2 KORINTUS 1:1 - Susula Malalaok Hehelu Palak Ma Hehelu Beuk

¹ Tolano-tolanook fo Manetualain hataholi kamahehelen manai Korintu sala, ma Manetualain hataholi kamahehelen manai Akhaya la, lala'ena lemin. Au, Paulus fo Kristus Yesus hataholi nadedenun, fo nanaso'uk tunga Manetualain hihii-nanaun, sama-sama no ita tolanoon Timotius,

2 KORINTUS 1:1 ပူးပေါင်းရင်းမြစ်များ

HATAHOLI 16:1

Paulus la'ok nakandoo leo Derbe neu, de basa boema neu leo Listra. Nai ndia hapu Yesus hataholi mana tungan esa na'de Timotius. Inan hataholi Yahudi, fo namahele Yesus so; tehu aman hataholi Yunani.

ROMA 15:26

Nana salanik manai Makedonia ma Akhaya la lakaheik basa, ala fe tutulu-fafalik neu tolano-tolanook fo nuu ta-hata tak manai Manetualain hataholi kamahehelen Yerusalem ma.

ROMA 16:21

Au nonoong Timotius, ana haitua fe emi nate'ak boe. Leondiak boe, Lukius, Yason, ma Sosipater, fo sila bei leoina esa lo au.

ROMA 16:5

Manduku-malosak au nate'a nga neu salanik fo lakabubua nai duas uman. Ma neu Epenetus fo au sue-lai ka. Ndia nde hataholi makasososak fo namahele neu Kristus nai nusa Asia.

1 KORINTUS 10:32

Maso'da tao leondiak leona, fo nalosa emi ta tao ma hataholi fe'ek tao sala-singok fa; nau sila hataholi Yahudi do ta Yahudi, do Manetualain hataholi kamahehele nala boe.

1 KORINTUS 16:10

Metema Timotius ne'i soona, sipo kana no malole, fo ela ana leo no emi no namahokok, nana hataholi ndia sama leo au, fo naue-nale'di soaneu Lamatua ka boe.

1 KORINTUS 16:15

Tao lo beeo, emi malelak Stefanus ma uma isi nala. Hataholi sila la nde da'di hataholi kamahehelek makasososa nai Akhaya. Hataholi sila la no dale katematuak, laue-lale'di hehelik soaneu lalalau-laoono Manetualain hataholi kamahehele nala.

1 KORINTUS 16:24

Au susue-lalaing no emi basa-basam fo manda'di esa mo Kristus Yesu sa. Ha'da-holomata neme ami, Paulus

1 KORINTUS 6:11

Makahulu na, hapu hataholi de'ubee nai emi dalek, bei lanuu ha'da-palii leo sila kala. Tehu besak ia soona emi malalaok neme sala-singo ka mai so. Emi dadi Manetualain nuu hehelin so. Emi malole falik mo Manetualain, nana emi mamahele neu Lamatuak Yesus Kristus, ma hu ka nde ita Aman Manetualain Dula Dale na koasa na.

2 KORINTUS 1:19

Nanahu Yesus Kristus fo Manetualain Anan, fo nananafa'dak neu emi neme Silas, Timotius ma neme au a, ta nde hataholi fo “Hei” ma “Ta.” Nasafali na, Ndia nde bee na natataa “Hei”, neme Manetualain mai.

2 KORINTUS 1:23

Manetualain sakasii au, nana Ana bubuluk au dale nga, au ta da'di u leo Korintus u fa nana, au ta nau tao akahehe'dik emi dale ma fa.

2 KORINTUS 11:10

Au namatutua-namadedemang ia, ta hapu losehenin nai bee boen, nai basa nusa Akhaya lala'ena, nanahu Kristus nanolin fo ndo sa ndia, hapun nai au dalek.

2 KORINTUS 9:2

Au bubuluk emi mahiik manseli tulu-fali, de au amatutua-amadedema basa emi neu hataholi manai Makedonia la so. Au afa'das ae, neme teu maneu ka, tolanook fo namahehelek esa fo manaleo nai Korintus nai nusak Akhaya, laheheleaon basa soaneu fe tutulu-fafalik so. Naa, te'e-te'e emi manggatem ndia, nafofo'a sila ba'u ka manggate na boe.

