2TAWARIKH 9:7 - Susula Malalaok Hehelu Palak Ma Hehelu Beuk

⁷ Hataholi mana'a ngga'di fo lalalau-laoono Tuan-na, laua-lanale lanseli, ma laue-lale'di ba'eneu Tuan tataas esa nalosa ala hapu lamanene matan neme Tuan mai, basa nanolik manatee tenok lala'en-na!

2TAWARIKH 9:7 ပူးပေါင်းရင်းမြစ်များ

1RAJA-RAJA 10:8

Tuan saoinan-nala laua-lanale lanseli! Ma nanala matuainan-nanseli ba'eneu hataholi mana'a ngga'di fo laue-lale'di tataas esa soaneu Tuan, nalosa lamanene matan neme Tuan mai, basa nanolik fo manatee tenok lala'en-na!

2TAWARIKH 9:6

Makahulun-na au ta amahele fa, tehu lelek au mai de au ita basa-basan nenik au matang-nga, besak-ka au amahele. Te'e-te'e basa hata lala'en fo au amanenen ndia, beita ba'e duak neme hata fo au itan besak ia mai fa. Se'kona Tuan manatee tenon-na ma su'i-beten ba'un-na seli lena neme hata fo lafa'dan neu au-a.

2TAWARIKH 9:8

Kokoa-kikiok ba'eneu Amak, fo Tuan Manetualain-na! No Ana so'u Tuan da'di manek soaneu paleta nenik na'den-na, Ana natu'du nae namahoko nanseli neu Tuan. Nanahu Ana sue-lai hataholi Israel-la, de Ana nau fo ela ala ta sapu-lalo fa, te lahele losa dodoon-na, boema Ana so'u Tuan da'di sila manen-na, fo ela Tuan hapu napadedeik natetu hoholo-lalanek ma eno ndos ma matetuk-ka.”

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

AMSAL 10:21

Hataholi malole-a dede'a-kokolan, nalupa baba'e-papalak ba'eneu hataholi makadotok; hataholi nggoak-ka, nggoan-na taonisa seluk aoinan-na.

AMSAL 13:20

Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.

AMSAL 3:14

Nanalan-na ba'u lena heni, hata fo ana hapun neme lilofulak-ka mai, ma belin-na lena heni lilopilas-sa.

AMSAL 3:3

Ela leo been-na, o mamahele mahele, ma lilineka neu Manetualain ma o nonoo hataholim-ma. Mafandendelek basa sila-la, fo pe'dan nai o dalem dale,

AMSAL 8:34

Namahoko-seteleek ba'eneu hataholi fo namanene neu au, fo su'di faik nangatuk nahani nai au umang-nga lelesun-na, ma manamaneak nai au mamana leleong-nga lelesuinan-na.

LUKAS 11:28

Tehu Yesus nataa nae, “Maua-manalek lena seluk, hataholi mana namanene Manetualain dede'a-kokolan ma nakalala'o kana!”

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.