2 KORINTUS 11:18 - Susula Malalaok Hehelu Palak Ma Hehelu Beuk

¹⁸ Memak hapu hataholi ba'u lamatutua-lamadedema dede'a daebafa kala, da'di au nau amatutua-amadedema boe.

2 KORINTUS 11:18 ပူးပေါင်းရင်းမြစ်များ

1 KORINTUS 4:10

Hu ka nde Kristus, de ami dadi hataholi nggoak, ma emi dadi hataholi Salani malelak! Ami tapandoes ma emi balakaik! Lakamuu-lakadau ami, ma ala koa-kio emi!

2 KORINTUS 1:17

Tehu au dudu'a asafali seluk au dale tutu'ung ndia so. Naa, ade ndia natu'du nae, au dale dudu'ang ndia ta matea-mahelek fa do? Lelek fo au aketu au dale tutu'ung ndia, ade au aketun tunga au hihii-nanau mesa nga, nalosa ba'ihanak soona, au ae, “Hei”, ma ba'ihanak seluk bai soona, au ae, “Ta”?

2 KORINTUS 11:12

Hata fo au taon besak ia, neukose au tao-no'i akandoon, fo ela “hataholi nadedenu” fe'e kala ta lanuu ne'ek soaneu lamatutua-lamadedema aoina nala, ma lafa'da lae sila laue-lale'di sama leo ami.

2 KORINTUS 12:1

Memak ta hapu nanalak hata esa boen soaneu namatutua-namadedema ka fa. Tehu au boeo nau amatutua-amadedema dede'ak fo Manetualain natu'dun neu au nai ninitak dale.

2 KORINTUS 12:11

Tete'e ka, au tao nono'ka bai sama leo hataholi nggoak so – tehu emi nde tao ma au da'di tao leondiak. Tunga ndo na, emi nde muse koa-kio au. Nana leomae au ta soa-ndaa hata esa boen, te au ta kala makandondook la'eneu hataholi nadedenuk fo nananita-nalelak sila la fa!

2 KORINTUS 12:9

Tehu Lamatua ka nataa nae, “Au sue-lai o, de ndia dai o so, nana Au koasa nga balakai na lena, metema o nai tapandoe sa dalek.” Da'di au amahoko metema au tapandoe soona, nai lelek ndia nde au ame'da ita Kristus nasulu-nahapa au ninik be'i-balakain.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

1 PETRUS 1:24

Nai Susula Malalaok dale nanasulak nae leo ia, “Basa hataholi daebafa ka lala'ena, sama na leo na'u a, boema lole-napun, sama na leo na'u buna ka. Fo metema na'u a male soona, kono heni buna na;