2 KORINTUS 10:7 - Susula Malalaok Hehelu Palak Ma Hehelu Beuk

⁷ Ela leo bee na emi mame'da ha'da-tatao ka ndo na nde bee. Metema hataholi esa namahele Kristus nuun ka'da ndia mesa kana soona, ela leo bee na ana dodoo nasafalin ma ana name'da nae ami boeo Kristus nuun sama na leondia boe.

2 KORINTUS 10:7 ပူးပေါင်းရင်းမြစ်များ

MATEOS 23:5

Ta'ko ala pake kotak bana louk matua ina fo naisi Susula Malalao ka lalane nala, fo ala paken nai dedei nala ma alu nala boema ala tao lamanalu ba'du manalu nala fifiko na!

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

YOHANIS 7:24

Boso maketu-mala'di hataholi tunga hata fo emi mitan, te maketu-mala'di tunga ka'da matetu na.”

1 KORINTUS 1:12

Fo au dudu'a ka nde lae, nai emi dalek hapu nggelok lafa'da “Au tunga Paulus,” ma nggelok boeo lae, “Au tunga Apolos” ma nggelok lae, “Au tunga Petrus”, ma nggelok seluk bai soona lae, “Au tunga Kristus.”

1 KORINTUS 14:37

Metema hapu hataholi name'da nana ndia nanuu baba'e-babatik soaneu nanduku-nalosak halak maneme Manetualai na mai, do nanuu baba'e-babati fe'ek neme Manetualain Dula Dale na mai soona, hataholi ndia muse name'da nae, hata fo au sulak ia nde bee na paleta neme Lamatua ka mai.

1 KORINTUS 15:23

Tehu neukose esa-esak nanatao naso'da falik tunga ndia baba'e na: makasososa na Kristus; basa boema mahani te nai lelek Ana mai selu ka, hataholi-hataholi fo nanalekek Kristus nuu nala, tunga esa-esak baba'en.

1 KORINTUS 3:23

Ma emi ia Kristus nuun, ma Manetualain nuun Kristus.

1 KORINTUS 9:1

Ade au ta hataholi ao loak fa do? Ade au ta hataholi nadedenuk fa do? Ade au beita ita hai Yesus fo ita Lamatua na fa do? Ade emi ta nde au ue-osang buna-boan soaneu Lamatua ka fa do?

2 KORINTUS 10:1

Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,

2 KORINTUS 11:18

Memak hapu hataholi ba'u lamatutua-lamadedema dede'a daebafa kala, da'di au nau amatutua-amadedema boe.

2 KORINTUS 11:23

Metema sila lamatutua-lamadedema ao nala da'dileo Kristus? Malalau-maoonon soona, au lena seluk bai. Meten soona au samaleo hataholi nggoak nai lelek au afa'da dede'ak ndia. Tehu memak au aue-ale'di sota-mate lena, nasi'a ala tao au leo bui dale neu, la'iba'u ka ala tao la au doidoso ma nasi'a hihii nae mate au.

2 KORINTUS 11:4

Nana meten soona, ka'da emi mamahoko sipo hataholi mai fo nanoli emi Yesus fe'ek, te ta Yesus fo ami tui-bengan neu emi ndia fa. Ma emi boeo nau sipo dula dalek ma hala malole fo fe'ek nanseli no Manetualain Dula Dale na, ma Hala Malole fo emi sipo hain neme ami so.

2 KORINTUS 12:11

Tete'e ka, au tao nono'ka bai sama leo hataholi nggoak so – tehu emi nde tao ma au da'di tao leondiak. Tunga ndo na, emi nde muse koa-kio au. Nana leomae au ta soa-ndaa hata esa boen, te au ta kala makandondook la'eneu hataholi nadedenuk fo nananita-nalelak sila la fa!

2 KORINTUS 13:3

Soona neukose emi hapu basa buti fo emi mahii kana nae, te'e-te'e Kristus kokolak tunga au. Metema Kristus fe napalanik neu emi soona, Ana ta fe napalani manganana'uk fa, te natu'du koasa na.

2 KORINTUS 5:12

Ami kokolak mae leondia, tehu ami ta moke emi koa-kio ami. Ka'da ami nau fe emi ne'ek malole esa soaneu mamatutua-mamadedema neu ami, fo ela emi bubuluk, tao leo beek fo emi muse mataa hataholi fo ana mete ka'da hataholi a mata aon, te ana ta mete ha'da-paliin fa.

GALATIA 3:29

Metema emi manuu Kristus soona, emi nde bee na, Abraham tititi-nonosin. De neukose, emi sipo hata fo Manetualain helu ka.

1 YOHANIS 4:6

Tehu ita soona, Manetualai nanan ita; de see nalelak Manetualain soona, namanene ita hala-kokolan. Boema metema Manetualai nanan ta see fa soona, ana ta nau namanene ita hala-kokolan fa. Metema ita nau talelak Dula Dale ndo sa ma dula dale matofa matala ka soona, eno na leondiak.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”