2 KORINTUS 7:10 - Susula Malalaok Hehelu Palak Ma Hehelu Beuk

¹⁰ Nana dale he'di leondia ka, nini tukatei-saledalek fo ninini na nde so'da-mole ka. De hataholi a neukose ta nasasale dale neu dede'ak ndia fa. Nasafali na, dale he'dik fo ka'da enok esa no hataholi daebafa ka hihii-nanau na, buna-boan nde mamate sa.

2 KORINTUS 7:10 ပူးပေါင်းရင်းမြစ်များ

KEJADIAN 30:1

Tehu Rahel beita bongi anak boen. Hu ndia de, nape'da dalek no ka'an-na, boema nafa'da Yakob nae, “Fe au bongi anak, te metema ta soona, neukose mate au.”

2 SEMUEL 12:13

Boema, Dauk nafa'da Natan nae, “Au asala-asingo basa neu Manetualain so.” Boema Natan nataa nae, “Manetualain fe do'o do ampon neu Ama Manek so; da'di neukose ta mate Ama Manek fa.

2 SEMUEL 13:4

Boema, Yonadab nafa'da Amnon nae, “Maneana nei, tao le'e de, tunga faik o nono'kabai hataholi manadale he'dik-ka? Hu beek?” Amnon nataa nae, “Au hii Tamar fo au tolanoong Absalom fa'din ndia.”

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

1RAJA-RAJA 21:4

Ahab fali ne'un no dalen-na ta tesapopo-tama ma nasak nanahu namanene hata fo Nabot nafa'da neun, boema nangape'uk neu pepe'un lain ma ta nau na'a fa.

MAZMUR 38:18

Isabai-na, au tu'u u, au ame'da he'dis, nakandondoo henin.

AMSAL 15:13

Dalek fo namahoko-setelee, ana tao napena mata-panak; tehu dalek fo manasusak-ka, ana tao namopo manggatek-ka.

AMSAL 15:15

Hataholi manasusak-ka, muse ana sanga enok nai so'dan-na dalek, tehu hataholi fo mata-panan napena, naua-nanale tataas esa.

AMSAL 17:22

Dalek fo henuk no namahoko-seteleek-ka, taon-na aopaak-ka so'da-la'dak; tehu dale manasusak-ka, tao namopo manggatek-ka.

AMSAL 18:14

Hu kande, dale hihiik soaneu naso'da, hataholi-a bisa doi-doso; mopo dale hihiik ndia soona, mopo basa namahehenak lala'en-na boe.

PENGKHOTBAH 7:3

Dale he'dik-ka malole lena neme hihikak-ka mai. Leomae mata-panak susa, sa'di dalek-ka loak.

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

YUNUS 3:10

Manetualain nita sila tatao-nono'in-nala. Nita, ala tu'u-tapa heni sila ha'da-tatao mangalaun-nala so. Boema Ana dodoo nasafali nakeketun-na, de Ana ta da'di huku fas.

YUNUS 3:8

Hataholi la ma bana-manu muse pake si'di kalong. Fo da'dileo ta'du-tana nasasale dalek, basa hataholi-la muse hule-haladoi te'e-te'e neu Manetualain. Sila muse tao matalolole sila ha'da tatao mangalaun-nala, ma sila ha'da-tataon fo henuk no sala-singok-ka.

YUNUS 4:9

Tehu Manetualain nafa'dan nae, “Ta nandaa, o dale he'di leondiak hu ka nde aiana ndia mamaten-na fa!” Boema, Yunus nataa nae, “Tao leo bee de, ta? Ndandaan-na, au amanasa anseli losa mate dei.”

MATEOS 26:75

Boema Petrus nafandele Yesus nafa'da basan nae, “Manu a beita kokoa boen te o malelesi Au la'i telu so.” Boema Petrus kalua leo deak neu de ana kii-makaleleu ma dale na he'di nanseli.

LUKAS 15:10

Leondiak boe Manetualain ata nusa so'da nala neukose lamahoko, metema hapu hataholi mangalau ka tukatei-saledale neme sala-singo nala mai.”

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”

HATAHOLI 11:18

Lamanene Petrus kokolan dede'ak ndia boema ta lase'i so'on. Boema ala koa-kio Manetualain leona. Lafa'da lae, “Metema leondiak soona, hataholi ta Yahudi la boeo, Manetualain fes fai loak soaneu ala tukatei-saledale leme sala-singo nala mai, ma ala hapu lame'da lita so'da matetu ka!”

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

2 KORINTUS 7:9

Tehu besak ia au amahoko, ta hu ka nde emi dale ma he'di sa fa, te hu ka nde emi dale he'dim ndia tao na emi tukatei-saledale. Memak emi dale he'dim ndia enok esa no Manetualain hihii-nanaun. Da'di ami ta makatutu'dak emi fa.

IBRANI 12:17

Emi bubuluk mae makabui na, Esau nahiik hapu baba'e-papalak ndia neme aman mai, tehu ana tipahenin. Nana leomae no kikii-makaleleuk, ana sanga enok, soaneu ana taonahi sala na, tehu failoak soaneu dede'ak ndia, ta hapun so'ok.

SEMUEL SUSULAK-KA ESAN-NA 30:6

Dauk solda'dun-nala, susa lanseli, nanahu mopo sila sao-anan-nala. Hu ndia de, ala sanga tapa Dauk nenik batu. Da'di, Dauk nai toto'a-sosota matua dale, tehu Manetualain fo ndia Manetualain-na, natetea-nahehele seluk dalen-na.