2 KORINTUS 5:6 - Susula Malalaok Hehelu Palak Ma Hehelu Beuk

⁶ Hu ndia de ami dale ma natea-nahele tataas esa. Ami bubuluk basan, nai lelek fo ami bei leo nai ao paak fo bisa maten ia, ami doo ka neme uma fo neukose ami leo sama-sama mo Lamatua ka.

2 KORINTUS 5:6 ပူးပေါင်းရင်းမြစ်များ

1 TAWARIKH 29:15

O bubuluk ou Manetualain, mae sama leo basa ami bei-ba'i kaim-mala, ami boeo nai ami so'dam ia dalek da'di leo hataholi manamai ma hataholi nusa dea. Ami so'dam-ma sama leo salaok fo manasapu-lalok-ka, ma ami ta hapu matapo'i meme mamates-sa mai fa.

MAZMUR 119:19

Ka'da hatematak esa mesak-kana, au leo nai daebafak ia, boso mafuni O hoholo-lalanem, neme au mai

MAZMUR 39:12

O fepa-li'u hataholi esa nenik huhukuk nanahu salan-na, ma O tao makalulutuk lole-napun sama-na leo andae-a; Tete'ek-ka, hataholi daebafak-ka sama leo ka'da ani hahaek-ka.

AMSAL 14:26

Hataholi fo namahele neu Manetualain-na, ana hapu tetu-temak, ma teidalen-nala, neukose ala hapu nasulu-nahapak.

YESAYA 30:15

Manetualain Fo Mademaina, Israel Manetualain malalao-malalafun-na, nafa'da anan-nala nae, “Tukatei-saledale, ma pe'daom mahele leona, soona neukose Au soi-tefa-ala emi. Mamahele neu Au no dale mananee-nee lino-linok, soona neukose Au atetea-ahehele emi.” Tehu emi ta nau fa!

YESAYA 36:4

Asyur malanga solda'du matuainan ndia, nafa'das nae, “Manduku-malosak mane Asyur-ra halan ia neu Hizkia mae, ‘Tao le'e de, o dodoo mae, o mabe'i-balakaik?

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

2 KORINTUS 5:8

hu ndia de, ami dale ma natea-nahele. Ami mahiik manseli, matapo'i neme ami ao paam ia mai, fo ela ami hapu leo mo Lamatua ka.

IBRANI 10:35

Hu ka nde ndia, de boso ketu namahehena ma, nana metema emi mamahele mahele, soona hapu ngga'di matua ina soaneu ndia!

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

IBRANI 13:14

Nana, nai daebafa ka ta hapu mamana leleok fo matea-mahelek soaneu ita fa. Nasafali na ita sanga mamana leleok fo manamai ka.

1 PETRUS 5:1

Au oke, mana mauli-malanga salani kala taoafik neu salani kala. Au sulak susulak ia, sama leo nonoo mauli-malangan, ma sama leo hataholi fo mana sakasii matan Kristus doidoso na so, de neukose au boeo nananamatutua-namadedemak, nai lelek fo Kristus namatutua-namadedeman nananatu'duk neu hataholi daebafa ka. Hu ndia de, au oke anseli,

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.