2 KORINTUS 11:20 - Susula Malalaok Hehelu Palak Ma Hehelu Beuk

²⁰ Emi makahei-makaheik mesan, metema hataholi tao emi da'di ata, do ana eese-lulumu emi ma ana ho'i nanalak neme emi mai, do name'da aoina na dema lena emi, ma napalani fapa emi!

2 KORINTUS 11:20 ပူးပေါင်းရင်းမြစ်များ

YESAYA 50:6

Au fe au muliha'ing-nga, neu hataholi manafepa au-a; ma au nasebu'ung-nga neu, hataholi manafe'a au nggolomeing-nga. Au ta afuni au mata-panang nai lelek au nananakadadaek, ma nanamu'di ape.

RATAPAN 3:30

Leomae nanafapak ma nananakadadaek, ela leo been-na, ata sipok basa sila-la.

MARKUS 12:40

Ala tipu-dai inafalu la, ma ala loso la uma nala. Ma soaneu lafunilisa sila tatao-nono'i mangalaun ndia de, ala hule-haladoi soona, nalu naseli. Hu ndia de, huhuku nala neukose bela ka!”

LUKAS 6:29

Metema hataholi fapan neu emi nasebu'um esa soona, nemena fo ana fapa emi nasebu'um seli a boe. Metema ala loso la emi ba'du manalu ma soona, fe emi ba'du ma neu boe.

1 KORINTUS 4:11

Losa hatematak ia, ami la'ola'di la'a-ndoe sa ma ami maa ma'da; ami bua-lo'am ela ka'da manai ami ao ma; hataholi fepa-li'u ami; ami mamana mate'e-mahanim ta;

2 KORINTUS 1:24

Au ta laka-akaseti emi la'eneu hata fo emi muse mamahelen, nana emi mamahele manseli neu Kristus so. Ka'da au tao-no'i neu esa o emi, fo ela emi boetai maua-manale.

2 KORINTUS 10:5

ma tao makalulutuk kota musu koao-ndaeaok fo lafofo'a soaneu la'ban malelak la'eneu Manetualai na. Ami tahan hataholi la dudu'a-aafin, ma ami tao malas lakatele leu Kristus.

2 KORINTUS 11:3

Tehu au bibii ka'da, emi dudu'a-aafim nanadudungu-papauk soaneu ta lilineka seluk neu Kristus sama na leo Hawa, fo makahulu na boeo nanadudungu-papauk neme menge a malela talimo'di na mai.

2 KORINTUS 12:16

Naa, emi makaheik mae, au beita tao susa hai emi fa. Leomae leondiak boe, hapu nggelok lafa'da lae, au ia manaputa-paik. Lae au hapu nanalak neme emi mai, nanahu au tipu-dai nga.

GALATIA 2:4

leomae hapu hataholi lakasetin fo ana tunga nakanenetek sila la. Hataholi sila la nde bee na, nde hataholi fo ala solodo'dok leo ita partei na dalek leu fo ala masok no nafufunik, da'dileo tolanoo ka. Ala masok no denge-dengek nana, ala sanga palisak matalolole ita so'dan fo nanase'i po'ik hu ka nde, ita da'di esa to Kristus Yesus. Ala nau lo falik ita leo ha'da-tatao makahulu ka neu, fo da'di ata,

GALATIA 4:25

Da'di, Hagar nde Lete Sinai, fo nai nusa Ara ba. Ana da'di salaok neme kota Yerusalem ma no basa lau nala lala'e na, besak ia, ala da'di ata so.

GALATIA 4:3

Ita boeo leondiak: Lelek fo ita teu na bei nai dae, dula dalek fo mana koasa daebafak ia la, ala tao ita da'di ata.

GALATIA 4:9

Tehu besak ia, emi malelak Manetualain so, do la'e selu kana bai soona, Manetualain nalelak emi so. Naa, tao le'e de emi nau fali seluk leo dula dale daebafak ia la, fo tapandoes ma nuu taa-hata tak sila meu? Tao le'e de emi nau da'di ata seluk neu dula dalek sila la bai?

GALATIA 5:1

Besak ia, ita ao na loak, nana Kristus se'i po'i ita so! Hu ndia de ho'u mahele emi ao loa ma, fo boso nau da'di ata seluk bai.

GALATIA 5:10

Leomae leondiak boe, au ta amahele, neukose emi manuu dudu'a-aafi fe'ek fa, nana ita da'di esa too Kristus so. Ma au amahele, see mana tao tasibu emi dudu'a-aafi ma, neukose Manetualain ana hukun.

GALATIA 6:12

Hataholi fo namatutua-namadedema ao ina na, ninik dede'a ao paa ka, hataholi sila la nde sanga enok fo lakaseti emi tunga suna ta nakanenete nala. Tehu ala tao leondiak, fo daenga hataholi Yahudi la boso fepa-li'us, hu ka nde Kristu sai nggange na.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

1 TESALONIKA 2:5

Emi boeo bubuluk, beita la'iesa fo ami fufu'di-oo'dok emi ninik dede'a-kokolak makee-mamina fo sue ka nde ami hapu doik neme emi mai. Manetualain nde da'di sakasii a! Nana amai ta mape'da dudu'a-aafi leondiak makandondook fa.