2 KORINTUS 8:23 - Susula Malalaok Hehelu Palak Ma Hehelu Beuk

²³ La'eneu Titus ia nde bee soona, au nonoong fo naue-nale'di no au soaneu tulu-fali emi. Ma la'eneu tolanoo kaduak fo leu sama-sama lo na, sila nde bee na hataholi fo nanadenuk neme salani kala mai ma ala da'di namatutua-namadedemak ba'eneu Kristus.

2 KORINTUS 8:23 ပူးပေါင်းရင်းမြစ်များ

LUKAS 5:10

Leondiak boe no Simon nonoo nala, fo nde Yakobis ma Yohanis fo Zebedeus ana nala. Yesus nafa'da Simon nae, “Boso bii! Mulai besak ia, neukose o da'di mana dala hataholi.”

LUKAS 5:7

Hu ndia de, ala loke tutulu-fafalik neme nonoon manai ofa fe'e kala mai. Nonoon sila la mai boema, basa-basas laisi i'ak sila la, de ala tao lahenu ofa kaduak sila la, de nalosa ofa kaduak sila la hihii lae ala bolo.

YOHANIS 13:16

Au dede'ang ia tete'e ka la'en, Ata esa, ta ba'ulena tua na, ma hataholi nadedenuk esa, ta ba'ulena hataholi manamadenu nana fa.

1 KORINTUS 11:7

Tou ka ta paluu pake lalaa langak fa, nana tou ka nde bee na dula mandela-sa'ak neme Manetualain aoina na mai. Tehu ina ka nde bee na dulak neme tou ka mandela-masa'an,

2 KORINTUS 12:18

Au adenu basa Titus ne'i donge-dama emi so, ma au adenu tolanoo kamahehelek fe'ek esa sama-sama non. Ade Titus ho'i nanalak neme emi mai do? Tehu ami dua maue-male'di no dudu'ak fo sama, ma mapalani minik enok fo sama!

2 KORINTUS 7:6

Tehu ami moke makasi ba'u ka, nana Manetualain tao natea-hahele hataholi manaketu namahehena kala dale nala tataas esa; Ana tao na ami dale ma loa-loak mesan ninik Titus mamai na.

2 KORINTUS 8:16

Ami moke makasi ba'u ka neu Manetualain, nana sama leo ami boe, de Ana tao na Titus te'e-te'e tulu-fali emi, de ana tulu-fali emi!

2 KORINTUS 8:18

Ami madenun no tolanook esa fo tolanook ndia nanafe ha'da-holomata nanseli nai basa hataholi kamahehele kala, nana ue-le'din nde ana tui-benga Manetualain Hala Malole na.

2 KORINTUS 8:19

Fe'ek neme ndia mai, hataholi ndia nanahele basak so boe, ma Salani kala laketu basan soaneu sama-sama no ami nai ami leleo-lala'o ma dalek. Nana neukose ami tao leleo-lala'ok soaneu manduku-malosak tutulu-fafalik ndia, fo ela Lamatua ka nanakoa-kiok, ma fo ela emi mita ami te'e-te'e nau tulu-fali.

2 KORINTUS 8:22

Sama-sama no Titus ma tolanook ndia, ami boeo haitua tolanoo fe'ek esa. Ami soba fali-fali mon so, de nananitak ana nau tulu-fali tataas esa. Ma besak ia, lena-lenak ana nau tulu-fali emi, nanahu ana tao basa namahehenan neu emi.

2 KORINTUS 8:6

Hu ndia de, ami makaseti Titus – fo ana mulai tatao-nono'ik ia – fo ela nakalala'ok nakandoo tatao-nono'i malole ia, nai emi tala'da boe.

FILIPI 2:25

La'eneu ita tolanon Epafroditus fo emi mandenun ana tulu fali au a, au dodoo basan ae, paluu au adenun fo ana fali seluk leo emi neu. No au nai au tatao-nono'i nga dalek ma ana sota-mate no au so.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

KOLOSE 1:7

Epafras fo ami tolano susue-lalaim ndia nde tui-benga dede'ak ndia neu emi a. Epafras ia, Kristus malalau-maoono mana lilinekan, fo nalalau-naoono soaneu ita paluu na.

1 TESALONIKA 2:2

Emi boeo bubuluk mae, ami beita ne'i donge-dama emi fa te, ala fepa-li'u ami ma ala kokolak lakamamaek ami neme Filipi so. Hataholi makadotok ala laban ami. Leomae leondiak boeo, Manetualain fe basa ami mapalanik, soaneu ami manduku-malosak halak neme Hala Malole a la'eneu Ndia, neu emi.

2 TIMOTIUS 4:10

te Demas la'oela au nana, ana sue daebafak ia. Neu leo Tesalonika neu so, ma Kreskes neu leo Galatia neu, boema Titus neu leo Dalmatia neu.

TITUS 1:4

Titus ei! O nde bee na, te'e-te'e au anang, nana ita dua tamahele no'u-no'u neu Kristus so. Au amahena ela leo bee na, Amak Manetualain ma ita Mane Mana soi-tefan, fo Yesus Kristus, fe baba'e-papalak ma so'da-molek neu o.

FILEMON 1:17

Hu ka nde tolanoo ka tao au da'di tolanook nai namahehelek esa dalek de, sipo ma falik Onisimus, sama na leo tolanoo ka sipok au.

FILEMON 1:24

Sipo ma nate'ak neme au tia-lai malalau-maoonong Markus, Aristarkhus, Demas ma Lukas mai boe.

3 YOHANIS 1:8

Hu ndia de, ita hataholi Salani ka, muse tulu-fali ita tolano Salanin leo sila kala, fo ela ita basa-basa tala tao tamaloloa Manetualain nanoli ndo na.