2 KORINTUS 5:12 - Susula Malalaok Hehelu Palak Ma Hehelu Beuk

¹² Ami kokolak mae leondia, tehu ami ta moke emi koa-kio ami. Ka'da ami nau fe emi ne'ek malole esa soaneu mamatutua-mamadedema neu ami, fo ela emi bubuluk, tao leo beek fo emi muse mataa hataholi fo ana mete ka'da hataholi a mata aon, te ana ta mete ha'da-paliin fa.

2 KORINTUS 5:12 ပူးပေါင်းရင်းမြစ်များ

AMSAL 27:2

Boso koa-kio o aoinam-ma mesak-kana; nemen-na, fo hataholi fe'ek nde koa-kio o, nakalenak hataholi fo, o ta malelak-ka fa.

2 KORINTUS 10:12

Tao leo beeo, ami ta mapalani makasasamak do ami tao ami aoina ma, dedenak esa no hataholi fo lafa'da lae sila hataholi matua-madema la fa. Hataholi sila la, nggoa na seli! Ala tao aon ai uukuk fo ala uku seluk aoina nala.

2 KORINTUS 10:18

Nana hataholi nanakoa-kio ka nde bee na hataholi fo Lamatua ka koa-kion, te ta nde hataholi fo ana koa-kio seluk aoina na fa.

2 KORINTUS 10:7

Ela leo bee na emi mame'da ha'da-tatao ka ndo na nde bee. Metema hataholi esa namahele Kristus nuun ka'da ndia mesa kana soona, ela leo bee na ana dodoo nasafalin ma ana name'da nae ami boeo Kristus nuun sama na leondia boe.

2 KORINTUS 10:8

Au ta bii-mae metema au muse amatutua-amadedema lena ba'u ka neu koasa fo Lamatua ka fe basan neu ami a, nana koasa ndia nanafek soaneu mafofo'a emi, te ta soaneu tao nakalulutuk fa.

2 KORINTUS 12:11

Tete'e ka, au tao nono'ka bai sama leo hataholi nggoak so – tehu emi nde tao ma au da'di tao leondiak. Tunga ndo na, emi nde muse koa-kio au. Nana leomae au ta soa-ndaa hata esa boen, te au ta kala makandondook la'eneu hataholi nadedenuk fo nananita-nalelak sila la fa!

2 KORINTUS 3:1

Ade meten soona, nono'ka bai de ami koa-kio seluk ami aoina ma do? Do bole da'di ami paluu susula kokoa-kikiok soaneu emi, do neme emi mai, sama leo hataholi fe'e kala paluu ka do?

2 KORINTUS 6:4

Nasafali na, nai basa hata lala'ena dalek, ami matu'du mae, ami nde bee na Manetualain ata nala. Nana basa toto'a-tataa mata-mata kala, ami la'ola'di basan no ta haelai mamanasa fa:

FILIPI 1:26

Hu ndia de, metema au fali seluk leo emi ne'i te, emi fo mana da'di esa moo Kristus Yesus a, neukose hapu ne'ek ba'u ka seluk fo emi dale ma namatua soaneu au tatao-nono'ing.