2 KORINTUS 10:1 - Susula Malalaok Hehelu Palak Ma Hehelu Beuk

¹ Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,

2 KORINTUS 10:1 ပူးပေါင်းရင်းမြစ်များ

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MATEOS 11:29

Tunga Au paleta nga, ma manoli neme Au a mai. Nanahu Au dale nga mangana'uk, ma taidaek, de neukose emi hapu namahokok ma seteleek.

MATEOS 21:5

“Mafa'da Sion mae, emi Mane ma Ana mai so, te Ana beita losa fa. Dale na dale taidaek, ma Ana sa'e keledei esa, fo keledei ana esa.”

HATAHOLI 8:32

Hataholi ndia lees lalane ka nae leo ia, “Ndia sama leo ala hela lini bi'ilopo a, fo leu do'don, sama leo bi'ilopo ana fo ta nakamee, metema ala nggute bulu na, leondiak boe Ana ta kokolak dede'ak de'ek esa boen,

ROMA 10:20

Yesaya napalani nafa'da seluk nae, “Manetualain nae leo ia, ‘Hataholi fo ala ta sanga Au fa, tehu latongo lo Au so; ma Au atu'du Au ao nga neu sila fo ta latane la'eneu Au fa.’ ”

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

ROMA 15:15

Tehu la'eneu dede'a kikisa kala, au balataa emi no mahelek nai susulak ia dalek, nanahu Manetualain ba'ebati fe au bela-ba'uk ndia.

1 KORINTUS 2:3

Nai lelek fo au sama-sama o emi soona, au tapandoes ma dele ngge'be-ngge'be no bibii ka.

1 KORINTUS 4:10

Hu ka nde Kristus, de ami dadi hataholi nggoak, ma emi dadi hataholi Salani malelak! Ami tapandoes ma emi balakaik! Lakamuu-lakadau ami, ma ala koa-kio emi!

1 KORINTUS 4:21

Da'di hele ka'da hata fo emi mahii kana! Ade emi nau au ne'i fo au anoli emi no balakaik do au anoli emi no mangana'uk ma susue-lalaik do?

2 KORINTUS 10:10

Hapu hataholi nai emi dalek nafa'da nae, “Paulus susulan sila la balakaik ma maheohak, tehu metema Paulus nai ita tala'daheon soona, ha'da-paliin mangana'uanak ma hala-kokolan sosoa-ndandaan ta!”

2 KORINTUS 10:2

de au dokodoe anseli, fo boso nalosak emi tao ma au, no nakasetik au tao balakaik neu emi, metema mahani te au ne'i. Nana au dodoo soaneu tao balakaik neu hataholi fo lafa'da lae, ami maue-male'di no dudu'a daebafak.

2 KORINTUS 10:7

Ela leo bee na emi mame'da ha'da-tatao ka ndo na nde bee. Metema hataholi esa namahele Kristus nuun ka'da ndia mesa kana soona, ela leo bee na ana dodoo nasafalin ma ana name'da nae ami boeo Kristus nuun sama na leondia boe.

2 KORINTUS 11:21

Au mae manaku ae ami tapandoe manseli soaneu tao leondia ka. Tehu hata fo hataholi fe'ek napalani namatutua-namadedeman soona, au apalani boe! (Leomae au kokolak sama leo hataholi nggoa ka.)

2 KORINTUS 11:30

Naa, metema au muse amatutua-amadedema hata esa soona, au amatutua-amadedema dede'ak fo lena-lenak natu'du au tapandoe nga.

2 KORINTUS 12:5

La'eneu hataholi ndia nde au nau amatutua-amadedeman, te ta la'eneu au aoina nga mesa kana fa. Nanahu metema au amatutua-amadedema aoina nga, lena-lenak dede'ak fo natu'du au tapandoe ngala nde neukose au amatutua-amadedema nana. La'eneu au aoina nga soona, ka'da basa dede'ak fo natu'du ao tapandoe nga, ndia nde au nau amatutua-amadedema nana.

2 KORINTUS 3:12

Hu ka nde ami manuu namahehena leondia ka de, ami mapalani kokolak leondiak.

2 KORINTUS 5:20

Da'di ami ia nde bee na, Kristus hataholi nadedenun. Manetualain nanduku-nalosak hala hehelu na, tunga ami. No Kristus na'de na, ami dokodoe manseli neu emi, fo sipo ma Manetualain dale susue na, fo nini fe emi malole falik mon.

2 KORINTUS 6:1

Hu ka nde ami maue-male'di sama-sama mo Manetualain de ami dokodoe manseli fo emi boso makamiminak Manetualain dale malolen ndia.

2 KORINTUS 7:4

Au amahele emi te'e-te'e. Nakalenak bai, au amatutua-amadedema emi nanseli! Leomae ami la'ola'di toto'a-sosotak ba'u ka, tehu au hapu kokoe-nanasik ba'u ka, hu ka nde emi. Tete'e ka au dale nga namahoko!

GALATIA 4:13

Tao leo bee o emi bei mafandendelek, hu beek de, neme makasososan mai a, au tui-benga Hala Malole ndia, neu emi. Dede'a ka huu na nde, hu ka nde au tu'u he'dis.

GALATIA 5:2

Mafandendelek te, metema emi nau sunat emi soona, dede'ak ndia sosoa na nae, Kristus sosoa-ndandaan ta ba'eneu emi so. Mana mafa'dak ia, nde au, fo Paulus.

EFESUS 3:1

Hu ndia de au, Paulus, fo nanahukuk nanahu Kristus Yesus, soaneu emi hataholi ta Yahudi la paluu ma.

EFESUS 4:1

Hu ndia de au hataholi nanatahan esa, fo nanatahan, hu ka nde au alalau-aoono Lamatua ka au oke alan seli neu emi: fo ela emi so'da ma natetu-nandaa no emi nangatutuu ma, da'dileo hataholi fo Manetualain nalo basan so.

FILIPI 4:5

Ela leo bee na, basa hataholi la hapu lita emi heheo-hihilu malole ma. Nanahu ta doo ka so'on te, neukose Lamatua ka, ana mai so.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

2 TESALONIKA 3:17

Nate'ak neme au fo Paulus. Au mesa nga nde sulak nate'ak ia. Au sulak ta'du ia, neu basa au susula ngala.

FILEMON 1:19

Na, malole lenak au tao susula lima leek leona ae: Au, fo Paulus, neukose au bae ketu la'iesa kasa. (Tao leo beeo, ta paluu au abenga tolanoo ka ae, tolanoo ka boeo, nahuta au, fo nde o so'da beu ma.)

FILEMON 1:9

Tehu, hu ka nde au sue-lai tolanoo ka de, ka'da au oke mesan ia. Au lasik esa, ma besak ia au nanatahan nai bui dale, nana au tui-benga Kristus Yesus.

1 PETRUS 2:11

Tolanoo susue-lalai ngala lemin! Emi ia, hataholi mana mai, ma mana sepo-danga nai daebafak ia. Hu ndia de, au oke anseli, fo ela emi boso tunga nasa-melu daebafa ka, fo matati soaneu la'ban samane ka tataas esa.

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.