2 KORINTUS 6:14 - Susula Malalaok Hehelu Palak Ma Hehelu Beuk

¹⁴ Boso nau da'di esa mo hataholi fo ta lamahele neu Yesu sa; nanahu ndia ta nandaa fa. Hapu nai bee, malole da'di esa no mangalau ka! Ta hapu mangale'do ka nakabubua no makahatu ka fa.

2 KORINTUS 6:14 ပူးပေါင်းရင်းမြစ်များ

KEJADIAN 24:3

Fo soo-supa menik Amak, Manetualain, fo manakoasa lalai ma daebafak-ka, mae neukose o ta sanga fe au anang Isak, saoinak nai basa hataholi manai dae Kanaan ia-la fa.

1RAJA-RAJA 18:21

Boema Elia neu deka no laun sila-la de nafa'das nae, “Emi dalem-ma naba'e nahele losa faihi'da? Metema Amak ndia Manetualain soona, sene-do'ok Manetualain leona! Metema Baal-la ndia Manetualain soona, sene-do'ok Baal-la leona!” Laun mana lakabubua lai ndia, ka'da bedenge.

2TAWARIKH 19:2

nabi esa na'de Yehu fo Hanani anan-na ana mai nataa manek-ka. Nabi ndia nafa'dan nae, “Ade nandaa Ama Manek tulu-fali hataholi mangalauk ma mook hataholi manamamanasa Manetualain-na do? Ama Manek tatao-nono'in ndia nde taon-na Manetualain namanasa Ama Manek.

EZRA 10:19

Laheluk lae, neukose ala elaheni saoinan-nala, boema ala tunu-hotu bi'ilopo mane, soaneu tutunu-hohotuk, fo sila sala-singon hapu do'o do ampon.

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

MAZMUR 119:63

Au tao tia-laik o basa hataholi kamahehelek-kala, ma basa hataholi fo, lakalala'ok O paletam-ma.

MAZMUR 16:3

Au fe ha'da-holomata neu hataholi malalao-malalafuk fo, manai nusak ia-la; au dale namahokong-nga nde, au leo nakabubua nos.

KELUARAN 34:16

Metema emi anam-mala sao ina nusa dea soona, neukose inak sila-la fufu'di-oo'dok-kasa soaneu ala la'oela Au fo ala sene-do'ok neu sila lamatuan-nala.

AMSAL 22:24

Boso leo-mapalasa moo hataholi fo, ana nau ka'da namanasa, ma no lai-laik, daan-na sa'e.

AMSAL 29:27

Hataholi malole-a, ta nape'da dale nasak no hataholi mangalauk-ka fa; ma hataholi mangalauk-ka, nakamuu-nakadau hataholi malole-a.

IMAMAT 19:19

Tunga Au paletang-ngala. Boso makasasaok bana dua, ta matak esa fa. Boso sele-nggali bini-ngges matak dua neu dae duduik esa. Boso pake bua papakek fo nanatenuk neme abas matak dua mai.

MALEAKHI 2:11

Hataholi Yehuda-la la'olena Manetualain hehelu-balataan no sila so, ma ala tao-no'i dede'a-dede'ak fo neni mamaek nai Yerusalem, ma nai basa nusak-ka lala'en-na. Ala tao langgenggeo Manetualain Uman fo Ana sue-lain ndia so, ma ala ka'bing loo ina-inak fo, ala sene-do'ok neu leoina fe'ek-kala, lamatua daebafan-nala.

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

YOHANIS 7:7

Tao leo bee o, daebafak ia ta nakamu-nakadau emi fa. Tehu Au soona, memak daebafa ka, nakamu-nakadau Au, nana Au afa'da daebafa ka tatao-nono'i mangalau na tataas esa.

HATAHOLI 4:23

Ala po'i Petrus no Yohanis boema duas fali leo nonoo nala leu, de ala tuis basa hata fo malanga ima mala ma mauli-malanga Yahudi la lafa'da duas.

1 KORINTUS 10:21

Emi ta bole minu neme Lamatua ka nggala ango la, ma minu neme dula dale mangalau kala nggala ango la mai boen. Emi ta bole mi'a nai Lamatua ka mei na ma nai dula dale mangalau kala mei na fa.

1 KORINTUS 15:33

Boso fe hataholi ke'dindiu na emi. Leleo-napalasa ta malole a, tao nalutu ha'da-palii malole a.

1 KORINTUS 5:9

Nai au susula makahulu nga dalek, au afa'da emi, fo ela emi boso leo mapalasa mo hataholi manasosoa-piao kala.

1 KORINTUS 6:6

Tehu tao le'e de emi kalaak emi tolanoom fo namahehelek esa leo manamaketu-mala'dik fo ta namahehelek esa fa.

1 KORINTUS 7:39

Ina masaoanak esa, bei nanapa'ak no saotou na nai lelek saotou na bei naso'da. Metema saotou na maten soona, inak ndia bole sao seluk no touk see fo nahii kana; sa'di touk ndia, sila namahehelek esa.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.