2 PETRUS 1:11 - Susula Malalaok Hehelu Palak Ma Hehelu Beuk

¹¹ No enok ndia, neukose emi hapu hak matetuk soaneu masok leo Lamatuak fo ita Mane Mana Fe So'dan, Yesus Kristus nusa mana ketu basa ta na dalek meu.

2 PETRUS 1:11 ပူးပေါင်းရင်းမြစ်များ

MAZMUR 145:13

O paletam-ma nahele neme tepo-lelek leo tepo-lelek neu, O koasam-ma, neme bobongik leo bobongik neu. Manetualain lilineka neu basa hehelu-balataan lala'ena, henuk no susue-lalaik, nai basa tatao-nono'in-na dalek.

MAZMUR 36:8

Ou Manetualain, O susue-lalaim ba'un-na seli, hataholi daebafak-ka nasulu-nahapa nai O li'da susuem-ma dalek.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

YESAYA 35:2

Moo solokaek-ka, nakapela de bunan-na lakaseti, ma nakamee lelengoaon nenik nakamee namahoko-seteleek. Lole-napun, sama leo letek Libanon-na, be'i-balakain sama leo Bafak Karmel ma Saron. Boema basa hataholi-la neukose lita Manetualain koasan-na, ma ita Manetualain-na, matua-mademan.

YESAYA 9:7

Manetualain naketu basa nusa Israel-la, huhukun-na so.

DANIAL 7:14

Ndia nanafe ha'da-holomata ma koasa, da'dileo manek-ka, nalosa hataholi-la leme basa leoina, ma dede'ak lala'en-na mai, lamahele neun. Koasan-na nakatata'kak losa dodoon-na, ma paletan-na neukose ta nanaloli henik fa.

DANIAL 7:27

Basa nusak manai daebafak-ka lala'en-na koasan ma matua-mademan, neukose nanafek leo Manetualain Fo Mademaina anan-nala neu. Neukose sila koasan soaneu paleta, ta nate'e fa, ma basa manakoasa manai daebafak-ka neukose lamaheles ma ala tungas.”

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

YOHANIS 10:10

Nakodaa ka'da ana mai namanako, nanisa, ma ana tao nakalulutuk basa hata lala'ena. Tehu Au mai, fo ela hataholi daebafa ka hapu so'dak, maso'da manaketu basa ta ka.

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

1 KORINTUS 15:24

Basa ndia soona, fai mate'e ka losa. Neu faik ndia te, neukose Kristus sengi basa manapaleta lala'ena, basa manakoasa lala'ena, ma basa mabe'i-balakai kala lala'ena; soona Ana fe Ndia koasa paletan leo ita Aman Manetualain neu.

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

2 TIMOTIUS 4:18

Memak neukose Lamatua ka soi-po'i au eme hataholi mana mape'da dale mangalauk lo au a. Neukose no falik au no so'dak, leo nusa so'da ka neu. Ela leo bee na Lamatua ka nananamatutua-namadedemak losa dodoo na! Amin.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

IBRANI 6:17

Manetualain kokolak no mahelek neu hataholi-hataholi mana sipo hala hehelu na, nae neukose Ana ta nasafali dale tutu'u na fa. Hu ndia de, Ana tama seluk soo-supak neu hehelun ndia.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

2 PETRUS 1:5

Hu ndia de, sanga enok te'e-te'e, fo ela emi mamahele mahele Kristus, ma emi namahehelem ndia, tia-saka selu kana no so'da malolea. Fe'ek neme so'da malole ndia mai, emi muse da'di hataholi malelak,

2 PETRUS 2:20

Hataholi mana malelak Amak Manetualain, ma ita Mana Soi-Tefan, Yesus Kristus soona, hataholi ndia natapo'i neme basa koasa daebafak fo mana tao nanggenggeo hataholi daebafa ka. Tehu metema neu fai makabuin fo lakahihi'ik la selu kana soona, neu mate'e na te, hataholi ndia ha'da-tataon mangalau na, lenaheni ha'da-tatao makasososa na.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.

NINITAK 5:10

O taos da'di leoina esa hehelik fo lalalau-laoono ita Manetualain ma ala paleta nai daebafa ka.”