2 KORINTUS 9:10 - Susula Malalaok Hehelu Palak Ma Hehelu Beuk

¹⁰ Manetualain nde sadia bini ngges soaneu manasele-nggali, ma nana'a-nininuk soaneu ita. Ndia boeo, neukose Ana sadia ma tao namaba'u hata fo emi sele nggali ka, fo ela emi dale malole ma buna-boan tama seluk.

2 KORINTUS 9:10 ပူးပေါင်းရင်းမြစ်များ

KEJADIAN 47:19

Boso po'ilotak mate ami! Boso po'ilotak ami tina-osim da'di dae tokotiik. Asa-ma ami, ma ami dae-oem nenik gandum, da'dineu baba'en-na. Ami ma ami dae-oem, neukose ala da'di manek-ka nuun. Fe ami gandum fo ami mi'a, ma tao bini-ngges soaneu ami sele-nggali neu ami tina-osim!”

AMSAL 11:18

Hataholi mangalauk-ka nanalan-na nde been-na, nanala manataik, hataholi manatao malole-a, nanalan-na nde been-na, nanala matetuk.

PENGKHOTBAH 11:6

Sele-nggali o bini-nggem nai faik fafain-na ma boso hahae nai fai le'odaen-na. Nana ita ta bubuluk sesele-nggalik bee kande moli no malole fa. Fafa'kama duas moli no malole boe.

YESAYA 55:10

Sama leo u'dan-na, ana mai neme lalai mai, fo ana ta fali ne'u fan, tehu ana tao nakadoe daebafak-ka, fo ana taon-na dae-a, nalole, ma nakamomolik bubu'u-palusa, ana fe buna-boak neu manasele-mananggali, ma nana'ak neu hataholi fo, ana nau na'a.

HOSEA 10:12

Au afa'da ae, ‘Hai, Israel! Ta'ti tina beuk soaneu o, fo sele-nggali bini-ngge ndoos ma matetuk, fo ketu-kolu baba'e-papalak, fo buna-boak neme o susue-lalaim te'e-te'e neu Au-a. Nana fain-na losa, o sanga Au, fo o Manetualaim-ma. Neukose Au mai, fo Au akona fe o, Au u'da baba'e-papalang.’

MATEOS 6:1

“Mafandendelek, fo boso makalala'ok agama hoholo-lalanen nai lea matan, fo hataholi la lita. Metema emi tao leondiak soona, neukose emi Amam manai nusa so'da ka, Ana ta fe emi ngga'di fa.

2 KORINTUS 9:12

Nanahu tatao-nono'i malole fo emi tao-no'in ndia, ta ka'da tao natetu Manetualain hataholi kamahehele nala toto'a-tataan mesa kana fa, tehu neukose nini fe hataholi ba'u ka loke makasi neu Manetualain.

2 KORINTUS 9:6

Mafandendek leona! Te hataholi manasele-nggali bini-ngges faa ana ka, neukose ana ketu-kolu buna-boak faa anak boe. Tehu hataholi manasele-nggali bini-ngges ba'u ka, neukose ana ketu-kolu buna-boak ba'u ka boe.

GALATIA 3:5

Manetualain fe Dula dale na neu emi, ma Ana tao mana da'di beu kala nai emi tala'da. Ade Manetualain fe basa sila la neu emi, hu ka nde emi tao tunga agama hoholo-lalanen do, hu ka nde emi mamanene Hala Malole ndia boema emi mamahele Kristus?

EFESUS 5:9

Nanahu neme mangale'dok ndia mai de, basa tatao-nono'i malole mata-mata kala, tao tunga ka'da ndo na, ma ndo sa, ala tii mai, fo nandaa no Manetualain mata memete na.

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

FILIPI 4:17

Ndia ta nanuu sosoak nae, au hii ka'da sipo emi fe fee ma fa. Fo au ahii ka nde, fo ela au ita buna-boak fo ana boetai tama fe emi nanalak.

1 TESALONIKA 3:12

Ela leo been-na Lamatua ka, tao na emi, boetai masue-malai ao, ma boetai sue-lai basa hataholi lala'ena, nalosa emi susue-lalaim ndia boetai tama nakandoo, sama leo ami susue-lalaim neu emi a.

1 TESALONIKA 4:10

Nana emi matu'du basa susue-lalaik ndia neu emi tolanoom manai Makedonia la so. Tehu tolano-tolanoo ngala lemin, ami moke manseli, fo ela emi so'da ma, ana da'di malole seluk bai.