2 KORINTUS 4:8 - Susula Malalaok Hehelu Palak Ma Hehelu Beuk

⁸ Ala usi ami neme basa boboak lala'ena mai, tehu ta lakahapi la ami fa. Ami manggangok, tehu ta losa ketu ami namahehena ma fa.

2 KORINTUS 4:8 ပူးပေါင်းရင်းမြစ်များ

MAZMUR 129:2

“Musu-a fepa-li'u au, neme lelek au muli-solung-nga mai, tehu, ala ta hapu sengi au fa;

MAZMUR 37:33

Tehu Manetualain ta po'ilotak-kana tu'da leo musu-a liman dale neu fa, do nanahukuk, nai lelek dede'an-na nanapalisak.

AMSAL 14:26

Hataholi fo namahele neu Manetualain-na, ana hapu tetu-temak, ma teidalen-nala, neukose ala hapu nasulu-nahapak.

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

HABAKUK 3:17

Leomae ai kaak-ka boan ta ma ai angol-la boan ta, leomae ai saitun-na buna-boan ta, ma gandum-ma nai tina pi'da-nalak leomae mate la'iesak bi'ilopo-la ma bana-manu lalaen-nala louk,

YOHANIS 14:18

Au ta la'oela emi mesa mala leobai ana maa ka fa. Neukose, Au mai akanini emi.

1 KORINTUS 10:13

Emi la'ola'di soso'ba-susu'di kala nde bee na, soso'ba-susu'di mandoo fai sila. Tehu Manetualain ta nafandele heni hala hehelu na fa. Neukose Ana ta po'ilotak emi nanaso'ba-su'dik lena neme emi balakai ma mai fa. Hu ndia de, metema emi matongo mo soso'ba-susu'di ka soona, Ana fe emi enok fo daenga emi makatatakak mahele.

2 KORINTUS 12:10

Da'di au amahoko unik au tapandoe ngala. Au boeo amahoko, metema hu ka nde Kristus de au nakamumulu-nakamamaek, au la'ola'di toto'a-sosotak, nanausi-puuk, ma la'ola'di toto'a-tataak. Nana metema au tapandoe soona, nai lelek ndia nde au balakaik.

2 KORINTUS 6:12

Ami ta mafuni ami dale ma soaneu emi fa, te ka'da emi nde mafuni emi dale ma soaneu ami a.

2 KORINTUS 6:4

Nasafali na, nai basa hata lala'ena dalek, ami matu'du mae, ami nde bee na Manetualain ata nala. Nana basa toto'a-tataa mata-mata kala, ami la'ola'di basan no ta haelai mamanasa fa:

2 KORINTUS 7:5

Lelek ami losa Makedonia boeo, ami ta hapu loak hahae aom makandondook fa. Neme basa boboak lala'ena, ami hapu toto'a-tataak: neme hataholi fe'ek, ami hapu nale'a-napilik, ma name ami dalem dale, ami hapu bibii-namata'uk.

GALATIA 4:20

Au ahiik anseli, besak ia au nai emi tala'da, fo daenga au hapu kokolak o emi, ninik hala fe'ek, nanahu au ta bubuluk tao emi tao leo bee ka so'on!

SEMUEL SUSULAK-KA ESAN-NA 28:15

Basa ndia boema, Semuel nafa'da Saul nae, “Tao le'e de, o taom-ma au daleng-nga ta tesa-tama fa? Tao le'e de, o maloo falik au?” Boema, Saul nataa nae, “Au apangamak anseli, nanahu hataholi Filistin-nala sapu-la au, tehu Manetualain la'oela au so. Ana ta nataa au so'on, nau tunga basa nabi-la, do tunga me'i-afek boe. Hu ndia de, au dokodoe neu Ama, fo ela Ama nafa'da au muse tao beek.”

SEMUEL SUSULAK-KA ESAN-NA 30:6

Dauk solda'dun-nala, susa lanseli, nanahu mopo sila sao-anan-nala. Hu ndia de, ala sanga tapa Dauk nenik batu. Da'di, Dauk nai toto'a-sosota matua dale, tehu Manetualain fo ndia Manetualain-na, natetea-nahehele seluk dalen-na.

SEMUEL SUSULAK-KA ESAN-NA 31:4

Boema, Saul nafa'da ta'eanak manaho'u tafa-sisilon nae, “Fe'a-ma, o tafainam-ma, fo paun neu au, fo ela hataholi fo ta lalelak Manetualain sila-la, boso tao lakamiminak au, fo taolisa au.” Tehu ta'eanak ndia, ta nau pau fan, nanahu ana sue-na Saul ba'un-na seli. Hu ndia de, Saul ho'in-na tafainan-na, de ana bala aoinan-na neu tafaina ndia, tanen lain.