2 KORINTUS 12:20 - Susula Malalaok Hehelu Palak Ma Hehelu Beuk

²⁰ Au bibii ka'da mahani te nai lelek au ne'i donge-dama emi te, au hapu a emi ta sama leo hata fo au amahena ka, ma emi boeo hapu ma au ta sama leo hata fo mamahena ka. Boso nalosak neukose hapu nggelok lahote, lape'da dalek, dale nala lamahana beloo, paluu ka'da aoina na mesa kana, esa nakamumulu-nakamamaek esa, esa dudungu-papau esa, koao-ndaeaok, ma tao tasibu.

2 KORINTUS 12:20 ပူးပေါင်းရင်းမြစ်များ

MAZMUR 41:7

Hataholi manadonge-dama au-a, dalen-nala ta ndoos fa. Ala kokolak dede'a ta malole la'eneu au, boema ala tui-bengan su'di leo bee neu.

AMSAL 16:28

Hataholi fo ana ta tao tunga ndoon-na, neni nale'a-napilik; manatao nanggenggeo hataholi na'den-na, neni nasi'da-naba'ek ba'eneu tia-lai malole-a.

ROMA 1:29

Basa tatao-nono'i mangalauk, ma sala-singok lala'ena, henu dale nala; dale nala henuk no tenepeta ka, kaboo-kabali ka, ma nakamu-nakadau ka; kanisa ka, natutu-nafepa ka, tipu-dai ka, ma nape'da dale ka. Ala hii ka'da kokolak hataholi,

ROMA 1:30

ala hii ka'da tao langgenggeo hataholi na'den; ala koao-ndaeao, ma malela ha'da ta kala, lakamu-lakadau Manetualain, ala kokolak ka'da dede'a-kokola sosoa-ndandaa ta kala. Ala sanga lalelak eno beuk, fo ala tao tatao-nono'i mangalauk. Ala hii ka'da la'ban ina-amak;

ROMA 2:8

Tehu hataholi fo ana paluu ka'da aoina na mesa kana, ma ana ta nau tunga Manetualain fa te ana tunga ka'da hata mangalau ka soona, Manetualain namanasa mangalalau hataholi sila la.

1 KORINTUS 1:11

Nana Kloe uma isi nala lafa'da au lae, hapu nale'a-napili ka nai emi dalek.

1 KORINTUS 14:33

Hu ka nde ita Manetualain nde bee na, Manetualain fo Ana hii ka'da mole-dame, te Ana ta hii tasi'bu a fa. Sama leo ana da'di nai basa Manetualain hataholi kamahehele nala,

1 KORINTUS 5:2

Leomae leondiak boe, emi bei koao-ndaeao bai. Tunga ndo na, emi dale ma muse he'di sa, fo kaluaheni hataholi manatao tatao-nono'ik leondia ka neme emi dalek mai.

2 KORINTUS 1:23

Manetualain sakasii au, nana Ana bubuluk au dale nga, au ta da'di u leo Korintus u fa nana, au ta nau tao akahehe'dik emi dale ma fa.

2 KORINTUS 10:2

de au dokodoe anseli, fo boso nalosak emi tao ma au, no nakasetik au tao balakaik neu emi, metema mahani te au ne'i. Nana au dodoo soaneu tao balakaik neu hataholi fo lafa'da lae, ami maue-male'di no dudu'a daebafak.

2 KORINTUS 10:6

Ma metema emi tunga basa no dale katematuak soona, ami maheheleaom soaneu huku basa hataholi fo manatunga ta kala.

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

2 KORINTUS 13:2

Hataholi lelek maneuk eli la, ala tao basa sala-singok ma basa hataholi fe'e kala boeo au fe basa balataak nakahuluk ndek lelek au donge-dama emi nai kala'i dua na. Besak ia lelek au bei doo ka o emi, au fe emi nasanene'da seluk ae, metema au ne'i seluk soona, ta hapu hataholi esa boen neme sila mai a, neukse latapo'i neme huhuku ka mai fa.

2 KORINTUS 2:1

Hu ndia de, au ho'i basa nakeketuk fo au ta ne'i seluk leo emi no donge-damak fo ka'da tao na emi dale he'di.

GALATIA 5:15

Tehu metema emi makisu-makaa aok soona, masanene'dak te, neukose emi makalulutuk no'u-no'u.

GALATIA 5:26

Ita ta bole da'di hataholi mana koao-ndaeaok, ma ta bole esa tao nakahehe'dik esa dale na, boema ta bole esa nape'da dalek no esa fa.

YAKOBIS 4:11

Tolano-tolanoo ngala lemin! Esa boso nakamuu-nakadau esa, ma esa boso fe salak neu esa boen. Hataholi fo nakamuu-nakadau, do ana fe salak neu tolanoon fo duas sama-sama hataholi kamahehelek soona hataholi ndia nakamuu-nakadau ma ana fe salak neu Manetualain hoholo-lalanen nde ndia. Ma metema emi fe salak neu Manetualain hoholo-lalanen soona, ndia sosoa na nae, emi ta tunga hoholo-lalanek sila nde ndia fa te, emi da'di mana maketu-mala'di neu hoholo-lalanek sila la.

1 PETRUS 2:1

Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.