2 KORINTUS 5:15 - Susula Malalaok Hehelu Palak Ma Hehelu Beuk

¹⁵ Kristus mate soaneu hataholi lala'ena, fo ela hataholi maso'da ka ana boso naso'da soaneu aoina na mesa kana, tehu soaneu Kristus fo Ana mate de naso'da falik hu ka nde hataholi sila la paluu na.

2 KORINTUS 5:15 ပူးပေါင်းရင်းမြစ်များ

2RAJA-RAJA 5:17

Boema Naaman nae, “Metema Tuan ta nau sipo au buang-ia-la boen soona, fe au loak, fo au ho'i ini dae-a baba'un-na, ba'u ndala matuaina 2 fufuan-na. Nana, mulai besak ia, neukose au fe tutunu-hohotuk ka'da soaneu Manetualain, te ta soaneu lamatua fe'ek fa.

YESKIAL 16:6

Basa boema, Au la'ok tunga ndia, de Au ita o daam-ma lifu, de o mafoki meme dalek, tehu Au ta nau mate o fa.

YESKIAL 37:14

Neukose, Au fuu ani hahaek leo sila aoinan-na dale neu, fo Au tao aso'das, boema Au fes ala leo lai sila nusan-na. Soona besak-ka ala bubuluk, lae Au nde, Manetualain-na. Au, fo Manetualain nde manakokolak-ka, de tao leo bee-o, neukose nanatao natetuk.”

YESKIAL 37:9

Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

ZAKHARIA 10:9

Leomae Au tao tapasasalas leo leoina-la tala'da leu boe, neukose lafandendelek lahele Au nai naa. Neukose laso'da, leondiak boe, anan-nala ma neukose, ala fali sama-sama leo nusan-na mai.

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

YOHANIS 6:57

Amak fo maso'dak ndia nadenu Au, ma Au boeo aso'da eme Ama ka mai. Leondiak boe, hataholi fo na'a Au ao paa nga, neukose naso'da neme Au a mai.

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

ROMA 4:25

Yesus ndia nanafe henik soaneu nanataonisak nanahu ita sala-singo nala; boema Manetualain tao naso'da fali kana, soaneu Ana soi enok fe ita malole falik to Manetualain.

ROMA 6:2

Tao leo beeo ta leondiak fa! Nana sala-singo ka, ta koasa ita so'on. Hu ndia de, hapu nai bee, ita bole tao sala-singok takandondoo henin?

ROMA 6:6

Ita bubuluk basa, ita ha'da-tatao daebafa na, Kristus mate non neme ai nggangek lain, fo ela Kristus tao nakalulutuk ita ha'da-tatao masala-masingon ndia koasa na; no enok ndia de, sala-singo ka ta paleta ita so'on.

ROMA 8:10

Tehu metema Kristus naso'da nai emi dalem dale soona, leomae emi ao paa ma maten hu ka nde sala-singo ka, tehu Manetualain Dula Dale na fe emi maso'dak ndia, nana emi mo Manetualain da'di esa so.

ROMA 8:2

Nana Manetualain Dula Dale na hoholo-lalanen fo manafe ita da'di esa to Kristus Yesu sa, ndia nde soi-tefa na au eme hoholo-lalanek fo manini sala-singok ma mamates ndia mai so.

ROMA 8:6

Metema hataholi daebafa ka ha'da tataon koasa na emi dudu'a-aafim soona, ninini na ka'da mamate sa. Tehu metema Manetualain Dula Dale na koasa na emi ha'da-tataom soona, ninini na maso'da ka ma mole-dame no Manetualain.

1 KORINTUS 10:33

Maso'da sama leo au leona. Au sanga enok, fo au tao amahoko basa hataholi lala'ena dale na, nai basa hata lala'ena dalek, ta no dudu'ak soaneu aoina ka paluu na mesa kana. Au dale tutu'u nga nde bee na ka'da, fo ela sila nanasoi-tefak.

2 KORINTUS 12:10

Da'di au amahoko unik au tapandoe ngala. Au boeo amahoko, metema hu ka nde Kristus de au nakamumulu-nakamamaek, au la'ola'di toto'a-sosotak, nanausi-puuk, ma la'ola'di toto'a-tataak. Nana metema au tapandoe soona, nai lelek ndia nde au balakaik.

2 KORINTUS 3:6

Ndia nde tao na ami mapalani da'di malalau-maoono soaneu hehelu beuk esa, fo nde Heheluk fo namahena neu Manetualain Dula Dale na, ta neu hoholo-lalane nanasula ka fa. Nana nanasulak ndia nini mamates, tehu Manetualain Dula Dalen ndia ana fe maso'dak.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

GALATIA 5:25

Manetualain Dula Dale na ana fe basa ita so'da beu ka so; hu ndia de, Ndia nde muse koasa ita so'da na.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

KOLOSE 2:12

Nanahu nai lelek fo ala salani emi a, emi nananatoik sama-sama mo Kristus; boema no salanik ndia boe de, emi nanatao naso'da falik sama-sama mo Kristus, nanahu emi mamahele Manetualain koasan fo manatao naso'da falik Kristus neme mamate sa mai a.

KOLOSE 3:1

Emi nanatao naso'da falik sama-sama mo Kristus so. Hu ndia de, emi muse sanga enok soaneu emi hapu hata manai nusa so'da ka, fo nai bee Kristus paleta sama-sama no Manetualain.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

KOLOSE 3:23

Ladenu emi tao-no'i su'di tatao-nono'i beek ndia boe, ela leo bee na emi tao-no'in no dale katema tuak, nono'ka bai de emi malalau-maoono Lamatua ka nde ndia, te emi ta malalau-maoono ka'da hataholi daebafa ka fa.

1 TESALONIKA 5:10

Ana mate soaneu ita, fo neu fai mamai na ta bubuluk ita beitaso'da do, ita mate so ita hapu taso'da sama-sama ton.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 PETRUS 4:6

Hu ka nde ndia de Hala Malole a, nanatui-banga basak neu hataholi mana mate kala so. Dede'ak ia sosoa na nae, fo ela sila nanaketu basak nai ao paa ka dalek sama na leo basa hataholi fo neukose nananaketuk hapu naso'da tunga samane ka, tunga Manetualain hihii-nanaun.

1 YOHANIS 4:9

Manetualain nafa'da nae, Ana sue-lai ita, hu ndia de Ana fe Ana mane kisa na mai leo daebafa ka mai, fo daenga ita hapu so'dak tunga Anan ndia.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.