2TAWARIKH 9:16 - Susula Malalaok Hehelu Palak Ma Hehelu Beuk

¹⁶ Boeo ana taon-na sisili musu lilopilas ana natun telu. Lilopilas fo ana paken soaneu tao sisili musu lilopilas ana natu kateluk sila-la, esa soona na'a fafa'kama lilopilas kilo telu, basa sila-la leme lilopilas nanatutuk mesa-mesan. Ana pe'da sisili musu sila la lai mamanak fo mana'de Mamanak Nula Libanon.

2TAWARIKH 9:16 ပူးပေါင်းရင်းမြစ်များ

1RAJA-RAJA 14:26

Ala loso la basa bua-lo'a kabelik manai Manetualain Uman-na, ma nai manek-ka uma manen-na, boeo buas sisili musu lilopilas fo Salomo nadenu Huram taok-ka.

1RAJA-RAJA 7:2

Nai uma manek ndia, Salomo taok-kama fo loken lae, “Lalaa Temak Nula Libanon”. Uuku na: nanalu na metel haahulu haa, loloa na metel duahulu dua, ma dedema na Metel sanahulu telu seselik. Lalaa Temak ndia nanuu dii telu lakadadalak fo leme ai kaiou Libanon na mai; dalak esa soona, ala tao dii sanahulu lima neu, ma nai lain, ala pasak lolo ma papak neme ai kaiou Libanon na mai. Uma hunun-na ala pake ai matak esa fo poti ketu ai nananakalelea'ak sila-la.

2TAWARIKH 12:9

Boema Manek Sisak-ka mai sapu-na kota Yerusalem-ma de ana loso neni bua-lo'a kabelik manai Manetualain Uman-na, manai uma manek-ka, ma Manek Salomo taon-na sisili musu-lilopilas-ala boe.

2TAWARIKH 9:15

Salomo tutu lilopilas de ana taon-na sisili musu natun dua. Lilopilas fo ana paken soaneu tao sisili musu sila-la, esa soona na'a lilopilas kilo hitu ma lenak.

2TAWARIKH 9:17

Manek-ka boeo taon-na kandela manek matuaina esa neme ngga'di dui mai de ana balias-sana nenik lilopilas isik.