2 KORINTUS 4:7 - Susula Malalaok Hehelu Palak Ma Hehelu Beuk

⁷ Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

2 KORINTUS 4:7 ပူးပေါင်းရင်းမြစ်များ

AYUB 10:9

Mafandendelek te, O makadada'dik au neme dae ulek-ka mai! Masa bole, O taom-ma au, da'di dae sopok seluk?

AYUB 33:6

Ba'eneu Manetualain soona, o ma au sama, Ana tao ita neme dae-a mai.

AYUB 4:19

Muda hata no mahahaek fo, ana da'di neme dae ulek-ka mai, mahahaek fo neme afu-a mai, fo bisa ne'e nakalulutuk-kana sama leo andae-a!

RATAPAN 4:2

Makahulun-na kota Sion-na ta'eana-anafe'oanan-nala sama leo lilopilas kabelik, tehu besak ia, ala taon sama leo uledae mesan.

MATEOS 13:44

“Metema Manetualain paleta soona, heheo-hihilun sama leo nakandandaak ia: hapu buas esa, nananatoik nai dae dale. Boema hataholi esa ana kali hapu buas ndia. Tehu nakadofu falik buas ndia leo dae dale neu. Hu ka nde hataholi ndia namahoko nanseli boema ana fali ne'un de nase'o heni basa hata-heton lala'ena, boema ana asa na dae ndia.”

MATEOS 13:52

Boema Yesus nafa'das nae, “Hu ndia de mese agama see, fo ana da'di Manetualain hataholi kamahehelen soona, hataholi ndia sama na leo uma lamatuak esa, fo ana kalua bua beu palan neme petin dale mai.”

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

1 KORINTUS 1:28

Manetualain hele hata fo lafa'da lae, nai daeanak, nananakamumulu-nakamamaek, lena-lenak daebafa ka nafa'da nae, sosoa-ndandaan ta, fo ela Manetualain tao nakalulutuk hata fo daebafa ka nafa'da nae, paluu nanseli.

2 KORINTUS 10:10

Hapu hataholi nai emi dalek nafa'da nae, “Paulus susulan sila la balakaik ma maheohak, tehu metema Paulus nai ita tala'daheon soona, ha'da-paliin mangana'uanak ma hala-kokolan sosoa-ndandaan ta!”

2 KORINTUS 13:4

Memak nai lelek ala lona-nggange nana, Ana male-tale, tehu basa boema naso'da hu ka nde Manetualain koasa na. Ami boeo male-tale nai ami maso'dam fo da'di esa mo Kristu sa dalek, tehu metema ami masasale matak mo emi soona, ami boeo balakaik sama-sama mo Kristus, hu ka nde Manetualain koasa na.

2 KORINTUS 4:1

Ami ho'u ue-le'dis ia nanahu Manetualain dale malole na. Hu ndia de ta ketu ami namahehena ma fa.

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

2 KORINTUS 6:10

Leomae ami dale ma nananakahehe'dik, tehu ami mamahoko tataas esa boe. Ami nananitak hataholi nuu ta-hata tak, tehu ami tao ma hataholi ba'u ka lamasu'i so. Ami nananitak ta manuu hata esa boen, tehu tunga ndo na ami manuu basa-basan lala'ena.

EFESUS 2:5

nalosa leomae ita tututi-nanaton no Manetualain Dula Dale na, nono'ka bai de ketun, hu ka nde ita la'o lena nala. Ana tao naso'da falik ita sama-sama to Kristus. Da'di, ka'da no Manetualain dale malole na de, Ana soi-tefa nala emi.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

KOLOSE 2:12

Nanahu nai lelek fo ala salani emi a, emi nananatoik sama-sama mo Kristus; boema no salanik ndia boe de, emi nanatao naso'da falik sama-sama mo Kristus, nanahu emi mamahele Manetualain koasan fo manatao naso'da falik Kristus neme mamate sa mai a.

KOLOSE 2:3

Kristus nde soi nabe'i Manetualain manatee tenon ma malelan lala'ena, fo makahulu na, nananafunik ndia.

1 TESALONIKA 1:5

Nana ami tui-benga Hala Malole neu emi, ta ninik ka'da hala-kokolak mesa kana fa, te ninik koasa, ma Manetualain Dula Dale na. Ma ami mamahele te'e-te'e neu Hala Malole ndia ndo na. Emi bubuluk, tao leo beek de, ami maso'da soaneu emi paluu ma, nai lelek fo ami bei makabubua mo emi a.

1 TESALONIKA 4:4

Tou kala esa-esak, muse bubuluk, naso'da tao leo beek no saoina na, fo ana tao namahoko Manetualain dale na, ma hataholi daebafa ka dale na boe.

2 TIMOTIUS 2:20

Nai uma matu ina esa dalek, hapu bua lo'a uma lo mata-mata kala. Ala tao buas sila la nggelok leme lilo fulak do lilo pilas a mai, tehu nggelok soona, ala taos leme ai, do dae a mai. Buas sila la nggelok soona, fai malole de'i fo ala pakes, boema nggelok soona, ala pakes mandoo fai a.

HAKIM-HAKIM 7:2

Boema, Manetualain nafa'da Gideon nae, “O solda'dum-mala makadotok nanseli. De Au ta nau fes ala sengi hataholi Midian-nala fa, nana mahani te, neukose ala dodoo lae, sila sengi nanahu sila be'i-balakain mesan-nala, nalosa ala ta koa-kio Au fa.