2 KORINTUS 8:4 - Susula Malalaok Hehelu Palak Ma Hehelu Beuk

⁴ ala loke lanseli neu ami lae, metema ami nau soona, sila boeo fe tutulu-fafalik neu hataholi kamahehele kala.

2 KORINTUS 8:4 ပူးပေါင်းရင်းမြစ်များ

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

MATEOS 12:50

Hataholi mana tao tunga Au Amang manai nusa so'da ka hihii-nanau na, hataholi ndia nde da'di Au tolanoo toung, Au tolanoo inang, ma Au ina nga.”

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

MARKUS 14:7

Hataholi nuu ta-hata ta kala, mandoo fai a lai emi tala'da. Metema emi nau soona, tunga faik emi hapu tulu-falis. Tehu Au ta sama-sama o emi tataas esa fa.

HATAHOLI 11:29

Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

HATAHOLI 16:15

Boema ala salani Lidia no uma isi nala. Salani basan boema, noke ami meu leo uman meu. Nafa'da ami nae, “metema tolanoo kala mame'da nana, te'e-te'e au amahele Yesus soona, mai fo ata teu leo au umang teu.” Boema nakaseti nahele ami, fo ami tunga ndia nonoke na.

HATAHOLI 24:17

Au ta nai Yerusalem teuk de'ubee dale na boema au fali leo naa u, fo au uni doi tutulu-fafalik fe au leoina ngala ma au fe tutunu-hohotuk neu Manetualain.

ROMA 15:31

Hule-haladoi leona, fo ela Manetualain se'i-po'i au neme hataholi kamahehele tak manai Yudea la liman mai, ma fo ela au bela-ba'ung soaneu au uni tutulu-fafalik leo Yerusalem neu a, Manetualain hataholi kamahehelen manai Yerusalem mala, ala sipon no namahokok.

1 KORINTUS 16:1

Besak ia la'eneu doik fo emi nau tulu-falin neu tolano-tolanook fo namahehelek esa. Au oke, fo ela emi taon nandaa no natutu'duk fo au fen neu hataholi kamahehelek manai Galatia la.

1 KORINTUS 16:15

Tao lo beeo, emi malelak Stefanus ma uma isi nala. Hataholi sila la nde da'di hataholi kamahehelek makasososa nai Akhaya. Hataholi sila la no dale katematuak, laue-lale'di hehelik soaneu lalalau-laoono Manetualain hataholi kamahehele nala.

2 KORINTUS 9:1

Tunga ndo na, ta paluu au sulak seluk fe emi susulak la'eneu tutulu-fafalik fo bei nanahaituak leo Manetualain hataholi kamahehelen manai Yudea la.

GALATIA 2:10

Sila nonoken ka'da esa mesa kana neme ami mai, fo nde, fo ela ami taoafik neu hataholi nuu taa kala. Boema au amahoko nana, au ahiik tatao-nono'ik ndia.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.