2 KORINTUS 7:5 - Susula Malalaok Hehelu Palak Ma Hehelu Beuk

⁵ Lelek ami losa Makedonia boeo, ami ta hapu loak hahae aom makandondook fa. Neme basa boboak lala'ena, ami hapu toto'a-tataak: neme hataholi fe'ek, ami hapu nale'a-napilik, ma name ami dalem dale, ami hapu bibii-namata'uk.

2 KORINTUS 7:5 ပူးပေါင်းရင်းမြစ်များ

KEJADIAN 8:9

Tehu hu kande, oe-a bei potin-na daebafak-ka lala'en-na, de kalua sina ndia ta hapu mamanak fo ana sa'e fa. Boema, ana fali ma'in leo ofak-ka mai; Noh solok liman-na neu, de ana ko'o-nan, boema ana tao falik-kana leo ofak dale neu.

AYUB 18:11

Bibii-namata'u matuaina, neme mamanak lala'en-na mai, de ana tao nanggengek hataholi mangalauk-ka; bibii-namata'uk-ka tungan, neme nggani eik leo nggani eik neu.

YESAYA 33:12

Emi sama leo batupiak fo nanahotuk, soaneu taon da'di ha'o; sama leo makatema dila-nggauk fo nanatati henik, ma nanahotu henik nai ha'i dale.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 45:3

o masasale dale tao leo bee ia, ‘Ah, te'e-te'e au ia ua-naleng ta! Au dudu'a-aafin-na ma kale'o ba'uk-ka nanseli, te Manetualain tama seluk-kana nenik toto'a-tataak bai. Au sota no hoonggu'uk-ka, Au daleng-nga ta tesa-tama fa!’

YEREMIA 6:25

Ala ta lapalani leu leo enok lain do leu leo tina leu fa, nana nai mamanak lala'en-na, musu-a leleuk tafa-sisilon.

YEREMIA 8:18

Au daleng-nga nono'ka bai nanasasa'dak, de he'dis-sa, au dale he'ding-nga, mo'do-akidoon ta.

HATAHOLI 20:1

Nai Efesus nee nee-lino lino boema, Paulus nalo nakabubua basa hataholi salani kala, de natetea-nahehele dale nala. Basa boema nate'as, de neu leo Makedonia neu.

ROMA 15:26

Nana salanik manai Makedonia ma Akhaya la lakaheik basa, ala fe tutulu-fafalik neu tolano-tolanook fo nuu ta-hata tak manai Manetualain hataholi kamahehelen Yerusalem ma.

1 KORINTUS 15:31

Tolano-tolanoo ngala lemin! Tunga faik, au akatatakak doidoso ka, au amahoko hu ka nde emi maso'da ma, nana emi mamahele basa neu Kristus Yesus, fo ita Lamatua na so.

1 KORINTUS 16:5

Neukose au donge-dama emi, nai lelek au tuli tunga Makedonia, nana au tutu'u basan, au sanga singa tunga naa.

2 KORINTUS 2:13

Tehu au dale nga ta tesa-tama fa, nana au ta atongo o ita tolanoon Titus nai naa fa. Boema au ate'a hataholi manai mamanak ndia de au u leo Makedonia u.

2 KORINTUS 2:3

Hu ndia de au sulak fe emi susulak ia. Au ta nau ne'i donge-dama emi fo emi makahehe'dik au, te see ko na emi nde muse tao mamahoko au. Nana au amahele, metema au amahoko soona, emi basa-basa mala mamahoko boe.

2 KORINTUS 2:9

Au sulak fe emi susulak ia no dudu'ak soaneu au fola emi, ade emi nau tunga mahele au natutu'du ngala do ta.

GALATIA 4:11

Au bibii ka'da, boso nalosak au sosota-mamangung soaneu emi a, manda'di tak.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.

1 TESALONIKA 3:5

Hu ndia de tolano-tolanoo ngala lemin, au adenu Timotius ne'i nana, au ahiik anseli bubuluk emi namahehelem neu Kristu sa, losa bee so. Au bibii ka'da, nitu a ana hapu enok, soaneu ana dudungu-papau nala emi, fo ami sosota-mamangum, manda'di tak.