tuan! Ita muse tao leo beek?”

1 TAWARIKH 23:14

Musa fo Manetualain atan ndia, anatoun nala nanalekek leo, leo Lewi dalek neu.)

2TAWARIKH 8:14

Salomo ito-ato tatao-nono'i tunga-tunga faik soaneu basa imam-mala ma soaneu hataholi Lewi fo muse lakamee nakameek soaneu Manetualain-na ma ala tulu-fali basa imam-mala nai lakalala'ok feta makaluku-makatele-la dalek, nanadaa no aman Dauk nakaneneten-nala. Boeo basa manamanea Manetualain Uman-na, ana ba'en neu bubua-buak-kala soaneu lelesuina-la esa-esak nandaa no Manetualain atan Dauk natutu'dun-na.

YEREMIA 23:26

Nabi sila-la sanga lakatutu'dak Au anang-ngala neniuk sila tutui-bebenga pepeko-lelelo mesan-nala losa fai hi'da?

MIKHA 1:1

Mikha neme kota anak esa na'de Moresyet. Nai lelek Manek Yotam, Ahas ma Hizkia ala paleta beiko nai nusa Yehuda. Mikha sipo Manetualain hala-hehelun la'eneu Samaria ma Yerusalem.

MIKHA 3:7

Hataholi-hataholi fo lafa'da memak fai manamaik-ka nenini na, neukose ala hapu mamaek, nanahu lafa'da memak-ka, ta la'e fan. Mopo basa-basas mata-panan, nanahu Manetualain ta nataa fas.

BILANGAN 16:28

Boema Musa nae, “No enok ia, de neukose emi bubuluk mae Manetualain nadenu basa au, fo tao basa ia-la, ma emi bubuluk mae au hihii-nanau mesang ta ndia fa.

MARKUS 12:36

Te se'kona Dauk boeo, hu ka nde Manetualain Dula Dale na hehela-nonolen de nafa'dan nae, ‘Amak Manetualain nafa'da au Lamatua nga nae: mangatuuk mai Au boboa kona nga losa Au tao a O musu noo mala lakaluku-lakatele leu O.’

LUKAS 1:70

Makahulun eli, tunga nabi-nabi nanahele nala, Manetualain fe basa hehelu-balataan

HATAHOLI 1:16

“Tolano-tolanoo ngala lemin! Hata fo nanasulak nai Susula Malalaok dale, muse ala da'di. Makahulu na Manetualain Dula Dale na ana kokolak tunga Dauk, la'eneu Yudas fo nalanga hataholi mana ho'u Yesu sa.

HATAHOLI 28:25

Ala fali le'us no esa-esak hahapun, nana nai lelek Paulus nafa'das nae, “Memak la'en la'iesa kana, hata fo Manetualain Dula Dale na nafa'dan neu ita bei ba'ikai nala tunga Nabi Yesaya!

HATAHOLI 3:18

Ma hu ndia de, ana da'di hata fo makahulu na Manetualain nafa'dan tunga basa nabi nala nae, Mane Mana Fe So'dak fo Ana helu ka muse Ana doidoso.

ULANGAN 33:1

Lelek Manetualain atan Musa, beita mate fan te, ana fe leoina Israel-la baba'e-papalak nae leo ia,

IBRANI 10:15

La'eneu dede'ak ndia de, Manetualain Dula Dale na boeo ana fe sakasii neu ita. Manetualain Dula Dale na nafa'da nae,

IBRANI 3:7

Hu ndia de, sama leo Manetualain Dula Dale na nafa'da nae, “Metema faik ia, emi mamanene Manetualain hala na soona,

IBRANI 9:8

Hu no ito-ato leondia ka, de Manetualain Dula Dale na nafa'da no manga le'dok nae, metema uma lopo ndia uluk bei napadeik nahele nai ndia soona, enok leo Kama Malalao-Malalafu ka dalek neu a, ta nanasoik fa.

YOSUA 14:6

Faik esa boema, hataholi-la leme leo Yehuda mai, de leu leo Yosua nai Gilgal. Hataholi esa nai hataholi sila dalek, fo nde Kaleb, fo Yefune hataholi Kenas ndia, anan-na nae, “Yosua! O bubuluk hata fo Manetualainnafa'dan neu Musa, fo Manetualain hataholi nadedenun ndia, neme Kades-Barnea, la'eneu o ma au.

1 PETRUS 1:11

Nabi sila la, ala palisak matalolole tao leo beek, ma faihi'da fo dede'ak sila la ala da'di, fo tetee-tutu'dan nde, Kristus Dula Dalen manai sila dalen dale a. Nai lelek ndia Kristus Dula Dale na nafa'da elas, la'eneu doidosok fo Kristus muse la'oladin, ma la'eneu basa doidosok sila la seli soona, besa ka nananamatutua-namadedemak.

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.