2 KORINTUS 5:10 - Susula Malalaok Hehelu Palak Ma Hehelu Beuk

¹⁰ Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

2 KORINTUS 5:10 ပူးပေါင်းရင်းမြစ်များ

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

1RAJA-RAJA 8:32

ou Amak, ela leo been-na O mamanenen nai nusa so'dak-ka, ma maketu O atam ia la dede'a na. Huku manamasala ka nandaa no tatao-nono'in, ma po'i sala taa ka.

1RAJA-RAJA 8:39

sa'di leo been-na, O nai O mamana leleom manai nusa so'dak-ka mamanene boema fe do'o do ampon ma tulu-falis. Ka'da O mesam-ma nde bubuluk hataholi daebafak-ka dale bobongo anan-na. Hu ndia de, tao hataholi esa-esak nandaa no tatao-nono'i nala,

AYUB 34:11

Ana balas hataholi daebafak-ka, nandaa no tatao-nono'in ma Ana taon nandaa no ha'da-paliin.

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

MAZMUR 98:9

Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

PENGKHOTBAH 12:14

Neukose Manetualain naketu-nala'di la'iesak ita tatao-nono'in; malole ma mangalauk, nakalenak nananafunik-kala boe.

YESKIAL 18:30

Manetualain Fo Mademaina, nafa'da nae, “Hai hataholi Israel-la lemin! Neukose Au aketu-ala'di hataholi lala'en-na, nandaa no tatao-nono'in-nala. Tukatei-saledale meme emi sala-singom mai. Boso po'ilotak emi sala-singom, tao nakalulutuk emi aoinam-ma

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

HATAHOLI 10:42

Boema nadenu ami tui-benga Hala Malole ndia neu hataholi la, ma ami fe sakasii mae, Ndia nde Manetualain so'un da'di Mana Maketu-Mala'di neu hataholi maso'da kala, ma hataholi mana mate basa kala.

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

ROMA 2:16

Mahani te neu faik fo Manetualain naketu basa ka te, neukose ana da'di tao leondiak, nai faik ndia, tunga Hala Malole fo au tui-benga ka, neukose Manetualain naketu-nala'di basa hata nananafunik nai hataholi a dalen dale ma dudu'a-aafi na dalek, tunga Yesus Kristus.

ROMA 6:19

Hu ka nde emi malela ma beita dai fa de, au pake dede'a ata ndia, fo ana da'di natutu'duk esa soaneu emi, fo sue kande emi malelak sosoa-ndandaan lai-lai. Makahulu na tatao-nono'i manggenggeok ma tatao-nono'i mangalau kala, ala tao emi da'di ata soaneu tao tatao-nono'i mangalau kala. Leondiak boe besak ia, ela leo been-na emi fe la'iesak emi so'da ma neu Manetualain fo da'di ata soaneu tunga hihii-nanaun.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

2 KORINTUS 7:3

Au afa'da ae leondia, tehu ta soaneu au fe salak neu emi fa. Nana sama leo au afa'da basan nai makahulu na ae, ami sue-lai emi ba'una seli, boema ita nde bee na tia-laik losa mate.

EFESUS 6:8

Mafandendelek te, hataholi a esa-esak, nau ata do hataholi ao loak ndia boeo, neukose ana sipo babala na neme Lamatua ka mai, soaneu tatao-nono'i malole fo ana tao-no'i nana.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

1 PETRUS 4:5

Tehu neukose, sila muse fe natataak neu Manetualain fo, nahehele aon basa, soaneu naketu-nala'di hataholi maso'dak ma mana mate kala so.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

NINITAK 22:12

Yesus nae, “Taoafik neu dede'ak ia leona! Ta doo ka so'on te neukose Au mai uni ngga'di soaneu bae hataholi a esa-esak tunga hata fo ana tao-no'i nana.

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”

SEMUEL SUSULAK-KA ESAN-NA 2:3

Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.