2 KORINTUS 1:22 - Susula Malalaok Hehelu Palak Ma Hehelu Beuk

²² Soaneu ndia de, Manetualain paku basa ita da'di Ndia nuun, ma Ana fe Dula Dale na leo nai ita dalen dale, da'dileo bua pepe'dak esa nae, neukose Ana fe ita basa hata fo Ana helu ka.

2 KORINTUS 1:22 ပူးပေါင်းရင်းမြစ်များ

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

YOHANIS 3:33

Hataholi fo lamahele hala-kokola na nde hataholi fo, te'e-te'e lamahele Manetualain nde bee na, ndoos.

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

ROMA 4:11

Neu makabui na besa ka suna tana, tehu sunat ndia ana da'di ka'da ta'du esa nae, hu ka nde namahehele na de, Manetualain sipo kana da'dileo hataholi fo nandaa no dale na. Manetualain sipo kana ndek ana beita tunga suna ta nakanenete na fa. Boema ana da'di ama salanik neu basa hataholi kamahehele kala, ma hu ndia de Manetualain sipo kana da'dileo hataholi fo nandaa no dale na, leomae ana ta tunga suna ta nakanenete na fa.

ROMA 8:23

Tehu ta ka'da daebafa ka mesa kasa hoo-nggu'u fa; te ita hoo-nggu'u nai ita dalen dale boe. Ita sipo basa Manetualain Dula Dale na da'di neu Manetualain baba'e-babati makasososa na, tehu ita boeo bei tahani Manetualain soi-tefa na ita so'da na basa-basan lala'ena fo Ana tao ita da'di Ndia anan.

ROMA 8:9

Tehu emi ta maso'da tunga hataholi daebafa ka ha'da-paliin fa. Emi maso'da tunga Manetualain Dula Dale na, fo metema tete'e ka soona, Manetualain Dula Dale na koasa nai emi dalem dale te'e-te'e. Hataholi fo Kristus Dula Dale na ta nai dalen dale fa soona, Kristus hataholin ta ndia fa.

2 KORINTUS 5:5

Manetualain nde sadia fe ita soaneu nanatao nasafalik ndia, de Ana fe Dula Dale na neu ita, da'dileo bua pepe'dak esa.

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

NINITAK 2:17

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala! Sila fo manasengi kala, neukose Au po'i fes la'a loti manna fo nananafuni ka, ma esa-esak neukose ana sipo batu fulak esa neme Au mai. Nai batu ndia, nanasulak na'de beuk esa fo esa boeo ta bubulu kana fa, ka'da hataholi mana sipo nana.”

NINITAK 7:3

Ata nusa so'dak ndia nae, “Boso tao malutu dae ma'da ka do tasi a, do ai la dei, metema ami beita fe ta'du-tana segel neu ita Aman Manetualain ata nala dedei nala fa.”

NINITAK 9:4

Ala ka'is fo boso tao lalutu na'u do ai la do bubu'u palusa fe'e kala. Sila ka'da bole leu sapu la hataholi fo nai dedei na ta hapu ta'du-tana segel neme Manetualain mai.