2 KORINTUS 4:16 - Susula Malalaok Hehelu Palak Ma Hehelu Beuk

¹⁶ Hu ndia de, ta ketu ami namahehena ma fa. Leomae tunga ao paa ka soona, boetai nakalulutuk, tehu tunga samane ka soona, ami nanatao nabebeuk tunga faik.

2 KORINTUS 4:16 ပူးပေါင်းရင်းမြစ်များ

MAZMUR 119:81

Au daleng-nga nahiik nanseli, neu so'da-molek fo manamaik neme O mai; au amahena O hehelum-ma.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 51:10

Nemen-na fo, au amanene halak namahokok-ka, fo ela au daleng fo O tao makalulutuk-kana ia, ana eeki-natadale seluk.

MAZMUR 73:26

Leomae au aopaa-samaneng male-tale, tehu O nde, au be'i-balakaing, ou Manetualain; O nde, basa hata lala'en, fo au anuun losa dodoon-na.

YESAYA 40:29

Ana fe hataholi manasota-manguk-kala be'i-balakaik, Ana fe manggatek neu, manandole-ndakuk-kala.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

YEREMIA 45:3

o masasale dale tao leo bee ia, ‘Ah, te'e-te'e au ia ua-naleng ta! Au dudu'a-aafin-na ma kale'o ba'uk-ka nanseli, te Manetualain tama seluk-kana nenik toto'a-tataak bai. Au sota no hoonggu'uk-ka, Au daleng-nga ta tesa-tama fa!’

LUKAS 11:3

Fe ami tunga faik nana'a-nininuk fo ami paluu ka,

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ROMA 7:22

Au dale nga nahiik Manetualain hoholo-lalanen,

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

2 KORINTUS 12:15

Hu ndia de no dale namahokok, au ahiik tunu-hotu basa hata lala'ena soaneu emi, leomae au aoina nga mesa kana boe. Metema au sue-lai emi leondiak soona, ade nandaa emi ta sue-lai fa do?

2 KORINTUS 4:1

Ami ho'u ue-le'dis ia nanahu Manetualain dale malole na. Hu ndia de ta ketu ami namahehena ma fa.

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

EFESUS 4:23

Ela leo bee na, tao mabebeu emi dale ma no emi dudu'a-aafim lala'e na.

KOLOSE 3:10

Besak ia, emi hapu so'da beu ka de, emi da'di hataholi beuk so. Mana makadada'dik emi a, fo Manetualain, Ana tao nabebeu emi nakandoo, tunga Ndia mata aon. Dede'ak ia tetee-tutu'dan nae, fo ela emi malelak Manetualain no matetu-mandaak.

TITUS 3:5

Ana soi tefa nala ita nana ta hu ka nde ita tatao-nono'i malole na fa, te hu ka nde Ana sue-lai ita. Ana soi-tefa na ita tunga Manetualain Dula Dale na koasa na, nalosa ita nanasafek ma nanabongi nasafalik soaneu mulai so'da matetu ka ma mana ketu basa ta ka.

1 PETRUS 3:4

Tehu ela leo bee na emi malole-manapu nai emi dalem dale, fo nde ha'da-palii malole-mangana'u ka, ma nenee-lino lino ka; ndia nde lole-napu matea-mahelek ma kabelik tunga Manetualain mata memete na.

1 PETRUS 4:14

Emi maua-manale, metema emi nananakamumulu-nakamamaek, nanahu Kristu sana mana tungan emi. Dede'ak ndia sosoa na nae, Dula Dale mamalaok fo nde Manetualain Dula dale na, nai emi dalem dale.