2 KORINTUS 11:31 - Susula Malalaok Hehelu Palak Ma Hehelu Beuk

³¹ Manetualain, fo Lamatuak Yesus Aman, Ana bubuluk nae, au ta pepeko fa. Koa-kio na'de na losa dodoo na.

2 KORINTUS 11:31 ပူးပေါင်းရင်းမြစ်များ

NEHEMIA 9:5

Hataholi Lewi-la nde mulai nakaluku-nakatelek ndia. Hataholi Lewi sila-la nde: Yesua, Kadmiel, Bani, Hasabneya, Serebya, Hodia, Sebanya ma Petahya. Lafa'da lae, “Fo'a mapadeik fo koa-kio Manetualain fo ita Manetualain-na! Fe kokoa-kikiok neun losa dodon-na neu! Koa-kio na'den fo henuk no mandela-masa'ak, na'dek fo maneni-mafa'dak, lena heni basa koa-kiok lala'en-na!”

MAZMUR 41:13

O tulu-fali au, nanahu au daleng-nga ndoos, ma ana tao-na au aso'da sama-sama o O, losa dodo-na.

YOHANIS 10:30

Au ma Ama ka nde bee na, esa.”

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

ROMA 1:25

Ala nggati Manetualain fo ndoos ndia, ninik ai batu nanadoli-dulak. Ala ta sene-do'ok neu mana makadada'dik daebafa ka fa, te ala sene-do'ok ma lalalau-laoono hata manasapu lalo kala. Te se'ko na tunga ndo na soona, muse koa-kio mana makadada'dik ndia losa dodoo na! Amin.

ROMA 1:9

Metema au hule-haladoi soona, au afandele emi tataas esa. Manetualain nde sakasii au hala-kokolang ia la memak tete'e ka. Manetualain ndia nde, au alalau-aoonon no dale katematuak, ninik au tui-benga Hala Malole ndia la'eneu Ana na.

ROMA 15:6

No teikesa-dalekesa, tolanoo kala basa-basa mala koa-kio Manetualain fo ita Lamatuan Yesus Kristus Aman.

ROMA 9:1

Hata fo au afa'dak ia la tete'e ka, nanahu au ia, Kristus nuun. Au ta pepeko fa. Manetualain Dula Dale na hehela-nonolen de, natetea au dale bobongoana nga nae, au dede'ang ia tete'e ka.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

2 KORINTUS 1:23

Manetualain sakasii au, nana Ana bubuluk au dale nga, au ta da'di u leo Korintus u fa nana, au ta nau tao akahehe'dik emi dale ma fa.

2 KORINTUS 1:3

Koa-kio Manetualain fo ita Lamatuan Yesus Kristus Aman. Ndia Amak fo dale na malole nanseli, ma Ndia Manetualain basa oe mata manakokoe-nanasik lala'ena.

2 KORINTUS 11:11

Tao le'e de au afa'da ae leondia? Ade hu ka nde au ta sue-lai emi fa do? Manetualain bubuluk au sue-lai emi!

GALATIA 1:20

Hata fo au sulak ia, memak tete'e ka. Manetualain bubuluk basa, au ta asapepeko fa!

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

EFESUS 3:14

Hu ka nde ndia de, au senek nai Ama ka matan.

KOLOSE 1:3

Ami mamanene hataholi la lafa'da lae, emi mamahele Kristus Yesus ma emi sue-lai Manetualain hataholi nala boe. Hu ndia de, nai lelek fo ami hule-haladoi fe emi soona, ami moke makasi tataas esa neu Manetualain, fo ita Lamatuan Yesus Kristus Aman.

1 TESALONIKA 2:5

Emi boeo bubuluk, beita la'iesa fo ami fufu'di-oo'dok emi ninik dede'a-kokolak makee-mamina fo sue ka nde ami hapu doik neme emi mai. Manetualain nde da'di sakasii a! Nana amai ta mape'da dudu'a-aafi leondiak makandondook fa.

1 TIMOTIUS 1:11

Nanolik sila la, hapus nai au tui-benga Hala Malole a dalek, fo nde Manetualain fo matua-madema, ma nanakoa-kiok ndia, Hala Malole na.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.