GALATIA 1:1

Tolano-tolanoo kamahehelek manai kota Galatia la lemin! Au, fo Paulus, ma basa tolanoo kamahehelek fo mana lo au a, ami mamahena ela leo bee na, ita Aman Manetualain ma Lamatuak Yesus Kristus fe baba'e-papalak ma so'da-molek neu emi. Au da'di Lamatua ka hataholi nadedenun, ta hu ka nde hataholi daebafa ka, lele'a-nonolen do hu ka nde, hataholi daebafa ka nde so'u au da'di Lamatua ka hataholi nadedenun fa te, Yesus Kristus fo ita Aman Manetualain tao naso'da fali kana neme mamate sa mai ndia, nde so'u au a.

GALATIA 3:26

Nanahu emi mamahele Kristus Yesus de, emi da'di esa moon, hu ndia de, emi da'di Manetualai nanan.

EFESUS 1:1

Manetualain hataholi kamahehelen fo manai Efesus ala, fo mana lilinekak neu Kristu sala lemin!

FILIPI 1:1

Tolano-tolanook fo Manetualain hataholi kamahehelen fo lamahele neu Yesus Kristu sa, mauli-malangan, ma manatuli-fali hataholi kamahehelek manai Filipi la lemin! Au fo Paulus ma Timotius fo Kristus Yesus ata nala,

1 TESALONIKA 1:1

Tolano-tolanook fo Amak Manetualain ma Lamatuak Kristus Yesus hataholi kamahehelen, manai Tesalonika la lemin! Ami fo nde: Paulus, Silas ma Timotius ami mamahena ela leo been-na, Manetualain fe baba'e-papalak ma so'da-molek neu emi.

1 TESALONIKA 3:2

ami madenu ita tolanon Timotius ne'i. Timotius ia, Manetualain malalau-maoonon esa, fo nalalau-naoono sama-sama no ami, soaneu ami tui-benga Hala Malole la'eneu Kristus. Ami madenu Timotius ne'i fo natetea-nahehele emi, fo ela emi boetai mamahele seluk neu Kristus.

2 TESALONIKA 1:1

Tolano-tolanoo salanik manai Tesalonika, fo Amak Manetualain ma Lamatuak Yesus salani nala lemin! Ami fo Paulus, Silas ma Timotius,

1 TIMOTIUS 1:1

Timotius, au ana ndoong fo nai Lamatua ka dalek! Susulak ia, neme au Paulus, fo Kristus Yesus ana nadedenun. No Manetualain, fo ita Manen Mana Fe So'da na, ma no Yesus Kristus fo ita tamahehena ka paleta na, de au oke. Ela leo bee na, Amak Manetualain, ma ita Lamatuan Yesus Kristus, Ana fe baba'e-papalak, susue-lalaik ma mole-dame neu emi.

2 TIMOTIUS 1:1

Timotius fo au ana susue nga! Au, fo Paulus, au sulak fe o susulak ia, nana au amahena, ela leo bee na Amak Manetualain ma ita Lamatuan Kristus Yesus, fe baba'e-papalak, susue-lalaik ma mole-dame neu o. No Manetualain hihii-nanaun de, ala so'u au da'di Kristus Yesus hataholi nadedenun, boema nadenu au, fo au u tui-benga la'eneu maso'dak fo Manetualain helu ka. Ita hapu so'dak ndia, nana ita da'di esa to Kristus Yesus.

TITUS 1:1

Susulak ia neme au, Paulus. Au sulak susulak ia, da'dileo Manetualai natan ma Yesus Kristus hataholi nadedenun. Au nanahelek ma nananadenuk, soaneu au tulu-fali Manetualain hataholi kamahehele nala, fo ela ala da'di balakaik nai namahehele nala dalek. Au boeo muse hela-noles, fo ela lalelak nanoli ndoos fo agama nanoli kala.

FILEMON 1:1

Tolanoo Filmon fo ami nonoom ma ami tia-lai malalau-maoonom. Nate'ak neme ita tolanoon Timotius ma neme au, Paulus fo nanatahan, hu ka nde ita Lamatuan Yesus Kristus. Au sulak susulak ia fe emi,

IBRANI 13:23

Ela leo bee na emi bubuluk mae, ita tolanoon Timotius nanapo'ik neme bui dale mai so. Metema ana mai leo au mamanang ia mai soona, mahani te neukose au on nai lelek au ne'i donge-dama emi a.