2 KORINTUS 7:9 - Susula Malalaok Hehelu Palak Ma Hehelu Beuk

⁹ Tehu besak ia au amahoko, ta hu ka nde emi dale ma he'di sa fa, te hu ka nde emi dale he'dim ndia tao na emi tukatei-saledale. Memak emi dale he'dim ndia enok esa no Manetualain hihii-nanaun. Da'di ami ta makatutu'dak emi fa.

2 KORINTUS 7:9 ပူးပေါင်းရင်းမြစ်များ

MAZMUR 38:18

Isabai-na, au tu'u u, au ame'da he'dis, nakandondoo henin.

PENGKHOTBAH 7:3

Dale he'dik-ka malole lena neme hihikak-ka mai. Leomae mata-panak susa, sa'di dalek-ka loak.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

MATEOS 3:8

Matu'dun nai emi tatao-nono'i ma dalek mae, emi tukatei-saledale meme emi sala-singo mala mai so.

LUKAS 15:10

Leondiak boe Manetualain ata nusa so'da nala neukose lamahoko, metema hapu hataholi mangalau ka tukatei-saledale neme sala-singo nala mai.”

LUKAS 15:32

Tehu ita muse tao feta ma tamahoko-setelee, nana o fa'di ma makahulu na maten so, tehu besak ia naso'da falik. Makahulu na mopon, tehu besak ia hapu fali kana so.’ ”

LUKAS 15:7

Naa, leondiak boe nai nusa so'da ka hapu namahokok fo matua lena soaneu hataholi masala-masingok esa tukatei-saledale, neme hataholi siohulu sio fo malole so de ta paluu tukatei-saledale so'on.”

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

2 KORINTUS 7:8

Leomae au susula nga nini dale he'dik fe emi, tehu au ta asasaledale sulak susulak ndia fa. Memak nai lelek au bubuluk basa, au susulang ndia nakahehehe'dik emi dale ma leomae ka'da fai keke'uanak esa mesa kana, tehu au hihii ae asasale dale boe.