2 KORINTUS 3:8 - Susula Malalaok Hehelu Palak Ma Hehelu Beuk

⁸ tao leo bee o, hehelu-balataak nanataok ma nanafek neme Manetualain Dula Dale na, nanapaku nisak ninik mandela-masa'ak lena seluk bai.

2 KORINTUS 3:8 ပူးပေါင်းရင်းမြစ်များ

YESAYA 11:2

Neukose Manetualain koasan-na hela-nolen, fo Ana taon da'di hataholi dale malole, ma manatee-tenok, malelaina nai ho'i nakeketuk-ka dalek, fo nakalala'ok-kana; nalelak Manetualain hihii-nanaun, ma namahele neun.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

YOHANIS 7:39

Yesus kokolak la'eneu see namahelen soona, neukose ana sipo Manetualain Dula Dale na. Nanahu lelek ndia, Manetualain beita fe Dula Dale na mai fa. Hu ka nde Yesus beita nananamatutua-namadedemak ninik mamate na fa.)

1 KORINTUS 3:16

Ade tolanoo ka bubuluk mae, emi ia Manetualain uman do ta? Ma Manetualain Dula Dale na, ana leo nai emi dalek do ta?

2 KORINTUS 11:4

Nana meten soona, ka'da emi mamahoko sipo hataholi mai fo nanoli emi Yesus fe'ek, te ta Yesus fo ami tui-bengan neu emi ndia fa. Ma emi boeo nau sipo dula dalek ma hala malole fo fe'ek nanseli no Manetualain Dula Dale na, ma Hala Malole fo emi sipo hain neme ami so.

2 KORINTUS 3:17

Naa, Manetualain nde bee na Dula Dalek. Ma nai bee Manetualain Dula Dale na nai ndia soona, nai ndia boeo hapu ao loa ka.

2 KORINTUS 3:6

Ndia nde tao na ami mapalani da'di malalau-maoono soaneu hehelu beuk esa, fo nde Heheluk fo namahena neu Manetualain Dula Dale na, ta neu hoholo-lalane nanasula ka fa. Nana nanasulak ndia nini mamates, tehu Manetualain Dula Dalen ndia ana fe maso'dak.

2 KORINTUS 3:7

Nai lelek hehelu-balataak fo manini mamates ndia nanataok ma nanadoki-dulak neu batu a, Manetualain ndela-sa'an nandela-nasa'a neu Musa mata panan. Sa'a na nandela-nasa'a leondiak, nalosa leoina Israe la ta labe'i lakanae Musa mata panan, leomae sa'ak manai mata panan ndia ana mulai keluha'bu nai lelek ndia. Naa, metema hehelu-balataak fo nanataok, fo manini mamates ndia nanapaku nisak ninik Manetualain ndela-sa'an fo mandela-masa'ak matuaina leondia ka,

2 KORINTUS 3:9

Metema hehelu-balataak fo manahuku hataholi daebafak ndia, mandela-masa'an leondiak soona, tao leo bee o hehelu-balataak fo manatao na hataholi daebafa ka malole falik no Manetualai na, mandela-masa'an lena seluk bai.

GALATIA 3:14

Kristus tao leondiak, fo ela baba'e-papalak fo Ana helu fen neu Abraham ma, Ana fen neu hataholi ta Yahudi la boe. No enok ndia, ita fo tamahele neu Manetualai na, hapu sipo Dula Dalek fo Manetualain heluk ndia boe.

GALATIA 5:5

Tehu ba'eneu ami soona, ami mamahena neu Manetualain Dula Dale na tutulu-fafalin, tunga ami namahehelem neu Kristu sa, de Manetualain soi fe ami enok, soaneu ami malole moon.

EFESUS 2:18

Hu ka nde Kristus da'di lelete de, ita basa-basa – tala nau hataholi Yahudi do hataholi ta Yahudi – boe hu ka nde Manetualain Dula dalen fo kisak ndia de, ita hapu deka to Ama ka.

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.