2 KORINTUS 5:13 - Susula Malalaok Hehelu Palak Ma Hehelu Beuk

¹³ Metema memak ami nono'kabai de kamulu sa soona, dede'ak ndia ana da'di nana, Manetualain paluu na. Boema metema emi mita ami langa ma matetuk soona, dede'ak ndia ana da'di nana, emi paluu ma.

2 KORINTUS 5:13 ပူးပေါင်းရင်းမြစ်များ

YEREMIA 29:26

“Manetualain ana so'u o da'di imam fo nggati Yoyada, de besak ia o nde manapaleta matuaina nai Manetualain Uman-na. O bela-ba'um nde paleta fo ela basa hataholi kamulus, fo ala manaku aon-nala nabi soona, nanalangek nenik namosina besik neu lesuha'in.

MARKUS 3:21

Hataholi la lafa'da lae, “Namulu so!” Nai lelek fo uma isi nala lamanene dede'ak ndia boema, leu lala fali kana.

ROMA 12:3

Manetualain fe basa baba'e-babatin neu au so. Hu ndia de au anoli-afa'da emi basa-basa mala fo boso mamatutua-mamadedema ao ina ma ba'u lenaheni emi aoina ma baba'u na. Te ela leo been-na, emi mete aoina mala no dale nakaloe-nakadaek; esa-esak mete aoina na tunga be'ibalakaik fo Manetualai fe neun, hu ka nde namahele Yesus.

2 KORINTUS 11:1

Fe au loak fo au tao nono'ka bai amanggoa faa anak. Emi nau hetu?

2 KORINTUS 12:11

Tete'e ka, au tao nono'ka bai sama leo hataholi nggoak so – tehu emi nde tao ma au da'di tao leondiak. Tunga ndo na, emi nde muse koa-kio au. Nana leomae au ta soa-ndaa hata esa boen, te au ta kala makandondook la'eneu hataholi nadedenuk fo nananita-nalelak sila la fa!

2 KORINTUS 12:6

Leo uni ka au boeo hii amatutua-amadedema hata esa soona, au ta nau da'di hataholi manakokolak bafalouk fa, nanahu neukose au afa'da hata fo ndo sa. Tehu au akatatakak au aoina nga, fo ela ta hapu hataholi nafa'da nae, au lena neme hata fo sila lita au tao-no'in, do hata fo namanene au afa'da ka basa ka so.

2 KORINTUS 7:12

Da'di leomae au sulak basa susulak ndia so, tehu au sula kana ta hu ka nde hataholi sala tak ndia fa. Boeo ta hu ka nde hataholi fo ana doidoso hu ka nde salak ndia fa. Au sulak susulak ia fo ela nai Manetualain matan, emi mame'da aom, emi taoafik neu ami ba'una seli.

KOLOSE 1:24

Besak ia, au nau doi doso soaneu emi paluu ma. Au nau au ao paa nga doi doso nanahu au nau tao atetu Kristus doi doso na soaneu salani nala, fo Kristu sao na nde, salanik sila la.

1 TESALONIKA 1:5

Nana ami tui-benga Hala Malole neu emi, ta ninik ka'da hala-kokolak mesa kana fa, te ninik koasa, ma Manetualain Dula Dale na. Ma ami mamahele te'e-te'e neu Hala Malole ndia ndo na. Emi bubuluk, tao leo beek de, ami maso'da soaneu emi paluu ma, nai lelek fo ami bei makabubua mo emi a.

2 TIMOTIUS 2:10

Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.