2 KORINTUS 5:1 - Susula Malalaok Hehelu Palak Ma Hehelu Beuk

¹ Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

2 KORINTUS 5:1 ပူးပေါင်းရင်းမြစ်များ

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

AYUB 30:22

O po'ilotak anin-na lepa neni au; O taom-ma au aoinang-nga, nabo'u-so'ek nai ani-sangu dale.

AYUB 4:19

Muda hata no mahahaek fo, ana da'di neme dae ulek-ka mai, mahahaek fo neme afu-a mai, fo bisa ne'e nakalulutuk-kana sama leo andae-a!

MAZMUR 56:9

O leke au leu-laang, fain-nala, ma O bubuluk au luu oeng-nga baba'un-na; ade, O ta hinga-leke fan do?

YESAYA 38:12

Ketu au ani hahaeng-nga, au fai mamateng-nga losa, sama leo manafoo-a, ana ofe heni lalaa teman-na; sama leo temak-ka nanake'di henik, neme tetenuk lain mai; au aedaenga, neukose Manetualain tao nate'e au so'dang-nga.

MARKUS 14:58

“Ami mamanene hataholi ia nafa'da nae, ‘Neukose Au tao atu'u Manetualain Uman fo hataholi daebafa ka nde taon ia, fo basa faik telu soona, neukose Au apadedeik uma fe'ek esa, fo hataholi daebafa ka ta nde tao nana fa.’ ”

HATAHOLI 7:48

Tehu Manetualain Fo Madema Ina ndia, Ana ta nau leo nai uma fo hataholi daebafa ka tao ka fa; Nana nai nabi la susulan dale nanasulak nae leo ia:

1 KORINTUS 3:9

Ami nde bee na hataholi fo sama-sama maue-male'di soaneu Manetualain; ma emi nde bee na, sama leo Manetualain tina-osin. Tolanoo kala nde bee na, sama leo Manetualain uma na boe.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

2 KORINTUS 5:4

Nai lelek fo ita bei leo nai uma manai daebafak ia dale ka, ita honggu'u, nana ita lelepa mabela na. Ta hu ka nde ita nau tatapo'i teme ita ao paa daebafa na mai fa, te hu ka nde ita nau pake ita ao paan maneme nusa so'da ka mai, fo ela ita ao paan fo bisa maten ia, nanatao nasafalik da'di ao paa maso'dak.

KOLOSE 2:11

Hu ka nde emi da'di esa mo Kristus de, emi nanasunat, tehu ta nanasunat ninik sunat fo hataholi daebafa ka tao ka fa, te neme sunat fo Kristus tao ka. Kristus fo manase'i po'i emi neme ha'da-tatao masala-masingo ka koasa na mai.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

IBRANI 11:10

Nana Abraham nahani talu-talu no kota fo Manetualain tutu'un ma nafofo'an ninik fanderen fo matea-mahelek.

IBRANI 9:11

Tehu Kristus mai basa da'dileo Imam Matua Ina neme dede'a-dede'a malole nanatao na kala so. Manetualain Uma Lopon fo nai bee, Ana tao-no'i bela-ba'un da'dileo Imam Matua Ina nde bee na, Uma Lopo fo matua-mademan lena ma matetu-mandaan lena. Hataholi daebafa ka ta nde tao nana fa; sosoa na nae, ta neme daebafak fo nananakadada'dik ia mai fa.

IBRANI 9:24

Nana Kristus ta masok leo Kama Malalaok fo hataholi daebafak nde tao nana, ndia ka'da salaok esa neme Kama Malalao matetu ka mai. Kristus mesa kana nde masok leo nusa so'da ka neu; de besak ia, Ana nasasalematak no Manetualain, hu ka nde ita paluu na.

1 PETRUS 1:4

Ita tamahena, ita hapu baba'e-papalak, fo Manetualain sadia basan soaneu hataholi kamahehele nala, fo nde baba'e-papalak fo Ana pe'dan nai nusa so'da ka, fo ta hapu nalutu fan, do naboo do ana kou-mosa fa.

2 PETRUS 3:11

Hu ka nde basa sila lala'ena, nanatao nakalulutuk ninik enok matak leondia ka, soona emi maso'da tao leo beek bai? Emi muse maso'da no ndoos ma malalaok,

1 YOHANIS 3:14

Ita bubuluk basan, ita kalua teme mamates dale mai de ita lali leo maso'dak dale teu so. Ita bubuluk dede'ak ndia, nana ita sue-lai ita tolano nala. Metema see dale susue-lalain ta soona, hataholi ndia bei nai mamate sa koasan dale.

1 YOHANIS 3:19

No enok ndia, besa ka ita bubuluk, Manetualai nana ndoon ita, de ita dale na tesa-tama nai Manetualain matan.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.