2 KORINTUS 5:11 - Susula Malalaok Hehelu Palak Ma Hehelu Beuk

¹¹ Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

2 KORINTUS 5:11 ပူးပေါင်းရင်းမြစ်များ

KEJADIAN 35:5

Nai lelek Yakob no teidale-bobongin-nala la'o boema, Manetualain fe bibii-namata'uk-ka poti na laun manai kota-kota boboa-kaisun-nala, nalosa ala ta usi tunga Yakob no hataholin-nala fa.

AYUB 18:11

Bibii-namata'u matuaina, neme mamanak lala'en-na mai, de ana tao nanggengek hataholi mangalauk-ka; bibii-namata'uk-ka tungan, neme nggani eik leo nggani eik neu.

AYUB 31:23

Neukose, au ta tao leondiak fa, nana Manetualain huhukun-na, taon-na au bii-amata'u anseli.

AYUB 6:4

Manetualain, Fo Manakoasa, kokou isin-na tola au aopang-nga; de lason-na, nananama leo basa au aopaa-samaneng lala'en-na neu. Manetualain koasa matuainan-na, neni bibii-namata'uk nanseli, de nono'kabai, musu nook-ka solda'dun-nala sapu-la au.

MAZMUR 73:19

Ala lakalulutuk, nai hatematak esa dalen-na, sila so'da mate'en-na, neni bibii-namata'u matuaina.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

MAZMUR 90:11

See kande nalelak O nasa-melu matuainam-ma, ma name'da te'e-te'e no, O nasa-melum-ma, nenenin-na?

YESAYA 19:16

Neukose fain-na losa, leoina Masir-ra, ana da'di sama leo ina manabii-mamata'uk. Ala dele ma nggenge, metema lita Manetualain Fo Manakoasa, Ana so'uk liman-na, fo hukus.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

LUKAS 16:31

Tehu Abraham nae, ‘Metema ala ta taoafik neu Musa ma nabi la paleta na fa soona, tao leo bee o neukose ala ta lamahele boen, leomae hapu hataholi manamatek naso'da falik fo nafa'das boe.’ ”

HATAHOLI 13:43

Hataholi sila la kalua leme uma mamasok dale mai boema, hataholi Yahudi la lo leoina fe'ek fo mana masok agama Yahudi a ala tunga Paulus no Barnabas. Boema Lamatua ka hataholi nadedenun kaduak sila la lanoli-lafa'das, fo daenga lamahena lakandoo neu ka'da Manetualain susue-lalain.

HATAHOLI 18:13

Ala kalaak Paulus lae, “Hataholi ia, ana dudungu-papau hataholi makadotok, fo daenga lamahele Manetualain, ninik eno-dalak fo ta nandaa no Musa hoholo-lalanen fa!”

HATAHOLI 18:4

Tehu tunga-tunga fai Saba ta soona, Paulus neu kola-kola nai uma mamasok dale, de nalosa nau hataholi Yahudi do hataholi Yunani boeo lamahele Yesus.

HATAHOLI 19:26

Besak ia, tolanoo kala mita ma mamanene matam, hata fo touk mana'de Paulus ndia, tao-no'in so. Ana kokolak nae, nitu lalais fo hataholi daebafa ka doki-dula kala, nitu lalais ta sila makandondook fa. Ma ana tao na hataholi makadotok lamahele nanoli na, fo ta ka'da nai Efesus ia fa, tehu hihii nae, nai basa nusa Asia lala'ena boe.

HATAHOLI 26:26

Ama Mane Agripa boeo malelak matalolole dede'ak sila la. Hu ndia de, au apalani kokolak dede'ak sila la nai Ama Manek matan no mangale'dok. Au amahele, Ama Manek malelak basa dede'ak sila la so, nana basa sila la ta da'di nai mamana nafunik fa.

HATAHOLI 28:23

Boema basa-basas laketu la faik esa fo latongo seluk. Nai faik ndia, hataholi ba'u ka leu leo Paulus mamana leleo na neu. Neme fafain ndia losa le'donoso, Paulus nafa'da mangalele'dos ma ana tui-benga fes, halak la'eneu tao leo beek fo Manetualain paleta leo Mane ka. Paulus pake Musa ma Nabi la susula na lalane nala fo ana sanga enok, fo daenga lamahele Yesus.

2 KORINTUS 2:17

Ami ta sama leo hataholi makadotok, fo ala tao halak maneme Manetualain mai a, sama leo bua dangan. Ami dale tutu'u ma nde bee na neuisik, nana Manetualain nde ami. Ma Manetualain mesa kana nde nita ami manduku-malosak halak ndia da'dileo Kristus ata nala.

2 KORINTUS 5:20

Da'di ami ia nde bee na, Kristus hataholi nadedenun. Manetualain nanduku-nalosak hala hehelu na, tunga ami. No Kristus na'de na, ami dokodoe manseli neu emi, fo sipo ma Manetualain dale susue na, fo nini fe emi malole falik mon.

2 KORINTUS 6:1

Hu ka nde ami maue-male'di sama-sama mo Manetualain de ami dokodoe manseli fo emi boso makamiminak Manetualain dale malolen ndia.

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

EFESUS 5:21

Soaneu fe ha'da-holomata neu Kristus de, ela leo bee na, emi esa nakatele neu esa.

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!

IBRANI 12:29

Nana ita Manetualain ndia, sama leo ha'i fo manahotu naputu ka.

YUDAS 1:23

Tulu-fali hataholi fe'e kala fo daenga laso'da, nono'ka bai de, emi hela henis leme ha'i pilak dale mai. Tulu-fali hataholi fe'ek, tehu manea matalolole, fo daenga emi boso tunga hataholi sila la, sala-singon. Soaneu hataholi fe'e kala, ela leo bee na emi sue-lais no bibii-namatua'uk, tehu mamanasas, nakalenak bua papake nala, hu ka nde sala-singo nala.

NINITAK 20:15

Hataholi fo na'de na ta nanasulak nai Susula Hataholi Maso'da ka dalek, nanatapak leo tasi ha'ik dale neu.