2 KORINTUS 9:14 - Susula Malalaok Hehelu Palak Ma Hehelu Beuk

¹⁴ Soona neukose ala hule-haladoi fe emi no susue-lalaik, nanahu Manetualain dale malole na ba'u na seli neu emi.

2 KORINTUS 9:14 ပူးပေါင်းရင်းမြစ်များ

2 SEMUEL 13:29

Boema, ata sila-la lakalala'ok Absalom paletan ndia, de ala taolisa Amnon. Dauk anamane fe'en-nala lita manada'dik ndia boema, esa-esak sa'e-na keledein-na de lalai.

AMSAL 11:26

See nakaduduluk gandum soona, neukose hataholi supa-soon, tehu hataholi manamase'o gandum-ma, ana hapu kokoa-kikiok.

LUKAS 16:9

Boema Yesus kokolak seluk nae, “Mamanene leona! Pake su'i-bete daebafak ia, soaneu hapu tia-laik, fo ela metema su'i-bete daebafak ia ta nabeli so'on soona, neukose emi nanasipok nai mamanak fo matea-mahele ka.

ROMA 1:11

Nana au ahiik anseli atongo o emi, fo ela ita taba'e Manetualain Dula Dale na, ma baba'e-babatin fo enok ndia, au tao atetea-ahehele emi.

2 KORINTUS 1:11

Ami mamahele, no emi hule-haladoim soaneu ami a de, neukose Manetualain soi-tefa seluk ami neme susa-soe a mai. Manetualain nakaheik ba'e-pala ami da'dileo natataak neu hule-haladoi ba'u soaneu ami. Ma hu ndia de, hataholi ba'u ka neukose loke makasi neu Manetualain.

2 KORINTUS 8:1

Tolano-tolanoo ngala lemin! Ami hii emi boeo bubuluk la'eneu tao leo beek de Manetualain malole na seli neu hataholi kamahehelek manai Makedonia la.

2 KORINTUS 9:13

Ma neme tatao-nono'i malole fo emi matu'dun ndia, hataholi Salanik ba'u ka nai Yudea, neukose ala koa-kio Manetualain, nana lita emi mamahele ma emi lilineka ma ba'u na seli neu Hala Malole la'eneu Kristus. Sila boeo koa-kio Manetualain, nana emi dale ma malole nanseli soaneu baba'e neu sila ma neu basa hataholi fe'e kala, hata fo emi manuun.

2 KORINTUS 9:15

Ela leo bee na ita toke makasi neu Manetualain, hu ka nde baba'e-babati matuainan ndia!

FILIPI 1:8

Manetualain bubuluk basa, au ahiik alan seli o emi. Au tao leondiak nana, au sue-lai a emi ba'una seli, sama na leo Kristus Yesus sue-lai emi a.

FILIPI 2:26

Dale na nahiik nanseli no emi basa mala. Dale na ta tesa-tama fa nana, emi mamanene basa hala ka nae, namahe'di.

FILIPI 4:1

Tolano-tolanoo susue-lalai ngala lemin! Hu ndia de, ela leo bee na emi mamahele te'e-te'e neu Lamatua ka. Au sue-lai emi ba'u na seli! Emi nde tao mamatutua au dale nga de, au amahoko a. Au ahiik anseli o emi.

1 TIMOTIUS 1:14

Ma nakalenak bai, ita Lamatua na, Ana fe la'iesak susue-lalain neu au. Ana fe au be'i balakaik, fo au amahelen, ma au sue-lai au nonoo hataholi ngala. Ana fe, be'i balakaik ndia neu basa ita fo manda'di esa to Kristus Yesus a.